Ubutukilo 11:7 - Mukanda Wa Zambi 1970

⁷ Tuhulumukenu, tubinjise liji ho, hanga keechi kulivwa hakachi ko.”

MUKANDA USANDU WA ZAMBI 1975

⁷ Tuhulumukenu tukalumbangenye malimi jo hanga kechi kalivwa kuhanjika cha umwe ni mukwo.

Ubutukilo 11:7 Iomraidhean Croise

Ubutukilo 1:26

Mukulu Zambi yamba nawa ngwenyi: “Haliabwila tutangenu atu abwe ngwe yetu ni alifwe ni yetu. Akayule yishi a mu meya, ni tujila, ni tushitu eswe a ha chihunda, ni a mu yambu, anene anene ni akepe akepe.”

Ubutukilo 10:20

Wano e mavungu ja Hame waze atwama vungu ni vungu ku chifuchi cho nikulita ni liji lio.

Ubutukilo 10:32

Mavungu wano eswe kaali mavungu a Noa nikulita ni chize asemukine ni chize amwanganyine hashi heswe. Akwa hashi eswe kaali mavungu ja ana ja Noa.

Ubutukilo 10:5

Wano e tushakulu twa waze atwama mu yifuchi ku mbumbulu ya kalunga lwiji ni mu mahongo. Lino lie vungu lia Jafete, waze atwama jimo ni jimo mu chifuchi cho, nikulita ni liji lio.

Ubutukilo 11:5

Hohene Mwene Zambi yahulumuka akamone lie limbo ni ye ndalo.

Ubutukilo 3:22

Mba Mwene Zambi yamba ngwenyi: “Haliabwila mutu habwa ngwe yetu mumu hanyingika yibema ni yibi. Kuchamutambile kulia mihuko ya mutondo uze wakuhana mwono, kuchina makabwa ni mwono wa miaka yeswe.”

Ubutukilo 42:23

Yize yeswe ahanjekele Josefe te kanayivu, alioze ayo kaachinyingikine ko mumu Josefe yabwa ni mutu yoze te unalumbununa yize anahanjeka.

Jobe 12:20

Kakukumisa ngaji, kakutokesa mana ja makulwana.

Miaso (Masamu) 2:4

Alioze Mwene Zambi mwilu, ha chitwamo chenyi cha wanangana, kanaasehe, kanaalelesa.

Miaso (Masamu) 33:10

Mwene Zambi, yiyulo ya mavungu kakuyipwisa yamokomoko; kakwakanjisa, kanda alinga chize ananyongo.

Miaso (Masamu) 55:9

Aa Mwene Zambi, binjisa kama maliji jo! Ngunamono kulitachika ni kushiha mu limbo,

Kutuhuka 4:11

Mwene Zambi ngwenyi: “Iya wahele mutu kanwa? Iya wakupwisa mutu kafwa matwi hanji kanaye? Iya wakupwisa meso ja mutu, hanji kumupwisa kapuputa? Hi yami Mwene Zambi ko, nyi?

Izaya 33:19

Kunuchi kumona nawa tundaka, akwa kulengumuka, waze anahanjika liji lize kunwanyingikine.

Izaya 6:8

Mba yingwivwa Mwene Zambi nikwamba ngwenyi: “Iya mungutuma? Iya mabwa kanganda ketu?” Yingukumbulula ngwami: “Yami mwane! Ngutume!”

Jeremia 5:15

Yenu Aisraele, Mwene Zambi haneha limwe vungu lia kusuku ase nenu jita. Lili vungu likulu ni lia tachi. Kunwanyingikine liji lio.

1 Korintu 14:23

Kashika, nyi Chikungulwila cheswe haalikungulula, ni eswe kaanahanjika maliji waze atu kaanyingikine, nyi mwanjila atu waze kaanyingikine hanji waze keeshi kufuliela, keechi kwamba ngwo: “Nunazaluka,” nyi?

Shimbi 28:49

Mwene Zambi makaneha limwe vungu lia ku songo lia hashi ha kulimika ni yenu, vungu lize kunwanyingikine liji lio. Maakabwila hali yenu ngwe tela.