Ubutukilo 12:4 - Mukanda Wa Zambi 1970

⁴ Chenacho Abrama akatukile mu limbo lia Harane, yaya ngwe chize Mwene Zambi amulwezele. Lote neye yaya hamwe nenyi. Abrama te habwa ni miaka 75.

MUKANDA USANDU WA ZAMBI 1975

⁴ Chocho Apalama yakatuka ngwe Yehova yamwamba. Lote yaya hamwe nenyi. Apalama yapwa ni makumi shimbiali a miaka ni miaka yitano muze yakatuka ku Harane.

Ubutukilo 12:4 Iomraidhean Croise

Ubutukilo 11:27

Lino lie vungu lia Tera, tato ya Abrama, ni Nahore, ni Harane. Harane mwe tato ya Lote.

Ubutukilo 11:31

Mba Tera yanda mwanenyi Abrama ni mujikulu wenyi Lote, mwana wa Harane, yanda nawa tembwa mwanenyi Sarai, pwo lia Abrama, yaakatuka ku limbo lia Ure mu chifuchi cha Babilonia, yaaya ku chifuchi cha Kanana. Yaaya ndoo ku limbo lia Harane, yaatunga ko.

Ubutukilo 13:5

Lote neye te kakwete nawa mazuwo jenyi a makubu, ni mapanga, ni pembe, ni ngombe.

Ubutukilo 16:16

Abrama te habwa ni miaka 86 muze asemene Ishmaele.

Ubutukilo 16:3

Mba Sarai yakunjika Hagare kuli Abrama ha kubwa pwo lienyi. (Yuma yino yabwile muze te Abrama hatwama miaka kumi mu chifuchi cha Kanana.)

Ubutukilo 25:7

Abrahama yatwama miaka kulakaji ni makumi shimbiali ni yitano. Yatwama miaka yinji ni yibema nawa, mba yafwa kwenyi.

Ubutukilo 28:10

Yakoba yakatuka ku chihunda cha Bersheba, yaya mu jila, yatalikisa ku limbo lia Harane.

Yilinga 7:4

Chenacho yakatuka mu chifuchi cha Kaldea, yatunga mu Harane. Amu tato hafwa, Zambi yamututulwila mu chifuchi chino nwatwama yenu haliabwila.

Hebreu 11:8

Ku ufulielo tata Abrahama yononoka muze Zambi amutambikile, yaya ku chifuchi chize Zambi amulakenyene kumwaha chihinga. Yakatuka ku chifuchi chenyi mwene, kunyingika ka kuze te anayi.

Hebreu 6:15

Abrahama yashimbwila ni uhumikizo, kashika yatambula yize Zambi hanamulakenya.