Ubutukilo 10:5 - Mukanda Wa Zambi 1970

⁵ Wano e tushakulu twa waze atwama mu yifuchi ku mbumbulu ya kalunga lwiji ni mu mahongo. Lino lie vungu lia Jafete, waze atwama jimo ni jimo mu chifuchi cho, nikulita ni liji lio.

MUKANDA USANDU WA ZAMBI 1975

⁵ Alitechelele mbaka ja mavungu hakachi ka wano mu yifuchi yo nikulita ni malimi jo ni minyachi yo ni mavungu jo.

Ubutukilo 10:5 Iomraidhean Croise

Ubutukilo 10:20

Wano e mavungu ja Hame waze atwama vungu ni vungu ku chifuchi cho nikulita ni liji lio.

Ubutukilo 10:25

Ebere yasema ana aali a malunga. Umuwika jina lienyi Pelege, mumu ha matangwa jenyi akwa hashi yaalihandununa. Mwana mukwo jina lienyi Joktane,

Ubutukilo 10:32

Mavungu wano eswe kaali mavungu a Noa nikulita ni chize asemukine ni chize amwanganyine hashi heswe. Akwa hashi eswe kaali mavungu ja ana ja Noa.

Ubutukilo 10:4

Ana ja Javane a malunga wano: akwa Elisha, ni akwa Espanya, ni akwa Shipre, ni akwa Rodese.

Ubutukilo 10:6

Ana ja Hame a malunga wano: Kushe, ni Egiptu, ni Libia, ni Kanana.

Ubutukilo 9:19

Ana wano atatu a Noa e abwile tushakulu twa akwa hashi eswe.

Estere 10:1

Mwanangana Ahashueru yaha atu a ku mbumbulu ya tulunga lwiji ni a mukachi ka yifuchi milimo ni tachi.

Miaso (Masamu) 72:10

Mianangana ja chifuchi cha Espania, ni a mahongo maamwaha yawana; Mianangana ja chifuchi cha Arabia ni Etiopia maamulambula milambu.

Izaya 11:11

Muze lie tangwa mulikaheta, Mwene Zambi makalinga ni mana ni ndundo jenyi akahilwise atu jenyi waze asalile mu chifuchi cha Asuria, ni Egiptu, ni Patrose, ni Sudane, ni Elame, ni Babilonia, ni mu limbo lia Hamate, ni mu yifuchi ya ku mbumbulu ya tulunga lwiji ni ha mahongo.

Izaya 24:15

ni waze ali ku chivumbuko maakamuchichimieka, ni waze akutwama ku mbumbulu ya kalunga lwiji maakahalisa Mwene Zambi, Zambi ya Aisraele.

Izaya 40:15

Kuli Mwene Zambi mavungu kaali ngwe Chuma chamokomoko, kaali ngwe masotosoto a meya, mahongo waze ali kusuku kaanalele ngwe fufuta.

Izaya 41:5

“Mavungu a ku yifuchi kusuku haanamono yize nalingile; kaakwivwa mwongo kaakuchikima. Kashika eswe akukunguluka ni kwiza.

Izaya 42:10

Imbilenu Mwene Zambi mwaso Waha; imbenu uhaliso wenyi, akwa hashi heswe! Yenu waze nwakwendangana ha kalunga lwiji, muchichimiekenu; yenu eswe waze nwatwama mu kalunga lwiji, muhalisenu! Akwa yifuchi ya kusuku, ni waze eswe atwama ko, imbenu!

Izaya 49:1

Ngubanjikenu yenu mavungu, yenu waze nwatwama kusuku! Muze te kanda nguchisemuka, Mwene Zambi te hanangutambika, yangutongola kubwa kavumbi kenyi.

Izaya 51:5

Mungukeza nikawashi ni kwalamwina; tangwa lia kukumba chami hiliakundama. Yami mwene mungukayula mavungu. Atu a ku yifuchi kusuku kaakungushimbwila; kaakushimbwila ni kusako mbunge ngwalamwine.

Izaya 59:18

Makamwesa lamba akwa kole jenyi nikulita ni yize alingile, chibwe waze atwama mu yifuchi kusuku.

Izaya 60:9

Kaali mato waze anakatuka ku yifuchi kusuku, nikuneha atu ja Zambi ku mahio, waze ananeha prata ni oru yakulemesa nayo jina lia Mwene Zambi, Zambi Munangi wa Israele, yoze washinjilile mavungu eswe hanga alemese atu jenyi.

Jeremia 2:10

Achiyenu ku chitokelo ku hongo lia Shipre, tumenu umwe mutu ku chivumbuko achihengule ku chifuchi cha Kedare. Kumunumona ngwenu, chuma chino haanga kanda chibwa kama chize ku Ubutukilo.

Ezekiel 26:15

Mwene Zambi kanambila akwa limbo lia Tiru ngwenyi: “Muze akwa kole maakanukumba, atu waze atwama ku mbumbulu ya kalunga lwiji maakachikima muze maakevwa kuteta cha waze anashihi.

Ezekiel 26:18

Mahongo kaanachikima ha tangwa lia kulimbuka chalio; atu jalio kaanalishimwoka ha kwenyeka chalio.”

Daniel 11:18

Makabwamuze makasa jita ni mavungu a ku mbumbulu ya kalunga lwiji, makakumba anji a kuli ayo. Alioze umwe mukwa kuyula, chilambala, makamukumba ni kumusa songo ha kulengumuka chenyi. Kulengumuka chize muchikahiluka hali mwanangana wa ku Sude iye mwene.

Zefania 2:11

Mwene Zambi meevwisa mwongo. Mwene Zambi mapwisa mazambi a hano hashi amokomoko. Mba mavungu eswe maamuwayila, mutu mweswe mu chifuchi chenyi mwene.

Shimbi 32:8

Zambi Mwilu Mwahiana hanatetela mavungu yifuchi yo; hanalulikila atu kuze chaatamba kutwama. Yaafunjikila njiza ja mavungu, yaaha vungu ni vungu mukwa mwilu wenyi.