Ubutukilo 16:3 - Mukanda Wa Zambi 1970

³ Mba Sarai yakunjika Hagare kuli Abrama ha kubwa pwo lienyi. (Yuma yino yabwile muze te Abrama hatwama miaka kumi mu chifuchi cha Kanana.)

MUKANDA USANDU WA ZAMBI 1975

³ Chocho Serai pwo lia Apalama yanda ndungo yenyi Hekare Ka-Engitu yamuhana kuli mukwo-lunga Apalama akapwe pwo lienyi, muze te Apalama hatwama kumi lia miaka mu chifuchi cha Kanana.

Ubutukilo 16:3 Iomraidhean Croise

Ubutukilo 16:16

Abrama te habwa ni miaka 86 muze asemene Ishmaele.

Ubutukilo 16:4

Abrama yalimona ni Hagare, neye yaka ufumba. Muze Hagare halimona ngwenyi nguli ni ufumba, yabutuka kulelesa Sarai.

Ubutukilo 16:5

Mba Sarai yambila Abrama ngwenyi: “Kulelesa chino anangulelesa Hagare, yena wachikoka. Yami mwene nakuhele yono ndungo yami. Chize kuze alinyingikine ngwenyi, nguli ni ufumba, hi keshi kungusa nawa vumbi. Chinalite Mwene Zambi atubatwile.”

Ubutukilo 21:21

Naye yamumbachila pwo wa ku chifuchi cha Egiptu.

Ubutukilo 25:6

Alioze muze te Abrahama kanda achifwa, ana malunga waze asemene ni mapwo akwo, yaahaha yawana. Mba yaalweza ha kuhichika chifuchi cha Isake ni kuya ku chifuchi cha ku sali lia chivumbuko.

Ubutukilo 28:9

Ha chino yaya maha Ishmaele, mwana wa Abrahama, yambata pwo mukwo, jina lienyi Mahalate. Mwe Mahalate te mwana wa Ishmaele ni ndumbwa Nebayote.

Ubutukilo 30:4

Chenacho Rashele ahanyine ndungo yenyi kuli lunga lienyi. Neye yalimona nenyi.

Ubutukilo 30:9

Leya, muze hamona ngwenyi, kasemene nawa, yanda ndungo yenyi Zilpa, yamwaha yo Yakoba.

Ubutukilo 32:22

Ha ufuku uzewene Yakoba yakatuka, yanda mapwo jenyi ni ana jenyi kumi ni kashi, yanda nawa ndungo jenyi a mapwo aali. No yaazauka lwiji Jaboke ha mwaa.

Ubutukilo 35:22

Muze Israele te anatwama mu chifuchi chize, mwanenyi Rubene yalimona ni Bila, umwe pwo lia tato, mba tato yachinyingika. Yakoba yabwa ni ana kumi ni aali a malunga.

2 Samuel 5:13

Muze David hakatuka ku Hebrone haheta mu Yerusaleme, yambata mapwo akwo, yasema nawa ana a malunga ni a mapwo.

1 Yitanga Ya Mianangana 11:3

Mapwo jenyi a mianangana 700, ni mapwo akwo 300. Eno amwalumwine mbunge yenyi,

Galashia 4:25

Hagare kalifwa ni mulundu wa Sinai mu chifuchi cha Arabia. Kali ngwe Yerusaleme wa musono, limbo lize liabwa ngwe ndungo hamwe ni atu jalio eswe.