Ubutukilo 12:2 - Mukanda Wa Zambi 1970

² Mungukakupwisa vungu linene ni kukuwahisa. Mungukafumanyisa jina lie, mba muukawahisa atu akwo.

MUKANDA USANDU WA ZAMBI 1975

² Mba ku-mungukakupwisa vungu linene. Mungukuwahisa, mungufumanyisa jina lie, kumuopwa mukwa kuwahisa.

Ubutukilo 12:2 Iomraidhean Croise

Ubutukilo 13:16

Mungukokesa vungu lie ngwe masekeseke. Nyi atu maahasa kwalula masekeseke, ni vungu lie nawa kumaahasa kwaalula.

Ubutukilo 15:5

Mba Mwene Zambi yamutwala haze, ngwenyi: “Tala kwilu. Alula matangonoshi, nyi muuhasa. Vungu lie mulikabwa ni atu anji ngwe matongonoshi wano.”

Ubutukilo 17:20

Hakutwala kuli Ishmaele hinakwivwa, hinamuwahisa. Mungukamupwisa semi, mungukamwokesa kuhiana; makasema mianangana kumi ni aali.

Ubutukilo 18:18

Abrahama, vungu lienyi mungukaapwisa akwa lufuma ni akwa ndundo. Akwa hashi eswe kumaakawaha mumu hali iye.

Ubutukilo 18:19

Hinatongola Abrahama hanga akalweze ana jenyi ni vungu lienyi ngwenyi, chaatamba kufunga Shimbi jami, ni kulinga yuma yibema ni ya ululi. Nyi maachilinga mungumanununa yeswe yize namwambile.”

Ubutukilo 19:29

Muze Mwene Zambi honona membo waze te atwama Lote, yewuluka Abrahama, kashika yalamwina Lote.

Ubutukilo 24:1

Abrahama te habwa kashinakaji. Mu mwono wenyi weswe Mwene Zambi yamuwahisa.

Ubutukilo 24:35

Mwene Zambi hanawahisa mwata wami kuhiana, hanamupwisa pichi munene. Hanamwehe yimuna yeka ni yeka; pembe, ni mapanga, ni ngombe, ni tumelu, ni yimbulu. Hanamwehe nawa mbongo ja prata ni oru. Mwata wami Abrahama kakwete nawa ndungo a mapwo ni a malunga.

Ubutukilo 25:11

Muze Abrahama hafwa, Zambi yawahisa Isake. Isake te katwama hehi ni Shima lia Zambi wa Mwono Yoze Wakungumona.

Ubutukilo 26:3

Twama hano, mungubwa hamwe ni yena, mungukuwahisa. Mungukwaha chifuchi chino cheswe, yena ni vungu lie. Mungukakolesa Shingo lize nalishingile ni tatenu Abrahama.

Ubutukilo 26:4

Mungukakupwisa vungu linene, ngwe matongonoshi a mwilu. Mungukaaha chifuchi chino cheswe. Ku vungu lie mungukawahisa mavungu akwo eswe,

Ubutukilo 27:29

Mavungu akwo akakulingile, atu akwo akakuhetamine. Ukayule usoko we eswe, vungu lia naye akahetame ku meso je. Mweswawo makakushinga, neye akashingiwe. Mweswawo makakuwahisa, neye akawahe.”

Ubutukilo 28:14

Vungu lie maakabwa anji ngwe mavu. Maakalitanda ku chivumbuko ni ku chitokelo, ku norde ni ku sude. Mungukawahisa akwa hashi eswe mumu hali yena ni vungu lie.

Ubutukilo 35:11

Zambi yamwamba nawa ngwenyi: “Yami nguli Mwene Zambi Mukwa Ndundo Jeswe. Usema ana anji. Vungu lie maakabwa anji, akwo maakabwa mianangana anene. Vungu lie mulikoka, maakabwa mavungu anene.

Ubutukilo 46:3

Zambi ngwenyi: “Yami nguli Zambi, Zambi ya tatenu. Kanda wivwa woma ha kuya ku chifuchi cha Egiptu. Kwenako mungukakupwishila vungu linene.

2 Samuel 7:9

Nabwile hamwe ni yena kweswako te wakuya, hingunanongesa akwa kole je eswe waze abwile kulutwe lie. Mungufumanyisa jina lie ngwe majina ja alemu ahiana a hano hashi.

1 Yitanga Ya Mianangana 1:47

Chikwo nawa, akwa lutwe haaya ni kuchichimieka mwanangana David, ngwo: ‘Zambi yenu afumanyise jina lia mwanangana Solomone, lihiane lia yenu, ayukise wanangana wenyi, uhiane wa yenu.’ Mba mwanangana yahetamina ha muhela ni kuwayila,

Jobe 35:8

Mutu ni mukwenu kakumona lamba mumu ha yibi yenu; ni yitanga yenu yibema yakumukwasa.

Miaso (Masamu) 107:38

Yaawahisa, yaapwisa anji kuhiana; yimuna yo kuyakehele ko.

Kutuhuka 1:7

Alioze Aisraele yasema ana anji, yooka kuhiana, te akwa ndundo nawa. Chifuchi cheswe yichizala ni ayo.

Kutuhuka 32:10

Haliabwila ngweche ngwashihe ni ufwatulo wami. Mba yena, mungukupwisa vungu linene.”

Izaya 51:2

Nyongenu kashakulu kenu Abrahama, ni Sara, yoze wanusemene. Muze natambikile Abrahama, te keshi ana, alioze yingumuwahisa, yingumwaha ana; yingwokesa vungu lienyi.

Ezekiel 34:26

“Mungukaawahisa ni kwatayiza kutwama hehi ni mulundu wami wa chijila. Kwenako mungukawahishila ni vula mwaka ha mwaka.

Mika 7:20

Kumuukalweza utu we ni zango lie lize kulishi kuhwa kuli atu je, vungu lia Abrahama ni Yakoba, ngwe chize walakenyene tushakulu twetu ku shakulu.

Zakaria 8:13

Ayuda ni Aisraele, ha mwaka wali yilambala te kaakulishinga ngwo: ‘Lamba lize amwene Ayuda ni Aisraele linuhete kama!’ Alioze yami mungukanulamwina, mba yilambala wano maakalihanjekesa ngwo: ‘Ni yenu, Zambi anuwahise ngwe chize hawahisa Ayuda ni Aisraele!’ Kashika hamukenu, kanda nwivwa woma.”

Kwalula 14:12

Mungwatumina chipuho ni kwoonona, alioze yena mungukupwisa tato ya vungu linene ni lia tachi kuhiana wano!”

Kwalula 22:12

Zambi yambila Balame ngwenyi: “Kanda uya no chibwe kanda ushinga Aisraele, mumu hingunaawahisa.”

Kwalula 23:20

“Hangwaha Shimbi ya kuwahisa. Muze Zambi hawahisa, chahashile kwalumuna.

A-ROMA 4:11

Zambi yapwisa Abrahama ngalami kasula ha kulweza ngwo, hanamwalula mukwa ululi mumu ha ufulielo wenyi muze te kanda achimupwisa ngalami. Ha chino, Abrahama kali tato ya eswe waze akufuliela, waze Zambi akwalula akwa ululi, chibwe yilima.

Galashia 3:14

Kristu yashingiwa hanga uwahiso uze Zambi alakenyene kuli Abrahama ukabwe hali waze hi Ayuda ko, ku kukwasa cha Yesu Kristu, hanga yetu, ku ufulielo, tutambule Mwiku uze alakenyene Zambi.

Galashia 3:7

Kashika nyingikenu ngwenu, waze akufuliela, e ana amwenemwene ja Abrahama.

Shimbi 26:5

Mba kwe ku meso ja Mwene Zambi muhanjika maliji wano ngwe: ‘Kashakulu kami kabwile Kaaramea, mukwa kwendangana ni chilambala, yatwala akwa jiko lienyi ha kutwama mu chifuchi cha Egiptu. Muze ayile ko te achili mbunga yikepe, alioze yiwookesa kuhiana ni yiwaapwisa vungu lia tachi.