Ubutukilo 14:17 - Mukanda Wa Zambi 1970

¹⁷ Muze Abrama hakumba mwanangana Chedorlaomere ni mianangana waze abwile nenyi mu jita, te Abrama kanahiluka. Mba mwanangana wa limbo lia Sodome yeza ni kutakana nenyi mu chikulo cha Shave (te kaakuchivuluka nawa ngwo, chikulo cha Mwanangana).

MUKANDA USANDU WA ZAMBI 1975

¹⁷ Mwanangana wa Sondome yatuhuka nikumupatwiza ha kuhiluka ku kukumba Chetoleome ni mianangana aze apwile hamwe nenyi, ku chikulo cha Shave (likwo ngwo cha Mwanangana).

Ubutukilo 14:17 Iomraidhean Croise

Ubutukilo 14:1

Mianangana wano: Amrafele wa ku chifuchi cha Babilonia, ni Arioke wa ku limbo lia Elasare, ni Chedorlaomere wa ku chifuchi cha Elame, ni Tidale, mwanangana wa akwa Goyime,

Ubutukilo 14:10

Mu chikulo chize cha Sidime mwabwile mena anji. Mena waze atu afulile ha kwanda usolososhi. Mba mianangana a membo ja Sodome ni Gomora yaaholokela mo muze te anachina jita. Waze asalile yaachinyina ku milundu.

Ubutukilo 14:5

Ha mwaka kumi ni wa muchiwana Chedorlaomere yeza ni mianangana waze alikunjile nenyi, yaakumba atu wano: akwa Refaime mu limbo lio Ashtarote Karnaime, ni akwa Zuzime mu chifuchi cha Hame, ni akwa Emime mu chana cha Kiriataime,

2 Samuel 18:18

Absalome, shimbu lize te achili ni mwono, te hanalitungila chingina mu chikulo cha Mwanangana, mumu te keshi mwana wa lunga yoze makahinga jina lienyi. Kashika yachiluka jina lienyi. Ndoo ni musono atu kaakuchivuluka ngwo: “Chingina cha Absalome.”

Yishima 14:20

Chiswale keshi kumuzanga chibwe kuli mwenyembo wenyi, alioze pichi kakwete masepa anji.

Yishima 19:4

Pichi matangwa eswe kaakubwa ni masepa aha; alioze yiswale chibwe akepe waze ali no, kaakwakatuka.

Hebreu 7:1

Melkizedeke yono wabwile mwanangana wa Saleme kanda hako wa Zambi Mwilu Mwahiana. Muze te Abrahama anahiluka ku jita yize akumbile mianangana, Melkizedeke yamutakana, mba yamuwahisa.

Akwa Kuyula 11:34

Muze Jefta ahilukile ku mahienyi ku Mizpa, mwanenyi wa pwo yeza ni kumusambilila, ni kuhangana, ni kwimba mukupiela. Jefta te kali lume ni mwana yoze umuwika.

1 Samuel 18:6

Alioze muze haatuhuka mu jita kuze ashihilile Goliate mapwo yaatuhuka mu membo eswe ja Aisraele ni kubatwiza mwanangana Saulu nikwimba miaso ya kuwahilila, ni kuhangana, ni kwimba miyaya ni tulialia.