Ubutukilo 12:10 - Mukanda Wa Zambi 1970

¹⁰ Mu chifuchi cha Kanana mwabwile zala yinji. Kashika Abrama yaya ku sude ndoo ku chifuchi cha Egiptu, akatwame ko.

MUKANDA USANDU WA ZAMBI 1975

¹⁰ Yikupwa kapunga mu chifuchi, mba Apalama yapalumukina ku Engitu akatwameko njize mumu kapunga te mukalu mu chifuchi.

Ubutukilo 12:10 Iomraidhean Croise

Ubutukilo 41:56

Muze zala hiyanjila mu chifuchi cheswe, Josefe yazulula machila eswe, mba yabutuka kulanjisa akwa Egiptu yakulia.

Ubutukilo 41:57

Atu te kaakukatuka mu yifuchi yeswe, yeezaza maha Josefe ni kulanda yakulia, mumu te zala hiyahiana kweswe.

Ubutukilo 42:5

Ana ja Israele ni atu akwo yaaya ni kulanda yakulia mu Egiptu, mumu te zala hiyanjila kuhiana mu chifuchi cha Kanana.

Ubutukilo 43:1

Mu chifuchi cha Kanana zala yiyibwa yinji kuhiana.

Ubutukilo 47:13

Zala yiibwa yinji, yaahona yakulia mu chifuchi cheswe. Chenacho akwa Egiptu ni akwa Kanana alekumukine ni zala.

2 Samuel 21:1

Ha matangwa ja kuyula cha mwanangana David, kwabwile zala yinji miaka yitatu. Kashika mwanangana yalemba kuli Mwene Zambi hakutwala ku zala yize. Neye yamukumbulula ngwenyi: “Chuma chino chinakatuka ku uhiso wa Saulu ni akwa jiko lienyi, mumu ashihile akwa limbo lia Gibeone.”

1 MIANANGANA 4:38

Umwe mwaka, muze mu chifuchi cheswe mwabwile zala, Elisha yahiluka ku limbo lia Gilgale. Muze te analongesa mbunga ya akwa munanyi ja Zambi, yambila kavumbi kenyi anangike lundeho (yimbia) ha jiko atelekele akwa munanyi yimwe yakulia.

1 MIANANGANA 6:25

Kashika mu limbo mwabwile zala yinji kuhiana. Mutwe wa chimbulu yiufwika ndando prata makumi nake, ni grame kulakaji jaali ja yichokolo ya membe ndando prata jitano.

Miaso (Masamu) 105:13

Yaatutujoka sali ni sali, chize ku chifuchi chimwe ndoo ku chifuchi chikwo.

Miaso (Masamu) 107:34

Mavu a chinuno yaalumuka ngwe puya ya mungwa, mumu ha ungulungulu wa atu waze abwile ko.

Miaso (Masamu) 34:19

Mutu mubema kakumona lamba linji, alioze Mwene Zambi kakumulamwina ku lamba lienyi Heswe.

Jeremia 14:1

Mwene Zambi yangulweza hakutwala ku changa chinene ngwenyi:

Yoano 16:33

Hinanulweza yuma yino yeswe hanga nukabwe ni uhwimino ha kulinunga ni yami. Munukabwa ni lamba linji hano hashi, alioze hamukenu, hingunakumbu hashi.”

Yilinga 14:22

yaakolesa tumbaji, yaatakamisa amane nguu mu ufulielo, yaamba ngwo: “Chatutamba kunjila mu Wanangana wa Zambi ni lamba linji.”

Yilinga 7:11

Mba yimubwa zala mu chifuchi cheswe cha Egiptu ni cha Kanana, luyinda munji. Tushakulu twetu kaawanyine ko yakulia niyimwe.

Rute 1:1

Sango ja Rute jabwile ngwe chino. Muze te akwa kuyula ayulile Aisraele, zala yinji yabwile mu chifuchi. Kashika umwe mutu wa ku Chikota cha Efrata, wa mu limbo lia Betleheme mu chifuchi cha Yuda, yaya ni kutwama mu chifuchi cha Moabe. Yaya hamwe ni mukwo pwo ni anenyi a malunga aali. Mutu yoze jina lienyi Elimeleke, jina lia mukwo pwo Naomi, majina ja ana jo: Malone ni Chilione.