Ubutukilo 14:10 - Mukanda Wa Zambi 1970

¹⁰ Mu chikulo chize cha Sidime mwabwile mena anji. Mena waze atu afulile ha kwanda usolososhi. Mba mianangana a membo ja Sodome ni Gomora yaaholokela mo muze te anachina jita. Waze asalile yaachinyina ku milundu.

MUKANDA USANDU WA ZAMBI 1975

¹⁰ Chikulo cha Shindime cha tò ni mena a malowa, mba mianangana a Sondome ni Ngomora yachina mba yafwilamo. Waze kafwile o yachinyina ku milundu.

Ubutukilo 14:10 Iomraidhean Croise

Ubutukilo 11:3

Yaalihanjikisa ngwo: “Tuyenu tuumbenu tujolo (briki), tukooche kanawa.” Chenacho alingile, mba yaabwa ni tujolo (briki) ha kutunga no ni usolososhi (goudron) ha kwakolesa.

Ubutukilo 14:11

Mianangana waze awana akumbile ku jila yaanjila mu Sodome ni Gomoro yaabuba yuma ni yakulia yeswe, mba yaaya kwo.

Ubutukilo 14:17

Muze Abrama hakumba mwanangana Chedorlaomere ni mianangana waze abwile nenyi mu jita, te Abrama kanahiluka. Mba mwanangana wa limbo lia Sodome yeza ni kutakana nenyi mu chikulo cha Shave (te kaakuchivuluka nawa ngwo, chikulo cha Mwanangana).

Ubutukilo 14:21

Mba mwanangana wa limbo lia Sodome yambila Abrama ngwenyi: “Yuma yeswe yize hiwatambula mu jita mbata kwe, alioze nguhilwishile atu jami.”

Ubutukilo 14:3

Mianangana waze atano yaalichinga ha kwasa jita ni mianangana waze awana mu chikulo cha Sidime (musono che chitende cha Kufwa).

Ubutukilo 14:9

ni mianangana ja Elame, ni Goyime, ni Babilonia, ni Elasare. Mianangana atano yaasa jita ni mianangana awana.

Ubutukilo 19:17

Mba kanganda umuwika yambila Lote ngwenyi: “China lume! Kanda utala kunyima, chibwe kanda ulaluka mu chana, alioze chinyina ku milundu yize, nyi ka, munonga.”

Ubutukilo 19:30

Lote yevwa woma ha kutwama mu chihunda cha Zoare. Kashika yaya ku milundu hamwe ni ana jenyi aali a mapwo, te kaatwama mu chivwenge cha milundu.

Miaso (Masamu) 83:10

Waakumbile ku limbo lia Endore, mijimba yo yiibolela ko.

Izaya 24:18

Mutu yoze makeseka kuchina mwongo, makaholokela mu wumbu, yoze makachina wumbu, makafwa mu muheto. Vula munji makanoka, fundamentu ya hashi muyikanyikumuka.

Jeremia 48:44

Mutu yoze makeseka kuchina mwongo makaholokela mu mawumbu; yoze makachina mawumbu makafwa mu miheto, mumu Mwene Zambi hanatongola tangwa lia kwonona Amoabe.

Yoshua 8:24

Aisraele yaashiha akwa kole jo eswe mu puya kuze aahangilile, mba yaahiluka ku Ayi, yaashiha atu eswe mu limbo.