Ubutukilo 13:10 - Mukanda Wa Zambi 1970

¹⁰ Mba Lote yatala sali ni sali, yamona ngwenyi, chana cheswe chize chakatuka ku lwiji Yordau ndoo ku limbo lia Zoare chili ni meya anji. Chili ngwe munda wa Mwene Zambi, hanji ngwe chifuchi cha Egiptu. (Ha matangwa waze te Mwene Zambi kanda achonona membo ja Sodome ni Gomora).

MUKANDA USANDU WA ZAMBI 1975

¹⁰ Mba Lote yahetula meso jenyi, yatala chana cheswe cha Yordau chatuchikile kweswe kanawa ni meya shimbu te Yehova kanda anongesa Sondome ni Ngomora; ngwe chála cha Yehova, ngwe chifuchi cha Engitu ha kutalikisa ku Zoare.

Ubutukilo 13:10 Iomraidhean Croise

Ubutukilo 11:27

Lino lie vungu lia Tera, tato ya Abrama, ni Nahore, ni Harane. Harane mwe tato ya Lote.

Ubutukilo 13:11

Lote yalitongwela chana cheswe cha Yordau, yakatuka, yatalikisa ku chivumbuko. Chenacho Abrama ni Lote alihandunwine.

Ubutukilo 13:9

Tala chifuchi chino cheswe, kusolo kuchimona, nyi? Tulihandunune. Nyi yena muya ku chimeso, yami munguya ku chindume. Nyi yena muya ku chindume, yami munguya ku chimeso.”

Ubutukilo 14:2

eswe awana yaaya ni kwasa jita ni mianangana wano atano: Bera wa ku limbo lia Sodome, ni Birsha wa ku limbo lia Gomora, ni Shinabe wa ku limbo lia Adma, ni Shemebere wa ku limbo lia Zeboime, ni mwanangana wa ku limbo lia Bela (lienalio Zoare).

Ubutukilo 14:8

Mba mianangana ja Sodome, ni Gomora, ni Adma, ni Zeboime, ni Bela, yaatuhuka akase jita mu chikulo cha Sidime,

Ubutukilo 3:6

Pwo yamona ngwenyi, mutondo uze unabeme, ni mihuko yawo nawa yinabeme ha kulia. Yanyonga nawa ngwenyi, chili chibema ha kubwa ni mana. Kashika yahela ko mihuko, yalia. Mba yahana Chihanda kuli lunga lienyi, lunga neye yalia.

Ubutukilo 6:2

Muze atu ja Zambi haamona ngwo, ana mapwo kaanabeme kuhiana, yaabutuka kulimbata ni waze azangile.

1 Yitanga Ya Mianangana 7:46

Yuma yino yeswe mwanangana kayizuzulwile mu mena hakachi ka membo ja Sukote ni Zaretane mu chikulo cha lwiji Yordau.

Jobe 40:23

Keshi kwivwa woma muze meya anende fuji; kakutwama nee muze Yordau akumumwangina meya ku meso.

Miaso (Masamu) 107:34

Mavu a chinuno yaalumuka ngwe puya ya mungwa, mumu ha ungulungulu wa atu waze abwile ko.

Izaya 15:5

Ngunalinyenge mumu hali Amoabe! Atu kaanachinyina ku membo ja Zoare, ni Eglate Shelishia. Kaanachinyina ku chihunda cha Luhite nikulila, amwe kaanachinyina ku limbo lia Horonaime nikulila mbimbi.

Izaya 51:3

“Mungulembejeka Yerusaleme, ni eswe waze atwama mu yikulo yenyi. Chibwe chifuchi chenyi hichinabu puya, mungukachipwisa munda wa chinuno, ngwe munda wa Edene. Mukukabwa chiseke ni uwahililo, ni miaso ya uhaliso ni kusakwilila.

Jeremia 48:34

“Akwa membo ja Heshbone ni Eleale kaanatete; kuteta cho kaanachivu ndoo ku limbo lia Jahaze. Kaanachivu kuli akwa limbo lia Zoare, ndoo ni ku membo ja Horonaime ni Eglate Shelishia. Chibwe mwana lwiji Nimrime homa chau.

Ezekiel 16:46

“Yayenu kali Samaria wa ku norde, ni ye yihunda yenyi. Mwanakwenu, ni ye yihunda yenyi, kali Sodome ku sude.

Ezekiel 16:49

Iye ni ana jenyi a mapwo te kaakulengumuka mumu abwile ni yakulia yinazuku, yaatwama mu uhwimino, alioze kanyongene ko yiswale ni akwa lamba.

Ezekiel 28:13

Te watwama mu Edene, munda wa Zambi, ni kulihenyesa ni mawe eka ni eka a ndando yinji: achila, ni liama, ni a usungwa, ni a mbundumbundu, ni a achila hakepe, ni a mbundumuka, ni a mafwo a matamba, ni a achiluluka, ni oru. Ha tangwa lize akutangile lie akululikilile mawe waze alemu.

Ezekiel 31:8

Mutondo sedru niumwe wa mu munda wa Zambi walifwa nawo. Mutondo Shipre niumwe chibwe mulende uli ni mitango yalifwa nawo Mutondo niumwe mu munda wa Zambi te ubema ngwe uyo.

Ezekiel 31:9

Yinguubemesa ni kwoka cha mitango yawo. Mitondo yeswe ya Edene wa Zambi yiiuvwila ukwa.

Ezekiel 47:18

“Njiza ya ku sali lia chivumbuko yinakatuka homa hamwe mukachi ka chifuchi cha Damasku ni cha Haurane ni kutalikisa ku sude nikukaula lwiji Yordau, chifuchi cha Israele ku sali lia chitokelo ni chifuchi cha Gileade ku sali lia chivumbuko, njiza yinayi ku sude ndoo ni ku Tamare ku mbumbulu ya chitende cha Kufwa?

Joele 2:3

Makumbi kaanali yibuta ngwe chize kahia kakwocha mwambu. Kulutwe lio minda yili ngwe minda ya Edene, alioze kunyima lio hiyabwa ngwe puya. Chuma nichimwe chinaachinyi.

Shimbi 34:3

ni chifuchi cha ku sude cha Yuda; ni chana chize ku Zoare ndoo ku Yeriku, limbo lia mingaji.