Ubutukilo 13:2 - Mukanda Wa Zambi 1970

² Abrama yabwa pichi munene kuhiana. Yabita yimuna, ni prata, ni oru yinji.

MUKANDA USANDU WA ZAMBI 1975

² Apalama yapita yimuna, ni prata, ni oru yinji.

Ubutukilo 13:2 Iomraidhean Croise

Ubutukilo 12:16

Mwanangana yalingila Abrama yibema mumu hali Sarai. Yakwaha ndungo a malunga ni a mapwo, ni ngombe, ni tumelu, ni yimbulu ni mapanga.

Ubutukilo 13:6

No kaahashile ko kutwama hamuwika mumu te chifuchi chikepe ni yimuna yo yinji.

Ubutukilo 24:1

Abrahama te habwa kashinakaji. Mu mwono wenyi weswe Mwene Zambi yamuwahisa.

Ubutukilo 24:35

Mwene Zambi hanawahisa mwata wami kuhiana, hanamupwisa pichi munene. Hanamwehe yimuna yeka ni yeka; pembe, ni mapanga, ni ngombe, ni tumelu, ni yimbulu. Hanamwehe nawa mbongo ja prata ni oru. Mwata wami Abrahama kakwete nawa ndungo a mapwo ni a malunga.

Ubutukilo 26:14

Afilistia yaamuvwila chipululu mumu yabwa ni mapanga ni ngombe ni ndungo anji.

Ubutukilo 30:43

Mba Yakoba yabita chikolo. Yabwa ni yimuna yinji, ni ndungo anji a malunga ni a mapwo, ni tumelu ni yimbulu anji.

Jobe 1:10

Ngwami yena wakumufunga ni ana jenyi, ni yuma yenyi yeswe. Wakumuwahisa mu yuma yeswe yize akulinga, hiunamwehe nawa yimuna anji, haanalimwange mu chifuchi cheswe.

Jobe 1:3

Yabita mapanga 7,000, ni tumelu 3,000, ni ngombe 1,000, ni yimbulu 500. Yabwa nawa ni ndungo anji. Te pichi kuhiana akwo eswe ku chivumbuko.

Yishima 10:22

Kuwahisa cha Zambi chakubichisa; kechi kuweza ho Vunda.

Mateu 6:33

Shinoho achinyongenu hatangu Wanangana wa Zambi ni ululi uze anazange, mba makanuwezela yuma yize yeswe.

Shimbi 8:18

Iwulukenu ngwenu Mwene Zambi, Zambi yenu, mwe wakunupwisa pichi. Halinga chino mumu ndoo ni musono kakufunga Usendo uze akolesele ni tushakulu twenu.

1 Timoteu 4:8

Ku kolesa cha mujimba chakukwasa ha yuma yikepe. Alioze kulikolesa ha yuma ya uzambi chinahiana yuma yeswe. Mumu kuyakutwaha chilakenyo cha mwono wa haliabwila ni cha uze muwiza ho.

1 Samuel 2:7

Mwene Zambi kakupwisa atu amwe yiswale, akwo pichi. Kakukehesa amwe, kakulemesa akwo.