Ubutukilo 12:3 - Mukanda Wa Zambi 1970

³ Mungukawahisa waze maakakuwahisa, mungukashinga waze maakakushinga. Mungukawahisa mavungu eswe a hashi mumu hali yena.”

MUKANDA USANDU WA ZAMBI 1975

³ Waze makuwahisa mungwawahisa. Yoze makushinga neye mungumushinga. Muli yena mavungu eswe a hashi kumakaawahisa.

Ubutukilo 12:3 Iomraidhean Croise

Ubutukilo 18:18

Abrahama, vungu lienyi mungukaapwisa akwa lufuma ni akwa ndundo. Akwa hashi eswe kumaakawaha mumu hali iye.

Ubutukilo 18:19

Hinatongola Abrahama hanga akalweze ana jenyi ni vungu lienyi ngwenyi, chaatamba kufunga Shimbi jami, ni kulinga yuma yibema ni ya ululi. Nyi maachilinga mungumanununa yeswe yize namwambile.”

Ubutukilo 22:18

Mba akwa hashi eswe maakazanga ngwawahise ngwe chize hinawahisa yena, mumu yena hiunononoka ku maliji jami.’ ”

Ubutukilo 24:35

Mwene Zambi hanawahisa mwata wami kuhiana, hanamupwisa pichi munene. Hanamwehe yimuna yeka ni yeka; pembe, ni mapanga, ni ngombe, ni tumelu, ni yimbulu. Hanamwehe nawa mbongo ja prata ni oru. Mwata wami Abrahama kakwete nawa ndungo a mapwo ni a malunga.

Ubutukilo 25:11

Muze Abrahama hafwa, Zambi yawahisa Isake. Isake te katwama hehi ni Shima lia Zambi wa Mwono Yoze Wakungumona.

Ubutukilo 26:29

Tunazange ulishinge ngwe, kuuchi kutulinga chibi, ngwe chize yetu kutwakulingile ko chibi. Twakulingile kanawa, yitwamba ngwetu, yako ni sambukila. Haliabwila chinamoneka zwalala Mwene Zambi hanakuwahisa.”

Ubutukilo 26:4

Mungukakupwisa vungu linene, ngwe matongonoshi a mwilu. Mungukaaha chifuchi chino cheswe. Ku vungu lie mungukawahisa mavungu akwo eswe,

Ubutukilo 27:29

Mavungu akwo akakulingile, atu akwo akakuhetamine. Ukayule usoko we eswe, vungu lia naye akahetame ku meso je. Mweswawo makakushinga, neye akashingiwe. Mweswawo makakuwahisa, neye akawahe.”

Ubutukilo 28:14

Vungu lie maakabwa anji ngwe mavu. Maakalitanda ku chivumbuko ni ku chitokelo, ku norde ni ku sude. Mungukawahisa akwa hashi eswe mumu hali yena ni vungu lie.

Ubutukilo 30:27

Labane yamukumbulula ngwenyi: “Nyi muutayiza twama ni yami, mumu ha kutaha chami ngunanyingika ngwami, Mwene Zambi hangukwasa mumu hali yena.

Ubutukilo 30:30

Mwene Zambi hakuwahisa mumu hali yami. Muze te kanda nguchiza, yuma yikepe wabwile nayo, haliabwila hiyoka. Mba mwaka uka mungukalinga milimo ha kukwasa akwa jiko liami?”

Ubutukilo 39:5

Chize ku tangwa lize, Mwene Zambi yawahisa zuwo lia Potifare, ni yuma yenyi yeswe ya mu zuwo ni ya ku minda, ha mukunda wa Josefe.

Miaso (Masamu) 72:17

Jina lienyi atu kanda alivulama, lufuma wenyi alinduluke ngwe chize liakulinduluka tangwa. Mavungu eswe amuchichimieke, ahule Zambi aawahisa; atu no awahise mwe mwanangana.

Kutuhuka 23:22

Alioze, nyi muwononoka ni kulinga yeswe yize ngunakwambe, mungubwa mukwa kole ya akwa kole je, mungulimika ni waze akukumwesa lamba.

Kwalula 24:9

Aisraele kaali ngwe kuji a tambwe yoze unautama, ngwe chihwo cha tambwe, iya mahasa kumuhindwisa? Mweswawo mawahisa Aisraele neye kumaamuwahisa, mweswawo mashinga Aisraele neye kumashingiwa.”

Mateu 25:40

Mwanangana neye makaakumbulula ngwenyi: ‘Chamwenemwene ngunanwambulwila ngwami, muze nwachilingilile umwe wa kuli wano akwetu jami hi alemu ko, kafwa ngwe, yami nwachilingilile.’

Mateu 25:45

Mwanangana neye makaakumbulula ngwenyi: ‘Chamwenemwene ngunanwambulwila ngwami, muze kunwachilingilile umwe wa kuli wano akwetu hi alemu ko, kafwa ngwe, kunwachilingilile yami.’

Luka 24:27

Mba Yesu yaalumbunwina Mukanda wa Zambi weswe hakutwala kuli iye mwene, butu ku Mikanda ya Mose ndoo ku mikanda yeswe ya akwa munanyi a Zambi.

A-ROMA 4:11

Zambi yapwisa Abrahama ngalami kasula ha kulweza ngwo, hanamwalula mukwa ululi mumu ha ufulielo wenyi muze te kanda achimupwisa ngalami. Ha chino, Abrahama kali tato ya eswe waze akufuliela, waze Zambi akwalula akwa ululi, chibwe yilima.

1 Korintu 1:30

Alioze Zambi hananunungu ni Kristu Yesu, hanapwisa Kristu mana jetu. Mwenawo hanatupwisa akwa ululi kanda akwa kulinanga, hanatukulu ku ubinji wa shili.

Galashia 3:16

Chenacho nawa, Zambi yalakenya Abrahama ni mutu umuwika wa ku vungu lienyi yoze makasemuka kulutwe. Mukanda wa Zambi kuushi kwamba ngwo: “Atu ja ku vungu lie,” ngwe atu anji. Alioze kuwakwamba ngwo: “Mutu wa ku vungu lie.” Kafwa ngwe mutu yoze mwe Kristu.

Galashia 3:28

Kulisa chakuhi mukachi ka Ayuda ni waze hi Ayuda ko, mukachi ka ndungo ni enyaho, mukachi ka malunga ni mapwo. Yenu eswe nuli umuwika mu kulinunga ni Kristu.

Galashia 3:8

Mukanda wa Zambi yiulianga kumona kulutwe ngwo, Zambi makapwisa waze hi Ayuda ko akwa ululi, mumu ha ufulielo wo. Kashika yiwambujola shimbu kanda sango jino kuli Abrahama ngwo: “Zambi makawahisa akwa hashi eswe mumu hali yena.”

Efesu 1:3

Tusakwililenu Zambi kanda Tato ya Mwene wetu Yesu Kristu! Hanatuwahisa mu kulinunga chetu ni Kristu ni kutwaha yiwape yeswe ya mwilu ya uzambi.

Kolosu 3:11

Ha chino, kunushi nawa yilambala ni Ayuda, chibwe ngalami ni yilima, chibwe waze kaalilongesele hanji waze keeshi mana, chibwe ndungo hanji enyaho, alioze hasala lume Kristu; mwe unakwata eswe.

Usolwelo 7:9

Munabwamuze yingutala nawa, mba yingumona mbunga ya atu anji. Niumwe wahashile kwalula atu waze eswe! Atu a ku chifuchi cheswe, ni a ku vungu heswe, ni a kuli atu eswe, ni a ku maliji eswe. Kaanamana kulutwe lia chitwamo cha wanangana ni ku meso ja Mwana Panga, kaanazala mahina atoma, kaanakwata mitango ya mingaji mu moko jo.