Ubutukilo 15:6 - Mukanda Wa Zambi 1970

⁶ Abrama yafuliela Mwene Zambi, kashika yamwalwila cho ha ululi.

MUKANDA USANDU WA ZAMBI 1975

⁶ Iye yafuliela Yehova, mba Yehova yamwalwilacho ngwe ululi.

Ubutukilo 15:6 Iomraidhean Croise

Nehemia 9:8

Yiumumona ngwe kali mukwa mbunge yibema, yiukolesa nenyi Usendo. Yiumulakenya kumwaha chifuchi cha Akanana, ni cha Ahite, ni cha Aamore, ni cha Aperize, ni cha Ajebuse, ni cha Agirgashe, chikabwe chifuchi cha vungu lienyi akatwame mo. Hiwalinga nikulita ni chilakenyo che, mumu uli mukwa kushishika.

Miaso (Masamu) 106:31

Atu kakumuchichimieka ndoo ni musono, mumu ha yeswe yize alingile, ni kumamuchichimieka matangwa eswe.

A-ROMA 4:11

Zambi yapwisa Abrahama ngalami kasula ha kulweza ngwo, hanamwalula mukwa ululi mumu ha ufulielo wenyi muze te kanda achimupwisa ngalami. Ha chino, Abrahama kali tato ya eswe waze akufuliela, waze Zambi akwalula akwa ululi, chibwe yilima.

A-ROMA 4:9

Uwahililo uno wa ngalami wika, nyi? Hi wa yilima nawa ko, nyi? Hitwamba kulu ngwetu: “Abrahama yafuliela Zambi, mba Zambi yamwalula mukwa ululi mumu ha ufulielo wenyi.”

2 Korintu 5:19

Kafwa Zambi wabwile muli Kristu ni kuwanyisa akwa hashi ni iye mwene. Kalwile ko yibi yize alingile, ni hanatwehe yilemu ya kwambujola chize Zambi akuwanyisa akwa hashi ni iye mwene.

Hebreu 11:8

Ku ufulielo tata Abrahama yononoka muze Zambi amutambikile, yaya ku chifuchi chize Zambi amulakenyene kumwaha chihinga. Yakatuka ku chifuchi chenyi mwene, kunyingika ka kuze te anayi.

Tiangu (Jake) 2:23

Yuma yize Mukanda wa Zambi unambe yili yamwenemwene, ngwo: “Abrahama yafuliela Zambi, ni mumu ha ufulielo wenyi Zambi yamwalula mukwa ululi.” Mba Zambi yamuluka ngwenyi: “Sepa liami.”