Ubutukilo 11:8 - Mukanda Wa Zambi 1970

⁸ Chenacho Mwene Zambi aamwangine mwamwaa hashi heswe. Mba atu yaalitwantina kutunga limbo lize.

MUKANDA USANDU WA ZAMBI 1975

⁸ Chocho Yehova yaamwanga kuze mwamwa hashi heswe, mba yalitwamina kutunga limbo lize.

Ubutukilo 11:8 Iomraidhean Croise

Ubutukilo 10:25

Ebere yasema ana aali a malunga. Umuwika jina lienyi Pelege, mumu ha matangwa jenyi akwa hashi yaalihandununa. Mwana mukwo jina lienyi Joktane,

Ubutukilo 10:32

Mavungu wano eswe kaali mavungu a Noa nikulita ni chize asemukine ni chize amwanganyine hashi heswe. Akwa hashi eswe kaali mavungu ja ana ja Noa.

Ubutukilo 10:5

Wano e tushakulu twa waze atwama mu yifuchi ku mbumbulu ya kalunga lwiji ni mu mahongo. Lino lie vungu lia Jafete, waze atwama jimo ni jimo mu chifuchi cho, nikulita ni liji lio.

Ubutukilo 11:4

Yaamba ngwo: “Tutungenu limbo ni yimwe ndalo yisuku, songo liayo yikahete mwe mwilu. Tukabwc ni lufuma ha ndalo yize, kuchina mutumwangana hashi heswe mwamwaa.”

Ubutukilo 11:9

Limbo lize jina lialio Babilone, mumu kwenako Mwene Zambi abinjishile liji lia akwa hashi eswe, ni kwamwanga hashi heswe.

Ubutukilo 49:7

Zambi ashinge utenu wo, mumu woka naye, ni ufwatulo wo, mumu uli wa uswiyi. Mungukaamwangina mu chifuchi cha Yakoba, mungukaamwangina hakachi ka Aisraele.

Miaso (Masamu) 33:10

Mwene Zambi, yiyulo ya mavungu kakuyipwisa yamokomoko; kakwakanjisa, kanda alinga chize ananyongo.

Miaso (Masamu) 92:9

Tunanyingika ngwetu, akwa kole je kumaakafwa, muukakumba yingulungulu eswe.

Luka 1:51

Halinga ni kwoko lienyi lia ndundo. Hamwanga akwa kulitohesa mu manyonga jo.

Shimbi 32:8

Zambi Mwilu Mwahiana hanatetela mavungu yifuchi yo; hanalulikila atu kuze chaatamba kutwama. Yaafunjikila njiza ja mavungu, yaaha vungu ni vungu mukwa mwilu wenyi.