Ubutukilo 17:14 - Mukanda Wa Zambi 1970

¹⁴ Lunga chilima, kuchatambile kumwalula nawa mukachi ka atu jami, mumu kafungile Usendo wami.”

MUKANDA USANDU WA ZAMBI 1975

¹⁴ Lunga yoze wapwa chilima akamupatule kuli atu jenyi; hashiha usendo wami.

Ubutukilo 17:14 Iomraidhean Croise

Ubutukilo 17:15

Zambi yambila nawa Abrahama ngwenyi: “Mukwenu pwo, kanda umuvuluka nawa ngwe, Sarai, alioze habwa Sara.

Ubutukilo 34:14

Ngwo: “Ndumbwetu kahashile kuya ulo kuli chilima. Kuli yetu sonyi jinji.

Miaso (Masamu) 55:20

Yoze wabwile sepa liami hatangu yalimika ni masepa jenyi, yashiha Usendo wo.

Kutuhuka 12:15

“Ha matangwa shimbiali nukalia mbolo yize kuyishi yitumbo. Ha tangwa litangu nukachiza yitumbo yeswe mu mazuwo jenu. Mumu, nyi umwe walia mbolo yize yili ni yitumbo ha matangwa waze shimbiali, kuchatambile kumwalula nawa mukachi ka atu jami.

Kutuhuka 12:19

Ha matangwa waze shimbiali kanda nukabwa ni yitumbo ya mbolo mu mazuwo jenu. Nyi mutu malia mbolo yize yili ni yitumbo, kuchatambile kumwalula nawa mukachi ka atu jami, chibwe chilambala, chibwe mwenyaho.”

Kutuhuka 30:33

Nyi umwe machinga maji ngwe wano, hanji kwawayisa yoze hi hako ko, mutu yoze chatamba kumuchiza mukachi ka atu jami.’ ”

Kutuhuka 30:38

Nyi umwe machinga maji ngwe wano, mutu yoze chatamba kumuchiza mukachi ka atu jami.”

Izaya 24:5

Atu haanabihisa hashi mumu haakolema Shimbi ja Zambi ni haashiha Usendo wa miaka yeswe uze Zambi akolesele no.

Izaya 33:8

Mu majila kumuli utoji kuhiana, kashika niumwe keshi kwendela mo. Kaakutangula Usendo ni kaakushiha yilakenyo, kaasolo kusa nawa mutu niumwe vumbi.

Jeremia 11:10

Haanahiluka ku shili ya tushakulu two, waze alitunyine maliji jami; haanawayila mazambi eka. Aisraele ni Ayuda eswe aali haanashihi Usendo uze nakolesele ni tushakulu two.

Jeremia 31:32

Kuuchi kabwa ngwe Usendo uze nakolesele ni tushakulu two muze naatuhwishile ni kwoko liami mu Egiptu. Chibwe nabwile ngwe lunga lio, hindu kaafungile ko we Usendo.

Ezekiel 44:7

Haanajilula zuwo liami muze te akutayiza yilambala yilima, atu waze keeshi kungwononokena, kunjila mo muze te mahako akungulambwila milambu ya maji ni manyinga. Chenacho atu jami haashiha Usendo wami mumu ha yuma yo ya kuzelwokesa yize haanalingi.

Alevi 18:29

Nunanyingika ngwenu, mweswawo malinga yuma yino ya kuzelwokesa, kechi kumwalula nawa mukachi ka atu ja Zambi.

Alevi 19:8

Mweswawo, mayilia mavulumuna, mumu halelesa Chuma chize hingunakunjika. Kuchatambile kumwalula nawa mukachi ka atu jami.

Alevi 23:29

Mweswawo makalia chimwe Chuma ha tangwa lize, kechi kumwalula nawa mukachi ka atu ja Zambi.

Alevi 7:25

Mweswawo makalia maji a chimuna chize maahasa kulambula kuli Mwene Zambi ngwe milambu ya yakulia, keechi kamwalula nawa mukachi ka atu ja Zambi.

Alevi 7:27

Mweswawo makakolema Shimbi yino, keechi kamwalula nawa mukachi ka atu ja Zambi.

Kwalula 9:13

Alioze mweswawo kalichishile hanji kayile ko mu wenyi usuku, nyi kalingile ko chiwanyino cha Kubalika, kechi kamwalula nawa mukachi ka atu jami, mumu kangulambwile mulambu wenyi ha tangwa lia chilakenyo. Chamutamba kumona lamba mumu ha shili yenyi.

1 Korintu 11:27

Kashika, nyi umwe malia mbolo ya Mwene Yesu hanji manwa musenge wenyi ngwe kuchalitele, kanahi ku mujimba ni manyinga ja Mwene.

1 Korintu 11:29

Mumu, nyi kanyingikine ulumbunwiso wa mujimba wa Mwene muze akulia mbolo ni muze akunwa musenge wa Mwene, kakulihisa.