Ubutukilo 15:13 - Mukanda Wa Zambi 1970

¹³ Mba Mwene Zambi yamwamba ngwenyi: “Nyingika ngwe, vungu lie maakabwa njize mu chifuchi cha mbala, maakabwa ndungo. E atu jako maakaamwesa lamba miaka 400.

MUKANDA USANDU WA ZAMBI 1975

¹³ Mba yamba kuli Apalama ngwenyi, Nyingika pundu akwa munyachi we makapwa njize mu chifuchi hi nicho ko, makapwa ndungo, makaapinjisa makulakaji awana a miaka.

Ubutukilo 15:13 Iomraidhean Croise

Ubutukilo 15:16

Chisemuko che cha muchiwana maakahiluka nawa ku chifuchi cho, mumu chichi kahuma akwa Amore ndoo muze uvulumwino wo muukoka, mba mungukaamwesa lamba.”

Ubutukilo 17:8

Yena uli njize mu chifuchi chino musono, mungukwaha cho yena ni vungu lie. Chifuchi chino cheswe cha Kanana muchikabwa niche ndoo ku miaka yeswe, mungukabwa Zambi yo.”

Ubutukilo 47:4

Kutwejile kuno chamokomoko. Ku Kanana zala yinji yiliko ni yakulia yakuhi hakulisa yimuna yetu. Twalemba mwanangana, tutayizenu tutwame kwetu mu Goshene.”

Miaso (Masamu) 105:42

Yewuluka chilakenyo cha chijila chize alakenyene kuli kavumbi kenyi Abrahama.

Kutuhuka 1:11

Mba akwa Egiptu yaasela akwa lutwe ha kwabinjisa ni milimo yikalu. Chenacho Aisraele atungilile mwanangana membo Pitome ni Ramesese, ha kuswekela mo yakulia.

Kutuhuka 1:13

Yaalingisa milimo yikalu ya undungo. Yaashinjika kuhiana kulinga tujolo (briki) a ndambo ni milimo yeka ni yeka ya minda. Keevwilile ko keke.

Kutuhuka 2:24

Neye yewuluka Usendo wenyi ni Abrahama, ni Isake, ni Yakoba,

Kutuhuka 22:21

“Chilambala kanda numulinga chibi, hanji kumuhungumiona, mumu ni yenu nawa nwabwile yilambala mu chifuchi cha Egiptu.

Kutuhuka 23:9

“Kanda umwesa chilambala lamba. Nunanyingika chize abwa chilambala, mumu ni yenu nawa nwabwile yilambala mu chifuchi cha Egiptu.”

Kutuhuka 3:10

Haliabwila ngunakutumu kuli mwanangana wa Egiptu hanga ukatuhwise atu jami, Aisraele, mu chifuchi chenyi.”

Kutuhuka 3:17

Mba hinabatula ngwami, mungunutuhwisa mu chifuchi cha Egiptu, muze nwakumwena lamba, ni kunutwala mu chifuchi cha chinuno, chifuchi cha Akanana, ni Ahite, ni Aamore, ni Aperize, ni Ahive, ni Ajebuse.’

Kutuhuka 3:8

Hinahulumuka hanga ngwapulule ku moko ja akwa Egiptu, ni kwatwala mu chifuchi chinene, chibema, ni cha chinuno. Akanana, ni Ahite, ni Aamore, ni Aperize, ni Ahive, ni Ajebuse, enoo atwama mu chifuchi chize haliabwila.

Alevi 19:34

Alingenu ngwe usoko wenu Aisraele, azangenu ngwe chize nwakulizanga yenwene. Iwulukenu chize nwabwile yilambala mu chifuchi cha Egiptu. Yami nguli Mwene Zambi, Zambi yenu.

Kwalula 20:15

ngwe chize tushakulu twetu ayile ku Egiptu, kuze twatwamine miaka yinji. Akwa Egiptu yaahungumiona tushakulu twetu hamwe ni yetu.

Yilinga 7:17

“Alioze, muze mwaka wa chilakenyo cha Zambi kuli Abrahama hiwabwa hakamwihi, atu jetu te hooka kuhiana mu Egiptu.

Galashia 3:17

Ngunambe chino ngwami, Zambi yakwachisa Usendo, yalakenya kuukolesa. Shimbi jize jejile muze kulakaji jiwana ni makumi atatu a miaka hiyabalika, kujahashile kushiha Usendo uze ni kupwisa chilakenyo cha Zambi chamokomoko.

Shimbi 10:19

Kashika, zangenu yilambala, mumu ni yenu nawa nwabwile yilambala mu chifuchi cha Egiptu.

Shimbi 5:15

Iwuluka chize wabwile ndungo mu Egiptu, ni chize yami, Mwene Zambi ye, nakutuhwishile mo ni ndundo jami. Kashika ngunakwehe Shimbi ya kulemesa tangwa lia kuhwima.