Ubutukilo 18:10 - Mukanda Wa Zambi 1970

¹⁰ Umwe mutu yamwamba ngwenyi: “Mungukahiluka ha mwaka uze muwize ho, mba mukwenu pwo Sara makasema mwana wa lunga.” Kuma te Sara kanamana kunyima lia chajilo, kanevu yeswe yize te anambe,

MUKANDA USANDU WA ZAMBI 1975

¹⁰ Iye yamba ngwenyi, Pundu kumungukeza nawa kuli yena muze kangonde makaheta nawa, mba mukwenu-pwo Sara makasema mwana. Sara te kanevuko ku chikolo cha mbalaka kunyima yenyi.

Ubutukilo 18:10 Iomraidhean Croise

Ubutukilo 16:10

Yamwamba ngwenyi: “Mungukokesa vungu lie, mutu niumwe makahasa kwaalula mumu ha unji wo.

Ubutukilo 17:16

Mungumuwahisa, neye makasema mwana wa lunga. Mwe Sara makabwa naye ya mavungu anji. Hakachi ko akwo maakabwa mianangana.”

Ubutukilo 17:19

Alioze Zambi ngwenyi: “Hi chocho ko. Mukwenu pwo Sara makasema mwana wa lunga. Ukamuluka ngwe, Isake. Mungukakolesa nenyi Usendo, ni lie vungu lienyi nawa. We Usendo muukalinduluka ndoo ku miaka yeswe.

Ubutukilo 17:21

Alioze mungukolesa Usendo ni mwane Isake, mwana yoze Sara makasema mwaka uze muwiza ho.”

Ubutukilo 18:9

Muze haalia yaahula Abrahama ngwo: “Mukwenu pwo Sara kuli ali?” Abrahama ngwenyi: “Mu zuwo ali.”

Ubutukilo 21:1

Mwene Zambi yawahisa Sara ngwe chize ambile.

Ubutukilo 21:2

Sara yaka ufumba, yasema mwana wa lunga muze te Abrahama habwa kwenyi kashinakaji. Mwana yasemuka mu kakweji yoze alakenyene Zambi.

Luka 1:13

Alioze kangunga ka mwilu yamwamba ngwenyi: “Kanda wivwa woma, Zakaria! Zambi hevwa kuliumba che. Pwo lie, Isabele (Elisabete), kumakasema mwana wa lunga, ukamuluke jina ngwe, Yoano.

Galashia 4:23

Alioze mwana lunga yoze asemene ni ndungo yasemuka nikulita ni ndako ya uutu. Ni mwana lunga yoze asemene ni mwenyaho yasemuka nikulita ni chilakenyo cha Zambi.

Galashia 4:28

Alioze, yenu usoko wami, nuli ana waze nwasemukine nikulita ni chilakenyo cha Zambi, ngwe Isake.