Ubutukilo 12:7 - Mukanda Wa Zambi 1970

⁷ Mwene Zambi yasolokela Abrama nikwamba ngwenyi: “Chino che chifuchi mungukahana kuli vungu lie.” Mba Abrama yatunga chilumbilo homa haze, mumu kwenako Mwene Zambi amusolokelele.

MUKANDA USANDU WA ZAMBI 1975

⁷ Mba Yehova yasoloka kuli Apalama, yamba ngwenyi, Chifuchi chino munguchihana ku munyachi we. Mba kuli Yehova yoze yasoloka kuli iye yamutungilako chilumbilo.

Ubutukilo 12:7 Iomraidhean Croise

Ubutukilo 12:8

Mwabwamuze yaya ku sude ku milundu yize yili ku chivumbuko cha limbo lia Betele. Yajika ko zuwo lienyi lia makubu, hakachi ka Betele ku chitokelo ni Ayi ku chivumbuko. Yatunga ko nawa chilumbilo.

Ubutukilo 13:15

Chifuchi cheswe chize unamono mungukwaha cho, yena ni vungu lie, ndoo ku miaka yeswe.

Ubutukilo 13:17

Haliabwila katuka wendese chifuchi cheswe, mumu mungukwaha cho.”

Ubutukilo 13:18

Kashika Abrama yatutulula zuwo lienyi lia makubu, yaya ni kutunga hehi ni mitondo ya Mamre ku limbo lia Hebrone, kuze te atu akuwayila. Yatunga ko chilumbilo cha kuwayila Mwene Zambi.

Ubutukilo 13:4

haze atungile chilumbilo. Mba yawayila Mwene Zambi.

Ubutukilo 15:18

Ha shimbu lizeliene Zambi yakolesa Usendo ni Abrama ngwenyi: “Ngunalakenya kuhana chifuchi chino cheswe ku vungu lie, chize ku lwiji ku njiza ya chifuchi cha Egiptu ndoo ku lwiji Ufrateze,

Ubutukilo 17:1

Muze Abrama habwa ni miaka 99, Mwene Zambi yasoloka kuli iye ni kumwamba ngwenyi: “Yami nguli Zambi Mukwa Ndundo Jeswe. Chakutamba kungwononokena ni kuliendela ni yami matangwa eswe.

Ubutukilo 17:3

Abrama yafulamana hashi, mba Zambi yamba ngwenyi:

Ubutukilo 17:8

Yena uli njize mu chifuchi chino musono, mungukwaha cho yena ni vungu lie. Chifuchi chino cheswe cha Kanana muchikabwa niche ndoo ku miaka yeswe, mungukabwa Zambi yo.”

Ubutukilo 18:1

Mwene Zambi yasolokela Abrahama homa ha kuwayila ku Mamre ku mitondo shene. Tangwa ha muchima Abrahama te kanatwama mu chikolo cha zuwo lienyi lia makubu,

Ubutukilo 22:9

Muze haaheta homa haze Zambi amulwezele, Abrahama yatunga ko chilumbilo, yatengeka ho kunyi, yakasa mwanenyi Isake, yamusa ho.

Ubutukilo 24:7

Mwene Zambi, Zambi ya mwilu, hananguchiza mu chifuchi cha tata ni cha usoko wami, yanguneha kuno. Yalishinga ngwenyi, makahana chifuchi chino kuli vungu liami. Mwenawo makatuma kanganda kenyi ka mwilu ha kufupila mwanami pwo.

Ubutukilo 26:25

Isake yatunga ko chilumbilo, mba yawayila Mwene Zambi. Homa haze yajika ho zuwo lienyi lia makubu, ni ngamba jenyi yaafula shima likwo lia meya.

Ubutukilo 26:3

Twama hano, mungubwa hamwe ni yena, mungukuwahisa. Mungukwaha chifuchi chino cheswe, yena ni vungu lie. Mungukakolesa Shingo lize nalishingile ni tatenu Abrahama.

Ubutukilo 28:13

Yamona nawa Mwene Zambi kanamana hakamwihi nikwamba ngwenyi: “Nguli Mwene Zambi, Zambi ya Abrahama ni Isake. Chifuchi chino unabombo mungukakwaha cho yena ni vungu lie.

Ubutukilo 28:4

Akakuwahise yena ni vungu lie ngwe chize awahishile Abrahama. Akakwehe chifuchi chino cha ungeji we chize ahele Abrahama, ukatwame mo.”

Ubutukilo 32:30

Yakoba yaluka ho jina ngwenyi, Peniele, mumu yamba ngwenyi: “Hinamona Zambi meso ni meso hindu nguli ni mwono.”

Ubutukilo 33:20

Yatunga ho chilumbilo, yachiluka jina ngwenyi, Zambi kali Zambi ya Israele.

Ubutukilo 35:12

Chifuchi chino nahele Abrahama ni Isake, ngunakwehe cho yena ni vungu lie lia kulutwe.”

Ubutukilo 35:7

Yatunga ko chilumbilo, yaluka ko jina ngwenyi, Betele, mumu kwenako alimwene ni Zambi, muze te anachinyi yayo Esau.

Ubutukilo 50:24

Josefe yambila ayayo ngwenyi: “Talenu, himungufwa, alioze ngunanyingika ngwami, Zambi makanufunga ni makanutuhwisa mu chifuchi chino, makanuhilwisa mu chifuchi chize alakenyene Abrahama, ni Isake, ni Yakoba.”

Ubutukilo 8:20

Hohene Noa yatunga chilumbilo cha Mwene Zambi. Tushitu ni tujila waze atela kulambula, yanda umuwika umuwika, yoocha ha chilumbilo, yaawema bwililii.

2 Samuel 24:25

Mba mwanangana David yatungila Mwene Zambi chilumbilo, yochela ho milambu ya kwocha ni milambu ya kulivwa ni Zambi. Hohene Mwene Zambi yakumbulula ku kulemba cha mwanangana, chipuho chikalu yichihwa mu Israele.

1 Yitanga Ya Mianangana 18:32

Yatunga chilumbilo mu jina lia Mwene Zambi ni mawe waze Yafula wina wa kujingilika chilumbilo, cheseko cha litro ngwe kumi ni jiwana.

1 Sango Ja Mianangana 16:16

Usendo uze akolesele ni Abrahama, chilakenyo chize alakenyene kuli Isake.

1 Sango Ja Mianangana 16:18

Ngwenyi: “Mungukakwaha chifuchi cha Kanana, muchikabwa chihinga che.”

2 Sango Ja Mianangana 20:11

Tala chize anatufundulwila toto, heeza ni kutuhuma mu chifuchi chize watuhele.

2 Sango Ja Mianangana 20:7

Zambi yetu, muze atu je Aisraele anjilile mu chifuchi chino, wahumine atu waze te atwama mo, yiuchihana ku vungu lia sepa lie Abrahama chikabwe nicho ndoo ku miaka yeswe.

Ezra 3:2

Yoshua mwana wa Jozadake, ni usoko wenyi mahako, ni Zerubabele mwana wa Shaltiele, hamwe ni usoko wo, yaatungulula chilumbilo cha Zambi ya Aisraele, hanga ahase kulambwila ko milambu ya kwocha nikulita ni Shimbi ja Mose, kavumbi ka Zambi.

Kutuhuka 17:15

Mose yatunga chilumbilo, yachiluka jina ngwenyi: “Mwene Zambi kali bendelo liami.”

Kutuhuka 24:4

Mose yasoneka Shimbi jeswe ja Mwene Zambi. Yalimeneka chichamene cheswe, yatunga chilumbilo mushi lia mulundu, yalumbika mawe kumi ni aali ngwe chingina nikulita ni mavungu kumi ni aali ja Aisraele.

Kutuhuka 32:13

Iwuluka kama tuvumbi twe, Abrahama, ni Isake, ni Israele, ni chize walishingile ni jina lie ngwe: ‘Mungukanupwisa vungu linene, ngwe matongonoshi a mwilu. Chifuchi chize naalakenyene, muchikabwa nichenu ndoo ku miaka yeswe.’ ”

Kutuhuka 33:1

Mwene Zambi yambila Mose ngwenyi: “Yena ni atu je waze watuhwishile mu chifuchi cha Egiptu, katukenu hano, yeenu ku chifuchi chize nalakenyene ni Shingo kuli Abrahama, ni Isake, ni Yakoba, ni vungu lio.

Kutuhuka 6:3

Hingunalisolola kuli Abrahama, ni Isake, ni Yakoba ngwami, nguli Zambi Mukwa Ndundo Jeswe. Alioze chaalwezele jina lino ngwami, Mwene Zambi

Kutuhuka 6:4

Nawa, yingukolesa no Usendo, yingwalakenya chifuchi cha Kanana, chifuchi chize atwamine ngwe njize.

Jeremia 3:18

Israele makalichinga ni Yuda. Eswe aali maakakatuka hamuwika mu chifuchi cha undungo ku norde ni kuhiluka mu chifuchi chize nahanyine kuli tushakulu twe kubwa chihinga che ku miaka yeswe.”

Kwalula 26:53

“Tetela mavungu wano chifuchi nikulita ni majimo jo.

Kwalula 32:11

‘Ngunalishingi ngwami, niumwe wa kuli malunga a miaka makumi aali ndoo kuli makulwana waze akatukile mu chifuchi cha Egiptu makahinga chifuchi chize nalakenyene Abrahama, ni Isake, ni Yakoba, mumu kangukawile ko ni mbunge yeswe.’

Yilinga 7:5

Alioze kamuhele ko chihinga, chibwe haze manangika kulu lienyi. Ni mwene te kanda achibwa ni mwana, muze Zambi hamulakenya ngwenyi: ‘Mungukwaha chifuchi chino, yena ni vungu lie kulutwe.’

A-ROMA 9:8

Kafwa ngwe, ana ja Zambi, hi waze akusemuka nikulita ni ndako ya uutu ko. Alioze ana amwenemwene a Zambi shina waze lume akusemuka nikulita ni chilakenyo cha Zambi.

Galashia 3:16

Chenacho nawa, Zambi yalakenya Abrahama ni mutu umuwika wa ku vungu lienyi yoze makasemuka kulutwe. Mukanda wa Zambi kuushi kwamba ngwo: “Atu ja ku vungu lie,” ngwe atu anji. Alioze kuwakwamba ngwo: “Mutu wa ku vungu lie.” Kafwa ngwe mutu yoze mwe Kristu.

Galashia 4:28

Alioze, yenu usoko wami, nuli ana waze nwasemukine nikulita ni chilakenyo cha Zambi, ngwe Isake.

Shimbi 1:8

Chino cheswe chili chifuchi chize yami Mwene Zambi nalakenyene tushakulu twenu Abrahama, ni Isake, ni Yakoba, ni kuli mavungu jo. Yeenu nukachihinge.’ ”

Shimbi 30:20

Zangenu Mwene Zambi, Zambi yenu, ni kumwononokena. Bwenu akwa kushishika, mba yenu ni ana jenu munutwama miaka yinji mu chifuchi chize hanalakenya kuhana kuli tushakulu twenu, Abrahama, ni Isake, ni Yakoba.”

Shimbi 34:4

Mba Mwene Zambi yambila Mose ngwenyi: “Chino che chifuchi chize nalakenyene Abrahama, ni Isake, ni Yakoba ngwami, mungukachihana ku vungu lio. Hinakulweza cho chitale, alioze chichi kukutayiza kunjila mo.”

Shimbi 6:10

“Mwene Zambi, Zambi yenu, makanwaha chifuchi chize chili ni membo anene ni a lufuma waze kunwatungile ko, ngwe chize alakenyene tushakulu twenu, Abrahama, ni Isake, ni Yakoba.

Shimbi 9:5

Hi mumu ha ululi wenu ko, hanji ha mbunge jenu jibema kashika Zambi wanukwasa kuzuka chifuchi cho. Makaahanga mumu kaali yingulungulu, ni mumu kanazange kumanununa chilakenyo chize alakenyene kuli tushakulu twenu Abrahama, ni Isake, ni Yakoba.

Hebreu 11:13

Atu waze eswe yaafwafwa ni ufulielo. Kaatambwile ko yiwape yize aalakenyene Zambi, alioze yaayimona, yaayifuliela, muze te yichili kusuku. Yaamba ngwo: “Tuli kwetu lume yilambala ni njize hano hashi.”

Hebreu 11:8

Ku ufulielo tata Abrahama yononoka muze Zambi amutambikile, yaya ku chifuchi chize Zambi amulakenyene kumwaha chihinga. Yakatuka ku chifuchi chenyi mwene, kunyingika ka kuze te anayi.

Yoshua 1:6

Takama, hamuka, mumu yena muukatetekela atu wano mu chifuchi chino cha chihinga nalakenyene tushakulu two.

Yoshua 22:10

Muze mavungu ja Rubene, ni Gade, ni mbunga yimuwika ya Manase haaheta ku Gelilote, ku chitokelo cha lwiji Yordau, yaatunga ko chilumbilo chinene ku mbumbulu ya lwiji.

Yoshua 8:30

Yoshua yatungila Mwene Zambi, Zambi ya Aisraele, chilumbilo ha mulundu wa Ebale.

Akwa Kuyula 6:24

Gideone yatungila ko Mwene Zambi chilumbilo, yachiluka jina ngwenyi: “Mwene Zambi Uhwimino Wetu.” (Kwe chili ndoo ni musono ku Ofra, chihunda cha Abiezere.)

1 Samuel 7:17

Mba yahilwoka ku mahienyi ku Rama. Kwenako te akuyula nawa. Yatunga ko chilumbilo cha Mwene Zambi.