Ubutukilo 15:7 - Mukanda Wa Zambi 1970

⁷ Mba Mwene Zambi yambila Abrama ngwenyi: “Nguli Mwene Zambi, nakuchijile ku limbo lia Ure mu chifuchi cha Babilonia ha kukwaha chifuchi chino cha chihinga.”

MUKANDA USANDU WA ZAMBI 1975

⁷ Yamwamba ngwenyi, Yami nguli Yehova, nakuchijile ku Ure ya A-Kaletea ngukwehe chifuchi chino cha chihinga.

Ubutukilo 15:7 Iomraidhean Croise

Ubutukilo 12:1

Mwene Zambi yambila Abrama ngwenyi: “Katuka muno mu chifuchi che, hichika usoko we ni limbo lia tatenu, hanga uye mu chifuchi chize mungukulweza.

Ubutukilo 12:7

Mwene Zambi yasolokela Abrama nikwamba ngwenyi: “Chino che chifuchi mungukahana kuli vungu lie.” Mba Abrama yatunga chilumbilo homa haze, mumu kwenako Mwene Zambi amusolokelele.

Ubutukilo 28:4

Akakuwahise yena ni vungu lie ngwe chize awahishile Abrahama. Akakwehe chifuchi chino cha ungeji we chize ahele Abrahama, ukatwame mo.”

Ubutukilo 50:24

Josefe yambila ayayo ngwenyi: “Talenu, himungufwa, alioze ngunanyingika ngwami, Zambi makanufunga ni makanutuhwisa mu chifuchi chino, makanuhilwisa mu chifuchi chize alakenyene Abrahama, ni Isake, ni Yakoba.”

Miaso (Masamu) 105:11

Ngwenyi: “Mungukakwaha chifuchi cha Kanana, muchikabwa chihinga che.”

Miaso (Masamu) 105:42

Yewuluka chilakenyo cha chijila chize alakenyene kuli kavumbi kenyi Abrahama.

Miaso (Masamu) 105:44

Zambi yaaha yifuchi ya mavungu akwo, yaatayiza kutambwola minda yo.

Kutuhuka 32:13

Iwuluka kama tuvumbi twe, Abrahama, ni Isake, ni Israele, ni chize walishingile ni jina lie ngwe: ‘Mungukanupwisa vungu linene, ngwe matongonoshi a mwilu. Chifuchi chize naalakenyene, muchikabwa nichenu ndoo ku miaka yeswe.’ ”

Kwalula 33:53

Nukatambula che chifuchi nukatwame mo, mumu hinanwaha cho.

A-ROMA 4:13

Zambi hanalakenya Abrahama ni waze maasemuka kuli iye ngwenyi, hashi heswe muhakapwa niho. Chilakenyo chino kamulakenyene cho mumu wononokenene Shimbi, alioze mumu Zambi yamwalula mukwa ululi mumu ha ufulielo wenyi.

Shimbi 3:18

“Ha matangwa waze, yingwaaha Shimbi ngwami: ‘Mwene Zambi, Zambi yetu, haananwehe chifuchi chino cha ku chivumbuko cha Yordau nuchizuke. Haliabwila tujita twenu a tachi alipakate, nwatume hanga azauke Yordau kulutwe lia mavungu akwo ja Israele, akwase ha kuzuka che chifuchi.

Shimbi 9:5

Hi mumu ha ululi wenu ko, hanji ha mbunge jenu jibema kashika Zambi wanukwasa kuzuka chifuchi cho. Makaahanga mumu kaali yingulungulu, ni mumu kanazange kumanununa chilakenyo chize alakenyene kuli tushakulu twenu Abrahama, ni Isake, ni Yakoba.