Ubutukilo 13:4 - Mukanda Wa Zambi 1970

⁴ haze atungile chilumbilo. Mba yawayila Mwene Zambi.

MUKANDA USANDU WA ZAMBI 1975

⁴ Kuma kuze kwa chilumbilo chize atungile hatangu. Kwenako Apalama yasanyika ha jina lia Yehova.

Ubutukilo 13:4 Iomraidhean Croise

Ubutukilo 13:18

Kashika Abrama yatutulula zuwo lienyi lia makubu, yaya ni kutunga hehi ni mitondo ya Mamre ku limbo lia Hebrone, kuze te atu akuwayila. Yatunga ko chilumbilo cha kuwayila Mwene Zambi.

Ubutukilo 26:25

Isake yatunga ko chilumbilo, mba yawayila Mwene Zambi. Homa haze yajika ho zuwo lienyi lia makubu, ni ngamba jenyi yaafula shima likwo lia meya.

Ubutukilo 4:26

Sete yasema mwana wa lunga, yamuluka jina ngwenyi, Enoshe. Ha matangwa waze atu yaabutuka kuvuluka jina lia Mwene Zambi mu kuwayila cho.

Miaso (Masamu) 107:1

Sakwililenu Mwene Zambi mumu kali mubema, zango lienyi kulishi kuhwa nichimwe.

Miaso (Masamu) 107:15

Asakwilile Mwene Zambi mumu ha zango lienyi lize kulishi kuhwa, mumu ha yikomokeso yize aalingilile.

Miaso (Masamu) 107:8

Asakwilile Mwene Zambi mumu ha zango lienyi lize kulishi kuhwa. Mumu ha yikomokeso yize aalingilile.

Miaso (Masamu) 116:17

Mungukusakwilila ni kukuwayila.

Miaso (Masamu) 116:2

Matangwa eswe kakungubanjika, muze nakumutambika.

Miaso (Masamu) 145:18

Kakubwa hakamwihi ni eswe waze akumutambieka, waze akumutambieka ni mbunge yimuwika.

Miaso (Masamu) 26:8

Mwene Zambi nakuzanga ubeme wa zuwo lie, homa haze hakusolokela uhenya we.

Miaso (Masamu) 84:10

Tangwa limuwika mu zuwo lie chili kuwaha kuhiana kanunu ka matangwa kweka. Chibema kuhiana kumana hehi ni chikolo cha zuwo lia Zambi yami, alioze hi chibema ko kutwama mu mazuwo ja yingulungulu.

Izaya 58:9

Muze munulemba, mungunukumbulula. Muze munungutambika, mungutaya. “Nyi nwecha kubinjisa, ni kusaula, ni maliji eswe a ungulungulu;

Jeremia 29:12

Hohene munukangutambika, munukeza ni kulemba kuli yami, mba yami mungukanukumbulula.

Zefania 3:9

“Mba mungwalumuna mbunge ja akwa mavungu. No maalemba kuli yami wika, hi kuli mazambi eka ko. Eswe maangwononokena.

1 Korintu 1:2

Tunanumeneka akwa Chikungulwila cha Zambi mu limbo lia Korintu. Zambi hananutambika ha kubwa akwa kulinanga. Nwakuliendela hamwe nenyi mu kulinunga ni Kristu Yesu. Tunameneka nawa eswe a kuma kweswe waze akuwayila Zambi mu jina lia Mwene Yesu Kristu, Mwene wo kanda niwetu.