Ubutukilo 17:1 - Mukanda Wa Zambi 1970

¹ Muze Abrama habwa ni miaka 99, Mwene Zambi yasoloka kuli iye ni kumwamba ngwenyi: “Yami nguli Zambi Mukwa Ndundo Jeswe. Chakutamba kungwononokena ni kuliendela ni yami matangwa eswe.

MUKANDA USANDU WA ZAMBI 1975

¹ Muze te Apalama kali ni makumi livwa a miaka ni miaka livwa Yehova yasoloka kuli Apalama nikwamba kuli iye ngwenyi, Yami nguli Zambi Mukwa-Ndundo-Jeswe, enda kumeso jami upwe mungunu.

Ubutukilo 17:1 Iomraidhean Croise

Ubutukilo 12:1

Mwene Zambi yambila Abrama ngwenyi: “Katuka muno mu chifuchi che, hichika usoko we ni limbo lia tatenu, hanga uye mu chifuchi chize mungukulweza.

Ubutukilo 12:7

Mwene Zambi yasolokela Abrama nikwamba ngwenyi: “Chino che chifuchi mungukahana kuli vungu lie.” Mba Abrama yatunga chilumbilo homa haze, mumu kwenako Mwene Zambi amusolokelele.

Ubutukilo 16:16

Abrama te habwa ni miaka 86 muze asemene Ishmaele.

Ubutukilo 18:1

Mwene Zambi yasolokela Abrahama homa ha kuwayila ku Mamre ku mitondo shene. Tangwa ha muchima Abrahama te kanatwama mu chikolo cha zuwo lienyi lia makubu,

Ubutukilo 18:14

Kuli chimwe Chuma chize Zambi machisa kenu, nyi? Ngwe chize hinamba kulu ngwami, ha mwaka uze muwiza ho Sara makasema mwana wa lunga.”

Ubutukilo 24:40

Iye ngwenyi: ‘Mwene Zambi yoze nakwononokena ndoo ni musono uno, makakutumina kanganda kenyi ha kukukwasa. Ha chino ukafupile mwanami pwo mu chifuchi cha tata.

Ubutukilo 26:2

Mwene Zambi hanalisolola kulu kuli Isake ni kumwamba ngwenyi: “Kanda uya ku chifuchi cha Egiptu, alioze twama mu chifuchi chino.

Ubutukilo 28:3

Zambi Mukwa Ndundo Jeswe akakuwahise, akakwehe ana, akakwokese ukabwe tato ya mavungu anji hano hashi.

Ubutukilo 35:11

Zambi yamwamba nawa ngwenyi: “Yami nguli Mwene Zambi Mukwa Ndundo Jeswe. Usema ana anji. Vungu lie maakabwa anji, akwo maakabwa mianangana anene. Vungu lie mulikoka, maakabwa mavungu anene.

Ubutukilo 43:14

Zambi Mukwa Ndundo Jeswe anukwase hanga mwe lunga akanuvwile keke, akanwehe yayenu ni Benjamine, nukeze no. Alioze yami, nyi ana jami maatoka, atoke kwo.”

Ubutukilo 46:3

Zambi ngwenyi: “Yami nguli Zambi, Zambi ya tatenu. Kanda wivwa woma ha kuya ku chifuchi cha Egiptu. Kwenako mungukakupwishila vungu linene.

Ubutukilo 48:15

Mwabwamuze Israele yawahisa Josefe ngwenyi: “Zambi yoze atata jami Abrahama ni Isake alingile, awahise ana malunga wano! Zambi yoze wangufungile ndoo ni musono, aawahise!

Ubutukilo 48:3

Yambila Josefe ngwenyi: “Mwene Zambi hanangusolokela ku limbo lia Luze mu chifuchi cha Kanana, yanguwahisa, mba

Ubutukilo 5:22

Enoke te kakuliendela ni Zambi. Yatwama ni mwono miaka yikwo 300, yasema nawa ana a malunga ni a mapwo,

Ubutukilo 5:24

Enoke, ha matangwa eswe a mwono wenyi te kakulivwa ni Zambi. Mba limwe tangwa Zambi yamuchiza hashi, atu hikaamumwene ko nawa.

Ubutukilo 6:9

Jino je sango ja Noa. Noa yasema ana atatu a malunga: Sheme, ni Hame, ni Jafete. Noa te keshi kapalia, yalivwa ni Zambi. Shina iye wabwile mukwa ululi ha miaka yenyi, atu akwo eswe abwile abi ku meso ja Zambi. Vunda ni kwonona yiimwangana mwamwaa hashi heswe.

1 Yitanga Ya Mianangana 2:4

Nyi wachilinga, Mwene Zambi kumakamanununa chilakenyo chenyi chize angulakenyene ngwenyi: ‘Vungu lie maakayula Aisraele matangwa eswe, nyi maakafunga Shimbi jami ni mbunge jo jeswe, ni mwono wo weswe.’

1 Yitanga Ya Mianangana 3:6

Mwanangana ngwenyi: “Matangwa eswe walwezele zango linji kuli kavumbi ke tata David, te kali mukwa ululi ni umwenemwene, ni mukwa mbunge ya kutuwika. Yiunyongonona ni kumulweza zango lia kumwaha mwana wa lunga yoze unamuhingi musono uno.

1 Yitanga Ya Mianangana 8:25

Mwene Zambi, Zambi ya Aisraele, manununa nawa chilakenyo chikwo chize walakenyene tata David, muze wamwambile ngwe: ‘Matangwa eswe umwe wa ku vungu lie makayula Aisraele, nyi mabwa ni kungwononokena kanawa ngwe chize alingile David.’

1 MIANANGANA 20:3

“Mwene Zambi, iwuluka kama chize hingunakulingila ni mbunge yimuwika ni kushishika; matangwa eswe hinguneseka kulinga chize wakuzanga.” Mba yabutuka kulila chikolo.

Jobe 1:1

Yikubwa umwe lunga wa ku chifuchi cha Uze, jina lienyi Jobe. Te mutu mubema, mukwa ululi, yoze walemesene Zambi, walifungile ku yibi.

Jobe 11:7

Muuhasa kunyingika yijimbikilo ya Zambi, nyi? Muuhasa kushishika Mukwa Ndundo Jeswe, nyi?

Miaso (Masamu) 115:3

Zambi yetu mwilu ali, kakulinga yize yamuwahila.

Miaso (Masamu) 116:9

Kashika ngunende hamwe ni Mwene Zambi, mu chifuchi cha waze ali ni mwono.

Miaso (Masamu) 25:14

Mwene Zambi kali sepa lia waze akumwononokena, kakukolesa Usendo wenyi hamwe no.

Kutuhuka 6:3

Hingunalisolola kuli Abrahama, ni Isake, ni Yakoba ngwami, nguli Zambi Mukwa Ndundo Jeswe. Alioze chaalwezele jina lino ngwami, Mwene Zambi

Yishima 10:9

Akwa kutuwika mu mbunge maabwa ni uhwimino, maajikiza, alioze yihenge maakakwachika mu uhenge wo.

Izaya 38:3

“Mwene Zambi, iwuluka kama chize hingunakulingila ni mbunge yimuwika ni kushishika, matangwa eswe hinguneseka kulinga chize wakuzanga.” Mba yabutuka kulila chikolo.

Jeremia 32:17

“Mwene Zambi, yena watangile lilu ni hashi ku ndundo je jahiana; kukushi Chuma nichimwe chize muchikukalila yena.

Daniel 4:35

Kakutala akwa hashi ngwe Chuma chamokomoko. Tunganda twa mwilu ni akwa hashi eswe kaali mu chiyulo chenyi. Niumwe mahasa kukinda upale wenyi hanji kumuhula chize analingi.

Mika 6:8

Kaa mata! Mwene Zambi hanatulweze chize akuzanga: kulinga chize chinalite, kulweza zango lize kulishi kuhwa, kuliendela ni Zambi yetu nikulikehesa.

Kwalula 11:23

Mwene Zambi yakumbulula ngwenyi: “Kuma kwoko liami hiliahiha, nyi? Ha shimbu likepe muumona nyi chize nambile muchimanunuka nyi ka!”

Kwalula 24:16

yoze unevu yize Zambi anahanjika, ni kutambula yinyingi yize yineza kuli Zambi Mwilu Mwahiana, ni kumona mu Usolwelo, usolwelo wa Zambi Mukwa Ndundo Jeswe.

Mateu 19:26

Yesu yaatala nee, yaamba ngwenyi: “Atu kenu maachisa, alioze hi Zambi ko, mumu Zambi kakuhasa yuma yeswe.”

Mateu 5:48

Bwenu angunu mu ululi ngwe chize abwa Tatenu wa mwilu mungunu.”

Luka 1:6

No eswe aali yaabwa akwa ululi ku meso ja Zambi, yaafunga Shimbi jeswe ni ndako jeswe ja Zambi, te keeshi kapalia.

Yilinga 23:1

Paulu yahulikila meso ku Mbunga ya Ngaji ja Ayuda, yamba ngwenyi: “Akwetu, manyonga jami keeshi kunguhisa ku meso ja Zambi hakutwala ku mwono wami ndoo ku tangwa lino.”

Yilinga 24:16

Che chikuma chino ni yami nawa nakulifumba, hanga ngukabwe ni mbunge yibema ku meso ja Zambi ni atu.

Efesu 3:20

Zambi mahasa kulinga kuhiana yeswe yize tunechi hanji tunanyongo! Machilinga ni ndundo jize jakulinga muli yetu.

Shimbi 10:17

Mwene Zambi kanahiana mazambi eswe akwo ni akwa ndundo eswe. Kali munene, mukwa ndundo, kola woma. Keshi katonde, keshi kutambula ubite wa mbenga.

Shimbi 18:13

Lingilenu Mwene Zambi ni mbunge jeswe.”

Shimbi 30:20

Zangenu Mwene Zambi, Zambi yenu, ni kumwononokena. Bwenu akwa kushishika, mba yenu ni ana jenu munutwama miaka yinji mu chifuchi chize hanalakenya kuhana kuli tushakulu twenu, Abrahama, ni Isake, ni Yakoba.”

Filipu 4:13

Ngunatakama mu yuma yeswe ni tachi ja Kristu, yoze unangutakamisa.

Hebreu 12:28

Tusakwilenu Zambi, mumu mutukatambula Wanangana uze kuushi kunyika. Tusakwilenu Zambi ni kumuwayila ni uwayilo uze unamutela, ni vumbi ni woma,

Hebreu 7:25

Kashika mahasa kulamwina, haliabwila ni ku miaka yeswe, waze akukundama kuli Zambi mu jina lienyi, mumu katwama ni mwono matangwa eswe ha kwahakwila.