Ubutukilo 15:17 - Mukanda Wa Zambi 1970

¹⁷ Muze tangwa hilianjila, hikwabwa ufuku, susumuku chishichishi cha kahia chinakakumuka mu lutengo ni soka lia kulekwoka yilibalika hakachi ka yifwo.

MUKANDA USANDU WA ZAMBI 1975

¹⁷ Mba muze te tangwa hilianjila, hikwapwa ufuku, kumanyi kahia ka kutuhwisa mwishi ni soka lia kulekwoka liapalikile hakachi ka yipinji ya yifwo.

Ubutukilo 15:17 Iomraidhean Croise

Ubutukilo 15:10

Abrama yamunehena yimuna yize yeswe, Mba chimuna ni chimuna yachibula yihanda yaali, yaayisa mikala yaali. Alioze tujila kaabwilile ko.

2 Samuel 22:9

Mwishi yiukakumuka mu mazulu jenyi, milengi ya kahia ni makala yiilengenya mu kanwa lienyi.

1 Yitanga Ya Mianangana 18:38

Mba Mwene Zambi yahulumuna kahia, yikocha mulambu, ni kunyi, ni meya, ni e mavu, yikomisa meya eswe a mu wina.

1 Sango Ja Mianangana 21:26

Yatunga ko chilumbilo cha Mwene Zambi, yalambula ho milambu ya kwocha ni ya kulivwa ni Zambi. Yalemba, mba Mwene Zambi yakumbulula ni kumutumina kahia ka mwilu ni kwocha ye milambu ha chilumbilo.

Kutuhuka 19:18

Mulundu weswe wa Sinai yiulaa bwii ni mwishi, mumu Mwene Zambi yahulumuka ha mulundu mu kahia, mwishi yiukakumuka ngwe wa ku lutengo, atu eswe yaachikima kuhiana.

Kutuhuka 20:18

Muze atu heevwa kukulunguza cha vula ni kuhiohia cha chitavwi, ni muze haamona mihenyo ni kufwindangana cha mwishi ha mulundu, yaachikima ni woma, mba yaaya ni kumana kusuku.

Izaya 62:1

Mungutakamisa Yerusaleme, chichi kuhola ndoo hinanulamwina. Kukumba chenyi muchikatemuka ngwe soka lia kahia.

Jeremia 11:4

Uno we Usendo uze nakolesele ni tushakulu two muze naatuhwishile mu chifuchi cha Egiptu, chize chabwile ngwe lutemo kuli ayo. Yingwalweza hanga ononoke kuli yami ni kulinga yuma yeswe yize naalwezele. Yingwalweza ngwami, nyi maangwononokena, kumaabwa atu jami ni yami mungubwa Zambi yo.

Shimbi 4:20

Alioze yenu nuli atu waze Mwene Zambi alamwinyine mu chifuchi cha Egiptu ku lutengo wa kahia. Yanutuhwisa ha kunupwisa atu jenyi mwene, ngwe chize nuli musono.

Akwa Kuyula 13:20

Muze milengi yaalekwokele ha chilumbilo, Manoa ni pwo lienyi yaamona kanganda ka mwilu ka Mwene Zambi kanazezuka mwilu mu milengi ya kahia. Mba Manoa yasa shindakenyo ngwenyi, kuma mutu yono kali kanganda ka Mwene Zambi. Iye ni pwo lienyi yaafulamana. Kanganda ka mwilu hikaamumwene ko nawa.

Akwa Kuyula 6:21

Mba kanganda ka Mwene Zambi yolola lukanda yoze abwile nenyi ku kwoko, songo yilikwata ha yifwo ni ha mbolo yize te kuyishi yitumbo. Kahia yiikafwindangana ha liwe, yifwo ni mbolo yiiwema yeswe upu. Hohene kanganda ka Mwene Zambi yajimuka ku meso jenyi.