Ubutukilo 16:13 - Mukanda Wa Zambi 1970

¹³ Hagare ngwenyi: “Ayenwe! Kuma hinamona Zambi, hindu nguchili ni mwono, nyi?” Mba yaluka Mwene Zambi, yoze te anahanjika nenyi, jina ngwenyi, “Zambi Yoze Wakumona.”

MUKANDA USANDU WA ZAMBI 1975

¹³ Mba pwo yaluka jina Yehova yoze yahanjika nenyi ngwenyi, Yena uli Zambi wa kumona. Mumu yamba ngwenyi, Kumanyi chipwe kuno hinatala yoze wakungumona;

Ubutukilo 16:13 Iomraidhean Croise

Ubutukilo 16:7

Kanganda ka Mwene Zambi yatakana ni Hagare mu puya hehi ni shima lia meya lize lili mu jila ya kuya ku Shure.

Ubutukilo 22:14

Abrahama yaluka homa haze jina ngwenyi: “Mwene Zambi Kakuhana.” Kashika ndoo ni musono atu akwamba ngwo: “Ha mulundu wenyi Mwene Zambi kakuhana.”

Ubutukilo 28:17

Yevwa woma, yamba ngwenyi: “Homa hano hakole ni woma. Kuma he ha zuwo lia Zambi, ku chikolo cha mwilu.”

Ubutukilo 31:42

Nyi Zambi ya atata, Zambi ya Abrahama ni ya Isake, kabwile ko hamwe ni yami, kachi mwe mokomoko lume unakanguhanga. Alioze Zambi yamona lamba liami, ni kuhondangana chami. Kashika wakukumikanga ufuku wa musono.”

Ubutukilo 32:30

Yakoba yaluka ho jina ngwenyi, Peniele, mumu yamba ngwenyi: “Hinamona Zambi meso ni meso hindu nguli ni mwono.”

Ubutukilo 32:31

Shimbu Yakoba machikatuka ku Peniele, tangwa yilivumbuka. Alioze yabalita mumu shina lia kulu lienyi liasengunukine.

Kutuhuka 24:11

Zambi kalingile ko miata ja Aisraele chibi. No yaamumona, yaalia, yaanwa.

Yishima 15:3

Mwene Zambi kakutala kweswe; kaakutumona muze twakulinga yibema hanji yibi.

Yishima 5:21

Mwene Zambi kakumona yuma yeswe yize wakulinga. Kweswako wakuyaya, kakutala.

Akwa Kuyula 6:24

Gideone yatungila ko Mwene Zambi chilumbilo, yachiluka jina ngwenyi: “Mwene Zambi Uhwimino Wetu.” (Kwe chili ndoo ni musono ku Ofra, chihunda cha Abiezere.)