Ubutukilo 13:13 - Mukanda Wa Zambi 1970

¹³ Akwa limbo lize te yingulungulu, yibi yinji alingile lingile ku meso ja Mwene Zambi.

MUKANDA USANDU WA ZAMBI 1975

¹³ Alioze atu a mu Sondome yingulungulu, akwa kuvulumiona Yehova kuhiana.

Ubutukilo 13:13 Iomraidhean Croise

Ubutukilo 10:9

Mwene Zambi yamukwasa nawa kubwa yanga munene wa kushiha yifwo. Kashika atu akwamba ngwo: “Zambi akupwise yanga munene ngwe Nimrode ha kushiha yifwo.”

Ubutukilo 15:16

Chisemuko che cha muchiwana maakahiluka nawa ku chifuchi cho, mumu chichi kahuma akwa Amore ndoo muze uvulumwino wo muukoka, mba mungukaamwesa lamba.”

Ubutukilo 18:20

Mwene Zambi yamba ngwenyi: “Atu kaakusuma akwa Sodome ni Gomora milonga yinji, shili yo yoka naye.

Ubutukilo 19:13

mumu tunalionona. Mwene Zambi hamona ngwenyi, shili yo yoka naye, kashika hatutuma ha kulionona.”

Ubutukilo 38:7

Ere te kali chingulungulu, kashika Mwene Zambi yamushiha.

Ubutukilo 39:9

Yami nguli ni chiyulo ngwe iye. Kangukanjishile ku Chuma nichimwe, shina yena pwo lienyi. Ngwe kuchi munguhasa kulinga yibi yibwa haha ni kuvulumuna ku meso ja Zambi?”

1 MIANANGANA 21:6

Yalambula mwanenyi wa lunga mulambu wa kwocha. Yataha ngombo, yapanda wanga, yalinga tufutafuta. Yavulumuna Mwene Zambi kuhiana, yamuvwisa ufwatulo.

Izaya 1:9

Nyi ngwe Mwene Zambi Mukwa Ndundo Jeswe katuhichikilile ko amwe masalila, kachi te Yerusleme habwa ngwe membo ja Sodome ni Gomora.

Jeremia 23:14

Alioze hingunamono akwa munanyi a mu Yerusaleme kuvulumuna kuhiana: kaakulinga utanji ni kuhanjika mahuza; kaakushinjika atu alinge yibi, kashika niumwe keshi kwecha kulinga yibi. Ku meso jami ayo eswe kaali abi ngwe akwa Sodome ni Gomora.

Jeremia 23:24

Niumwe mahasa kuswama kuze Chishi kumona. Kunwanyingikine ngwenu, nguli kweswe, mwilu ni hashi, nyi?

Kwalula 32:23

Alioze nyi kunwamanunwine chilakenyo chenu, ngunanukanyamisa ngwami, munuvulumuna ku meso ja Mwene Zambi. Nyi ka, makanumwesa lamba mumu ha shili yenu.

Mateu 9:10

Muze te Yesu anali mu zuwo lia Mateu, akwa kulambwisa lijimu ni akwa lufuma mubi anji yaalikungulula ku mesa hamwe ni Yesu ni tumbaji twenyi.

Mateu 9:13

Yeenu nulilongese ulumbunwiso wa maliji wano a mu Mukanda wa Zambi, ngwo: ‘Chishi kuzanga atu akungulambula milambu ya tushitu, alioze ngunazange alivwile keke.’ Mumu chejile mu kutambika akwa ululi, alioze akwa lufuma mubi.”

Yoano 9:24

Afariseu yaatambika chisuho cha muchaali yoze wabwile kapuputa, yaamwamba ngwo: “Hanjika umwenemwene ku meso ja Zambi. Tunanyingika ngwetu, mutu yono kali Chivulumunyi.”

Yoano 9:31

Tunanyingika ngwetu, Zambi keshi kwivwa yivulumunyi. Alioze kakwivwa yoze wakumulemesa ni kulinga yize anazange.

A-ROMA 1:27

Ni malunga nawa chizechene, haanehuka chize chinalite kulinga ni mapwo, haanalivwila usolo ubi lunga ni lunga, ha kulinga yitanga ya sonyi umwe ni mukwo. Kashika, akutambula muli ayo ene lamba lize linalite ni kupianguka cho.

Hebreu 4:13

Mutu kahashile kuswekela Zambi Chuma nichimwe. Zambi kakumona yuma yeswe, mumu yuma yeswe kuyakusoloka zwalala, kuyishi kuswama ku meso jenyi. Kuli iye mutukalumbununa yuma yeswe yize twalingile.

2 Petulu 2:10

Chibichibi waze akutayiza usolo ubi wa uutu ni kulelesa chiyulo cha Zambi, makaamwesa lamba. Alongeshi wano a kwonga kaali akwa hamu, akwa kulisuta, keeshi vumbi kuli akwa uhenya a mwilu, alioze kaakwachoka.

Yuda 1:7

Iwulukenu chize alingile akwa Sodome ni akwa Gomora ni yihunda yakusulangana, chimuwika nawa ni chize alingile tunganda a mwilu. Yaalinga utanji, yaabwa ni ndako yibi ya uutu. Kaali mu lamba lia kahia ka miaka yeswe, chilweze chize chakutukanyamisa yetu eswe.

1 Samuel 15:18

Mwene Zambi wakutumine ni kunongesa Aamaleke atu waze abi. Yamba ngwenyi: ‘Yako wase no jita ndoo maakuwa eswe.’

1 Samuel 2:17

Mulonga uno wa ana ja Eli a malunga yiubwa unene Wahiana ku meso ja Mwene Zambi, mumu mulambu wa Mwene Zambi te hiwalumuka chizelwokeso ku meso ja atu.