Ubutukilo 16:7 - Mukanda Wa Zambi 1970

⁷ Kanganda ka Mwene Zambi yatakana ni Hagare mu puya hehi ni shima lia meya lize lili mu jila ya kuya ku Shure.

MUKANDA USANDU WA ZAMBI 1975

⁷ Alioze mungelo wa Yehova yamuwana ku fuji lia meya mu puya, ku fuji lia meya mu jila ya kuya ku Shure.

Ubutukilo 16:7 Iomraidhean Croise

Ubutukilo 20:1

Abrahama yakatuka ku chihunda cha mutu yoze Mamre, yatalikisa ku sude mu chifuchi cha Kanana. Yatunga hakachi ka membo ja Shure ni Kadeshe. Yatwama amwe matangwa mu limbo lia Gerare.

Ubutukilo 21:17

Zambi yevwa chize te mwana analili, Hagare yevwa liji lia kanganda ka mwilu ngwenyi: “Hagare, kuchi? Kanda wivwa woma, Zambi hevwa kulila cha mwane.

Ubutukilo 21:18

Katuka, yako uholese mwana. Mungumupwisa vungu linene.”

Ubutukilo 21:19

Hohene Zambi yalawisa meso ja Hagare, mba yamona shima lia meya. Yaya, yataha meya mu chikashi, yanwisa mwana.

Ubutukilo 22:11

Alioze kanganda ka Mwene Zambi yatambika ngwenyi: “Abrahama, Abrahama!” Iye ngwenyi: “Ewa mwane.”

Ubutukilo 22:15

Kanganda ka Mwene Zambi yatambika Abrahama chisuho cha muchaali ngwenyi:

Ubutukilo 24:7

Mwene Zambi, Zambi ya mwilu, hananguchiza mu chifuchi cha tata ni cha usoko wami, yanguneha kuno. Yalishinga ngwenyi, makahana chifuchi chino kuli vungu liami. Mwenawo makatuma kanganda kenyi ka mwilu ha kufupila mwanami pwo.

Ubutukilo 25:18

Vungu lia Ishmaele te kaatwama hakachi ka chifuchi cha Havila ni chihunda cha Shure, ku sali lia chivumbuko cha chifuchi cha Egiptu, ku jila ya kuya ku chifuchi cha Asuria. Te keeshi kutwama hehi ni mavungu akwo ja Abrahama.

Ubutukilo 31:11

Mba kanganda ka mwilu yangulweza mu chilota chami ngwenyi: ‘Yakoba!’ Ngwami: ‘Ewa mwane.’

Kutuhuka 15:22

Mose yakatwisa Aisraele ku kalunga lwiji Muchila, yaatwala mu puya ya Shure. Yeenda matangwa atatu mu puya, alioze kaamwene ko kama meya.

Kutuhuka 3:2

Kwenako kanganda ka Mwene Zambi amusolokelele mu mulengi wa kahia, mu chibuta. Mose yatala ko. Che chibuta te chinalekwoka ni kahia, alioze kuchawemene ko.

Yishima 15:3

Mwene Zambi kakutala kweswe; kaakutumona muze twakulinga yibema hanji yibi.

1 Samuel 15:7

Saulu yakumba Aamaleke chize ku Havwila ndoo ku Shure ku chivumbuko cha Egiptu