Ubutukilo 17:16 - Mukanda Wa Zambi 1970

¹⁶ Mungumuwahisa, neye makasema mwana wa lunga. Mwe Sara makabwa naye ya mavungu anji. Hakachi ko akwo maakabwa mianangana.”

MUKANDA USANDU WA ZAMBI 1975

¹⁶ Kumungukamuwahisa, chikwo nawa mwana wa lunga kumakasemuka kuli iye. Ewa mungukamuwahisa, kumakapwa semi ya mavungu. Mianangana ya mavungu kumakasemuka kuli iye.

Ubutukilo 17:16 Iomraidhean Croise

Ubutukilo 1:28

Yaawahisa, yaamba ngwenyi: “Semenu, nuliokese, nuzalise hashi heswe ni kuyula ho. Nuyule yishi a mu kalunga lwiji, ni tujila a mu tetela, ni tushitu eswe akwenda hashi.

Ubutukilo 12:2

Mungukakupwisa vungu linene ni kukuwahisa. Mungukafumanyisa jina lie, mba muukawahisa atu akwo.

Ubutukilo 15:4

Abrama yevwa nawa maliji a Mwene Zambi ngwenyi: “Ndungo yono kechi kakuhinga, alioze mwana yoze muukasema yena mwene, mwe makakuhinga.”

Ubutukilo 17:15

Zambi yambila nawa Abrahama ngwenyi: “Mukwenu pwo, kanda umuvuluka nawa ngwe, Sarai, alioze habwa Sara.

Ubutukilo 17:19

Alioze Zambi ngwenyi: “Hi chocho ko. Mukwenu pwo Sara makasema mwana wa lunga. Ukamuluka ngwe, Isake. Mungukakolesa nenyi Usendo, ni lie vungu lienyi nawa. We Usendo muukalinduluka ndoo ku miaka yeswe.

Ubutukilo 17:6

Mungukakwaha mavungu anji, amwe maakabwa mavungu anene. Mukachi ko akwo maakabwa mianangana.

Ubutukilo 21:1

Mwene Zambi yawahisa Sara ngwe chize ambile.

Ubutukilo 24:60

Yaawahisa Rebeka ni maliji wano ngwo: “Yena ndumbwetu, ukabwe semi wa tununu ni tununu. Vungu lie akakumbe akwa kole jo.”

Ubutukilo 25:23

Neye yamukumbulula ngwenyi: “Mavungu aali ali mu jimo lie. Muukasema mavungu aali waze maakalitachika. Vungu limuwika maakabwa ni tachi kuhiana likwo. Vungu lia mukulwana maakalingila vungu lia kanuke.”

Ubutukilo 35:11

Zambi yamwamba nawa ngwenyi: “Yami nguli Mwene Zambi Mukwa Ndundo Jeswe. Usema ana anji. Vungu lie maakabwa anji, akwo maakabwa mianangana anene. Vungu lie mulikoka, maakabwa mavungu anene.

Ubutukilo 36:31

Atu wano e mianangana waze ayulile mu chifuchi cha Edome muze te Aisraele kanda achibwa ni mwanangana: Bela, mwana wa Beore, wa ku chihunda cha Dinhaba, Yobaba mwana wa Zera wa ku limbo lia Bozra, Hushame wa ku chifuchi cha Temane, Hadade mwana wa Bedade wa ku limbo lia Avite (yoze wakumbile Amidiane mu jita mu chifuchi cha Moabe), Samla wa ku chihunda cha Masreka, Shaule wa ku limbo lia Rehobote ku lwiji, Bal Hanane mwana wa Akbore Hadade wa ku limbo lia Pau (Jina lia pwo lienyi te Mehetabele, mwana wa Metrede, mujikulu wa Mezahabe.)

Izaya 49:23

Mianangana maakabwa ngwe atatenu; miazovu ngwe anoko. Kumaakafukama kuli yenu ni kunulemesa; kumaakalikehesa ni kunulweza vumbi. Mba munukanyingika ngwenu, yami nguli Mwene Zambi; atu waze akungushimbwila ngwakwase, keechi kevwa sonyi.”

A-ROMA 9:9

Mumu Zambi yalweza chilakenyo chenyi ni maliji wano ngwenyi: “Muze tangwa mulikaheta, mungukahiluka, mba Sara makasema mwana lunga.”

Galashia 4:23

Alioze mwana lunga yoze asemene ni ndungo yasemuka nikulita ni ndako ya uutu. Ni mwana lunga yoze asemene ni mwenyaho yasemuka nikulita ni chilakenyo cha Zambi.

1 Petulu 3:6

Sara neye che abwile. Te kakwononokena Abrahama ni kumuvuluka ngwenyi: “Mwata wami.” Yenu mapwo munubwa ana jenyi, nyi munulinga yibema ni kunuchi kwivwa woma ku Chuma nichimwe.