Ubutukilo 13:15 - Mukanda Wa Zambi 1970

¹⁵ Chifuchi cheswe chize unamono mungukwaha cho, yena ni vungu lie, ndoo ku miaka yeswe.

MUKANDA USANDU WA ZAMBI 1975

¹⁵ Mumu chifuchi chino cheswe unamono ngunakwehecho, ni kuli yena ni ku munyachi we ku miaka ya mutolo.

Ubutukilo 13:15 Iomraidhean Croise

Ubutukilo 12:7

Mwene Zambi yasolokela Abrama nikwamba ngwenyi: “Chino che chifuchi mungukahana kuli vungu lie.” Mba Abrama yatunga chilumbilo homa haze, mumu kwenako Mwene Zambi amusolokelele.

Ubutukilo 13:17

Haliabwila katuka wendese chifuchi cheswe, mumu mungukwaha cho.”

Ubutukilo 15:18

Ha shimbu lizeliene Zambi yakolesa Usendo ni Abrama ngwenyi: “Ngunalakenya kuhana chifuchi chino cheswe ku vungu lie, chize ku lwiji ku njiza ya chifuchi cha Egiptu ndoo ku lwiji Ufrateze,

Ubutukilo 15:7

Mba Mwene Zambi yambila Abrama ngwenyi: “Nguli Mwene Zambi, nakuchijile ku limbo lia Ure mu chifuchi cha Babilonia ha kukwaha chifuchi chino cha chihinga.”

Ubutukilo 18:18

Abrahama, vungu lienyi mungukaapwisa akwa lufuma ni akwa ndundo. Akwa hashi eswe kumaakawaha mumu hali iye.

Ubutukilo 24:7

Mwene Zambi, Zambi ya mwilu, hananguchiza mu chifuchi cha tata ni cha usoko wami, yanguneha kuno. Yalishinga ngwenyi, makahana chifuchi chino kuli vungu liami. Mwenawo makatuma kanganda kenyi ka mwilu ha kufupila mwanami pwo.

Ubutukilo 28:13

Yamona nawa Mwene Zambi kanamana hakamwihi nikwamba ngwenyi: “Nguli Mwene Zambi, Zambi ya Abrahama ni Isake. Chifuchi chino unabombo mungukakwaha cho yena ni vungu lie.

Ubutukilo 28:14

Vungu lie maakabwa anji ngwe mavu. Maakalitanda ku chivumbuko ni ku chitokelo, ku norde ni ku sude. Mungukawahisa akwa hashi eswe mumu hali yena ni vungu lie.

Ubutukilo 28:4

Akakuwahise yena ni vungu lie ngwe chize awahishile Abrahama. Akakwehe chifuchi chino cha ungeji we chize ahele Abrahama, ukatwame mo.”

Ubutukilo 35:12

Chifuchi chino nahele Abrahama ni Isake, ngunakwehe cho yena ni vungu lie lia kulutwe.”

Ubutukilo 48:4

yamwamba ngwenyi: ‘Mungukakwaha ana anji kuhiana, vungu lie maakabwa anji. Chifuchi chino mungukachihana kuli vungu lie hanga chikabwe nicho ndoo ku miaka yeswe.’

Ubutukilo 50:24

Josefe yambila ayayo ngwenyi: “Talenu, himungufwa, alioze ngunanyingika ngwami, Zambi makanufunga ni makanutuhwisa mu chifuchi chino, makanuhilwisa mu chifuchi chize alakenyene Abrahama, ni Isake, ni Yakoba.”

1 Sango Ja Mianangana 16:18

Ngwenyi: “Mungukakwaha chifuchi cha Kanana, muchikabwa chihinga che.”

2 Sango Ja Mianangana 20:7

Zambi yetu, muze atu je Aisraele anjilile mu chifuchi chino, wahumine atu waze te atwama mo, yiuchihana ku vungu lia sepa lie Abrahama chikabwe nicho ndoo ku miaka yeswe.

Miaso (Masamu) 37:22

Atu waze Mwene Zambi hanawahisa kumaakahinga che chifuchi, alioze waze iye mwene hanaashingi kumakaahuma.

Miaso (Masamu) 37:29

Akwa ululi kumaakahinga che chifuchi, ni kutwama mo ndoo ku miaka yeswe.

Kutuhuka 32:13

Iwuluka kama tuvumbi twe, Abrahama, ni Isake, ni Israele, ni chize walishingile ni jina lie ngwe: ‘Mungukanupwisa vungu linene, ngwe matongonoshi a mwilu. Chifuchi chize naalakenyene, muchikabwa nichenu ndoo ku miaka yeswe.’ ”

Kutuhuka 33:1

Mwene Zambi yambila Mose ngwenyi: “Yena ni atu je waze watuhwishile mu chifuchi cha Egiptu, katukenu hano, yeenu ku chifuchi chize nalakenyene ni Shingo kuli Abrahama, ni Isake, ni Yakoba, ni vungu lio.

Izaya 63:18

Yetu minangi je, haatuhanga kuli akwa kole ha shimbu likepe, heenyeka zuwo lie lia chijila.

Kwalula 34:2

ha kulweza Aisraele Shimbi jino ngwenyi: “Muze munukanjila mu chifuchi cha Kanana, chifuchi chize ngunanwehe, njiza ja chifuchi jikabwe chino.

Mateu 5:5

“Kaawaha yihomoboloji, mumu kumaakahinga chifuchi chize Zambi hanaalakenya!

Yilinga 7:5

Alioze kamuhele ko chihinga, chibwe haze manangika kulu lienyi. Ni mwene te kanda achibwa ni mwana, muze Zambi hamulakenya ngwenyi: ‘Mungukwaha chifuchi chino, yena ni vungu lie kulutwe.’

Shimbi 34:4

Mba Mwene Zambi yambila Mose ngwenyi: “Chino che chifuchi chize nalakenyene Abrahama, ni Isake, ni Yakoba ngwami, mungukachihana ku vungu lio. Hinakulweza cho chitale, alioze chichi kukutayiza kunjila mo.”

Shimbi 9:5

Hi mumu ha ululi wenu ko, hanji ha mbunge jenu jibema kashika Zambi wanukwasa kuzuka chifuchi cho. Makaahanga mumu kaali yingulungulu, ni mumu kanazange kumanununa chilakenyo chize alakenyene kuli tushakulu twenu Abrahama, ni Isake, ni Yakoba.