Ubutukilo 17:19 - Mukanda Wa Zambi 1970

¹⁹ Alioze Zambi ngwenyi: “Hi chocho ko. Mukwenu pwo Sara makasema mwana wa lunga. Ukamuluka ngwe, Isake. Mungukakolesa nenyi Usendo, ni lie vungu lienyi nawa. We Usendo muukalinduluka ndoo ku miaka yeswe.

MUKANDA USANDU WA ZAMBI 1975

¹⁹ Zambi yamba ngwenyi, Hi chocho ko, alioze mukwenu-pwo Sara makusemena mwana wa lunga. Ukamuluke jina Izake, mba mungukolesa nenyi usendo wami ukapwe usendo wa mutolo ku munyachi wenyi kulutwe.

Ubutukilo 17:19 Iomraidhean Croise

Ubutukilo 16:11

Muukasema mwana wa lunga, ukamuluka ngwe: Ishmaele, mumu Mwene Zambi hevwa kulila che,

Ubutukilo 17:16

Mungumuwahisa, neye makasema mwana wa lunga. Mwe Sara makabwa naye ya mavungu anji. Hakachi ko akwo maakabwa mianangana.”

Ubutukilo 17:18

Abrahama yaweza ho ngwenyi: “Nyi unazange, Ishmaele anguhinge kama.”

Ubutukilo 17:21

Alioze mungukolesa Usendo ni mwane Isake, mwana yoze Sara makasema mwaka uze muwiza ho.”

Ubutukilo 17:7

“Usendo uno ngunakolesa ni yena ni vungu lie nawa ndoo ku miaka yeswe. Mungukabwa Zambi ye kanda Zambi yo.

Ubutukilo 21:6

Sara ngwenyi: “Zambi hangusehesa, hangukwasa. Mweswe mutu mevwa sango jino, kumaseha hamwe ni yami.”

Ubutukilo 26:2

Mwene Zambi hanalisolola kulu kuli Isake ni kumwamba ngwenyi: “Kanda uya ku chifuchi cha Egiptu, alioze twama mu chifuchi chino.

Ubutukilo 26:3

Twama hano, mungubwa hamwe ni yena, mungukuwahisa. Mungukwaha chifuchi chino cheswe, yena ni vungu lie. Mungukakolesa Shingo lize nalishingile ni tatenu Abrahama.

Luka 1:55

kuli Abrahama ni vungu lienyi ku miaka yeswe, ngwe chize hanachilakenya kuli tushakulu twetu!”

Hebreu 11:11

Ku ufulielo Abrahama yahasa kusema mwana, chibwe te habwa kashinakaji, ni chibwe Sara te mumba. Yafuliela ngwenyi, Zambi makalinga chize alakenyene.