Ubutukilo 17:23 - Mukanda Wa Zambi 1970

²³ Tangwa lizeliene Abrahama yapwisa mwanenyi Ishmaele ngalami. Malunga waze asemukine mu zuwo lienyi ni waze akulanda ni mbongo, ni malunga waze te atwama mu zuwo lienyi, eswe yaapwisa ngalami ngwe chize amulwezele Zambi.

MUKANDA USANDU WA ZAMBI 1975

²³ Mba Apalahama yatwala mwanenyi, Ishemali ni waze eswe asemukine mu zuwo lienyi, ni waze eswe a kulanda ni mbongo, malunga eswe hakachi ka atu a ku zuwo lia Apalahama, yaapwisa eswe ngalami mu musunya wo tangwa lioliene ngwe Zambi hamwamba.

Ubutukilo 17:23 Iomraidhean Croise

Ubutukilo 14:14

Muze Abrama hevwa ngwo, mwanenyi haamukwata, yakungulula tujita twenyi, waze asemukine mu zuwo lienyi, atu 318, yaakaula mianangana waze ndoo ku norde ku limbo lia Dane.

Ubutukilo 17:9

Zambi yambila Abrahama ngwenyi: “Yena ni vungu lie ni waze maakasemuka kulutwe, chanutamba kufunga Usendo uno.

Ubutukilo 18:19

Hinatongola Abrahama hanga akalweze ana jenyi ni vungu lienyi ngwenyi, chaatamba kufunga Shimbi jami, ni kulinga yuma yibema ni ya ululi. Nyi maachilinga mungumanununa yeswe yize namwambile.”

Ubutukilo 34:24

Atu eswe a mu limbo yaatayiza maliji waze aalwezele Hamore ni Shekeme. Mba malunga eswe yaapwisa ngalami.

Miaso (Masamu) 119:60

Mungulipupwisa kufunga Shimbi je, chichi kulaluka.

Yishima 27:1

Kanda ulichichimieka hakutwala ku tangwa lia hamene. Mumu kuwanyingikine yuma yize muyibwa hamene.

Longeshi 9:10

Uhondangana milimo ye yeswayo wakulinga, mumu muze muma lia afu kumushi milimo, chibwe kunyonga, chibwe chinyingi, chibwe mana; mwenamo muukaya.

Yilinga 16:3

Paulu yazanga Timoteu kuya hamwe nenyi, yamwanda, mba yamupwisa ngalami. Yachilinga mumu hali Ayuda a ku chifuchi chize, mumu eswe te kaamunyingika ngwo, tato Kagresia.

Galashia 5:6

Mumu muze hitunalinungu kulu ni Kristu, kubwa ngalami hanji chilima hi Chuma ko. Chuma chinene ufulielo uze wakulinga ni zango.

Galashia 6:15

Kubwa ngalami hanji chilima hi Chuma ko. Chuma chinene ngwami, kubwa mutu mwaha.