Ubutukilo 12:14 - Mukanda Wa Zambi 1970

¹⁴ Muze haaheta mu Egiptu, akwa Egiptu yaamona mwe pwo kali chileza.

MUKANDA USANDU WA ZAMBI 1975

¹⁴ Chocho yichipwa, muze Apalama yaheta ku Engitu akwa Engitu yamona mwe pwo Wahiana kupema.

Ubutukilo 12:14 Iomraidhean Croise

Ubutukilo 12:13

Ngunakulembe muwamba ngwe, ‘Nguli ndumbwenyi.’ Ha chino, keechi kungushiha, mungutwama kanawa mumu hali yena.”

Ubutukilo 12:15

Tuvumbi twa mwanangana yaamumona, yaaya ni kumulweza ngwo, pwo weza ni Abrama cho kubema! Mba yaamwanda, yaamutwala ku zuwo lia mwanangana.

Ubutukilo 29:17

Leya te hi mubema ko ku meso, alioze Rashele chileza.

Ubutukilo 3:6

Pwo yamona ngwenyi, mutondo uze unabeme, ni mihuko yawo nawa yinabeme ha kulia. Yanyonga nawa ngwenyi, chili chibema ha kubwa ni mana. Kashika yahela ko mihuko, yalia. Mba yahana Chihanda kuli lunga lienyi, lunga neye yalia.

Ubutukilo 39:7

Muze amwe matangwa haabalika, pwo lia mwata wenyi yabutuka kumusa meso. Mwe pwo yamwamba ngwenyi: “Tweya tulimone.”

Ubutukilo 6:2

Muze atu ja Zambi haamona ngwo, ana mapwo kaanabeme kuhiana, yaabutuka kulimbata ni waze azangile.

Mateu 5:28

Alioze yami ngunanwambulwila ngwami, mutu yoze matala pwo lia mbala ni kumuvwila usolo, halinga kulu nenyi utanji mu mbunge yenyi.