Ubutukilo 15:1 - Mukanda Wa Zambi 1970

¹ Mwabwa muze Mwene Zambi yalweza Abrama mu Usolwelo ngwenyi: “Abrama, kanda wivwa woma, yami nguli lukebwe we. Mungukwaha chawana chinene kuhiana.”

MUKANDA USANDU WA ZAMBI 1975

¹ Kulutwe lia yino yuma liji lia Yehova yiliza kuli Apalama mu usolwelo ngwo, Apalama, kanda wivwa woma, yami nguli lukepwe we, kanda nguli kwononona che chahiana.

Ubutukilo 15:1 Iomraidhean Croise

Ubutukilo 15:2

Alioze Abrama yakumbulula nyi: “Mwene Zambi, Chawana chika muchingukwasa? Chishi mwana, ni Eliezere wa ku Damasku makaswana ubite wami.

Ubutukilo 15:4

Abrama yevwa nawa maliji a Mwene Zambi ngwenyi: “Ndungo yono kechi kakuhinga, alioze mwana yoze muukasema yena mwene, mwe makakuhinga.”

Ubutukilo 21:17

Zambi yevwa chize te mwana analili, Hagare yevwa liji lia kanganda ka mwilu ngwenyi: “Hagare, kuchi? Kanda wivwa woma, Zambi hevwa kulila cha mwane.

Ubutukilo 22:1

Kulutwe lia amwe matangwa Zambi yeseka Abrahama. Yamutambika ngwenyi: “Abrahama!” Abrahama ngwenyi: “Ewa, mwane.”

Ubutukilo 22:20

Ha matangwa akepe, Abrahama yevwa ngwo, Milka hanaseme ana ni mwanakwenu Nahore.

Ubutukilo 26:24

Ha ufuku uzewene Mwene Zambi yamusolokela, yamwamba ngwenyi, “Kanda wivwa woma. Nguli Zambi ya tatenu Abrahama, nguli hamwe ni yena. Mungukakuwahisa, mungukokesa vungu lie mumu hali kavumbi kami Abrahama.”

Ubutukilo 31:7

Alioze hangwonga, hanalumuna fweto yami yisuho kumi. Hindu Zambi kamutayijile ha kungulinga yibi.

2 Samuel 22:3

Zambi yami kali liwe liami lia tachi, muli iye nakuswama. Kali lukebwe wami, mbinga ya ulamwino wami, zuwo liami lisuku liakukoleka, chiswamo chami, chilamwina chami, yoze wakungulamwina ku utoji.

1 MIANANGANA 1:15

Kanganda ka Mwene Zambi yambila Eliya ngwenyi: “Yako hamwe nenyi, kanda wivwa woma.” Mba Eliya yaya nenyi kuli mwanangana,

1 Sango Ja Mianangana 28:20

Mwanangana David yambila mwanenyi Solomone ngwenyi: “Takama hamuka. Butula milimo, Chuma nichimwe kanda chikukwika. Mwene Zambi, yoze yami nakulingila, kumabwa hamwe ni yena. Kechi kakwehuka, alioze kumabwa hamwe ni yena ndoo hiwamanununa milimo yeswe.

Miaso (Masamu) 115:10

Yenu mahako ja Zambi, shachilenu hali Mwene Zambi. Kali chikwashi chenu kanda lukebwe wenu.

Miaso (Masamu) 119:114

Yena uli chiswamo chami kanda lukebwe wami; nakusa mbunge yami ku chilakenyo che.

Miaso (Masamu) 142:5

Mwene Zambi, ngunatete kuli yena ungukwase; yena uli kafunga kami, yena lume nakuzanga.

Miaso (Masamu) 18:2

Mwene Zambi kali liwe liami, limbo liami lia kukoleka. Zambi yami kali liwe liami lia tachi, muli iye nakuswama, muli iye nguli mu uhwimino. Kali lukebwe wami, mbinga yami ya ulamwino, zuwo liami lisuku lia kukoleka.

Miaso (Masamu) 27:1

Mwene Zambi kali ndeya yami kanda chilamwina chami; iya munguvwila woma? Mwene kakungufunga ku utoji weswe; iya mangukolesa mwongo?

Miaso (Masamu) 3:3

Alioze yena Zambi uli lukebwe wami, wakungufunga ku utoji; wakungukwasa kukumba, wakunguhetula.

Miaso (Masamu) 3:4

Nakuteta ku meso ja Mwene Zambi hanga angukwase, neye ha mulundu wenyi wa chijila kakungukumbulula.

Miaso (Masamu) 5:12

Mwene Zambi kuwakuwahisa waze akukwononokena; utu we wakwafunga ngwe lukebwe.

Miaso (Masamu) 58:11

Atu maamba ngwo: “Chamwenemwene akwa ululi kumaakundulula. Chamwenemwene Zambi kwali, yoze wakubatwila akwa hashi!”

Miaso (Masamu) 84:11

Mwene Zambi kali tangwa lietu kanda lukebwe wetu; kakutuwahisa ni kutulemesa. Keshi kumina Chuma chibema nichimwe kuli akwa ululi.

Miaso (Masamu) 84:9

Aa Zambi, wahisa kama mwanangana wetu yoze watongwele!

Miaso (Masamu) 91:4

Makusa mu mapulwa jenyi, makufunga kanawa; umwenemwene wenyi muubwa lukebwe we.

Kutuhuka 14:13

Mose yambila atu ngwenyi: “Kanda nwivwa woma. Hwimenu mbunge, munumona chize Mwene Zambi manulamwina musono. Akwa Egiptu wano kunuchi kwamona nawa nilimwe tangwa.

Yishima 11:18

Yingulungulu keeshi kufumbula nichimwe, alioze waze akulinga chize chinalite, kaakufumbula.

Yishima 30:5

“Zambi kakumanununa yilakenyo yenyi yeswe. Kali ngwe lukebwe kuli eswe waze aswama muli iye.

Izaya 35:4

Ambulwilenu akwa mwono ngwenu: “Takamenu, kanda nwivwa woma! Zambi kaneza ni kunulamwina, kaneza ni kumwesa akwa kole jenu lamba.”

Izaya 40:10

Mwene Zambi kaneza ayule ni ndundo, kaneza ni atu waze alamwinyine.

Izaya 41:10

Kanda wivwa woma, nguli hamwe ni yena! Nguli Zambi ye, kanda wivwa mwongo wa Chuma nichimwe! Mungukutakamisa, mungukukwasa; mungukufunga ni kwoko liami lia chindume lia ululi.

Izaya 41:14

Mwene Zambi ngwenyi: “Israele, uli mukepe, unalele; alioze kanda wivwa woma, mungukukwasa, Yami Mukwa Kukukula, Munangi wa Aisraele.

Izaya 43:1

Israele, Mwene Zambi yoze wakutangile kanambe ngwenyi: “Kanda wivwa woma, mungukulamwina. Hingunakuvuluka ha jina, uli niwami.

Izaya 43:5

Kanda wivwa woma, mumu nguli hamwe ni yena! “Chize ku chivumbuko ndoo ku chitokelo, munguhilwisa atu je ku chifuchi che.

Izaya 44:2

Yami nguli Zambi yoze wakutangile; nakukwashile chize ku kusemuka che. Kanda wivwa woma; yena uli kavumbi kami yoze natongwele, nakukuzanga.

Izaya 44:8

Yenu atu jami, kanda nwivwa woma! Nunanyingika ngwenu, chize ku shakulu ndoo ni musono hingunaliange kwambulula shimbu kanda yuma yeswe yize muyikabwa ko; yenu nuli yela jami. Kuli Zambi mukwo, nyi? Kuli Zambi mukwo wa tachi yoze Chanyingikine, nyi?”

Izaya 51:12

Mwene Zambi kanambe ngwenyi: “Yami nakunutakamisa. Kuchi nwakuvwila woma mutu yoze mafwa ngwe mwambu?

Jeremia 39:17

Alioze yami, Mwene Zambi, mungukufunga, chichi kukukunjika mu moko ja waze wakuvwila woma.

Lungungu 3:24

Mwene Zambi kali mwono wami, kashika nakumusa mbunge.

Ezekiel 1:1

Ha mwaka wa makumi atatu ha tangwa lia muchitano lia kakweji wa muchiwana, yami Ezekiel, mwana wa Buzi, nabwile mu undungo hamwe ni Ayuda ku mbumbulu ya lwiji Chebare mu chifuchi cha Babilonia. Lilu yiliazuluka, yingumona uswolwelo wa Zambi. (

Ezekiel 11:24

Mu Usolwelo, Mwiku wa Zambi yiunguzundula, yiunguhilwisa mu chifuchi cha undungo mu Babilonia. Mba we Usolwelo yiujimuka,

Ezekiel 3:4

Mba Zambi yamba ngwenyi: “Mwana mutu, yako kuli Aisraele, waalweze cheswacho ngunakwambe.

Kwalula 12:6

Mwene Zambi yaamba ngwenyi: “Haliabwila banjikenu chize ngunambe! Muze nuli ni akwa munanyi mukachi kenu, nakusoloka kuli ayo mu Usolwelo ni kuhanjika no mu yilota.

Kwalula 18:20

Mwene Zambi yambila Arone ngwenyi: “Yena kuuchi katambula chihinga nichimwe, chibwe chimwe Chihanda cha chifuchi cha Aisraele, mumu yami Mwene Zambi nguli yeswe yize unafupu.”

Kwalula 24:4

yoze unevu yize Zambi anahanjika. Ngunamono mu Usolwelo Zambi Mukwa Ndundo jeswe.

Mateu 28:5

Kanganda ka mwilu yambila mapwo ngwenyi: “Kanda nwivwa woma. Ngunanyingika nunafupu Yesu, yoze anakahachila ha kulusu.

Mateu 8:26

Yesu yaakumbulula ngwenyi: “Kuchi nunevu woma? Ufulielo wenu ukepe!” Mba yakatuka, yakanjisa kangonga ni meya. Neyo yiihola lume kuluu.

Luka 1:13

Alioze kangunga ka mwilu yamwamba ngwenyi: “Kanda wivwa woma, Zakaria! Zambi hevwa kuliumba che. Pwo lie, Isabele (Elisabete), kumakasema mwana wa lunga, ukamuluke jina ngwe, Yoano.

Luka 1:30

Kanganda ngwenyi: “Kanda wivwa woma, Maria, mumu Zambi hakulweza utu.

Luka 12:32

“Mbunga yikepe, kanda nwivwa woma! Mumu hichinawahila Tatenu kunwaha Wanangana.

Yilinga 10:22

No yaamukumbulula ngwo: “Mwata wa tujita Korneliu unakatutuma. Kali mukwa ululi, ni kakuwayila Zambi hamwe ni Ayuda. Ayo eswe kaakumushindakenya. Kanganda ka mwilu wamulwezele ha kwiza ni kukusaka, uye ku zuwo lienyi akevwe maliji kuli yena.”

1 Korintu 3:22

Paulu, ni Apolo, ni Petulu, ni hashi, ni mwono, ni kufwa, ni mwakono, ni mwaka uze muwisa ho—yize yeswe yili niyenu,

Shimbi 18:2

Keeshi kwo ni chifuchi cha ayo ene ngwe mavungu akwo. Chitundo cho chili milimo ya uhako nikulita ni chilakenyo cha Mwene Zambi.

Shimbi 31:6

Takamenu nujikize. Kanda nwivwa woma. Mwene Zambi, Zambi yenu, iye mwene makabwa hamwe ni yenu. Kechi kanuhichika hanji ku numba nyima.”

Hebreu 1:1

Ha shakulu Zambi yahanjeka ni akwa munanyi jenyi kuli tushakulu twetu. Yachilinga yisuho yinji ni ndako jeka ni jeka.

Usolwelo 1:17

Muze namumwene, yingufulamana ku molu jenyi ngwe mufu. Yangunangika kwoko lienyi lia chindume nikwamba ngwenyi: “Kanda wivwa woma! Nguli mwe mutangu ni mwe kasula songo.

Rute 2:12

Mwene Zambi akukundulule mumu ha yize hiwalinga. Mwene Zambi, Zambi ya Aisraele, akukundulule kuhiana, mumu hiwachinyina kuli iye hanga akufunge mu mapulwa jenyi.”

1 Samuel 15:10

Mwene Zambi yambila Samuel ngwenyi:

1 Samuel 9:9

Saulu ngwenyi: “Chibema wamba, tuye.” Chenacho ayile ku limbo kuze te kwatwama mutu wa Zambi. Shimbu lize maachikanduka ha mulundu wa ku limbo, yaatakana ni ana mapwo te anayi ni kutaha meya, yaahula ngwo: “Mukwa kumona kwali, nyi ka?” (Ha matangwa waze atu te kaakuvuluka mukwa munanyi ngwo: mukwa kumona. Kashika nyi umwe mutu unayi ni kuhula chimwe chuma kuli Zambi, mamba ngwenyi: “Tuye tuhule mwe mukwa kumona.”)