Ubutukilo 1:9 - Mukanda Wa Zambi 1970

⁹ Mba Mukulu Zambi yamba ngwenyi: “Meya waze ali kushi lia lilu aswile muma mumuwika hanga mavu asoloke.” Yichibwa chenacho.

MUKANDA USANDU WA ZAMBI 1975

⁹ Zambi yamba ngwenyi, Meya aze ali kushi lia lilu aswile muma mumuwika, mavu omu asoloke. Yichipwa chocho.

Ubutukilo 1:9 Iomraidhean Croise

Ubutukilo 1:8

Mukulu Zambi yaluka kuzazuluka ngwenyi: lilu. Muze hikwacha yilibwa tangwa lia muchaali.

Nehemia 9:6

Mba Aisraele eswe yaalemba ngwe chino: “Yena, Mwene Zambi, uli Mwene Zambi wika; yena watangile lilu ni e matongonoshi. Yena watangile hashi ni kalunga lwiji ni yuma yeswe yilimo; yeswe yiuyipwisa ni mwono. Akwa ndundo a mwilu kaakufukama ni kukuwayila.

Jobe 26:10

Yafunjika mufunda wa chikelula ha meya, hanga ukahandunune mwalwa ni ufuku.

Jobe 26:7

Zambi yavungulula lilu ku sali lia norde ngwe hina, yasa mavu mutetela, kuheshi nichimwe chinaakwata.

Miaso (Masamu) 104:3

Hiunatungu zuwo lie ha meya muze mwilu. Malelwa wakwatenga temba lie, wakwendela ha fuji.

Miaso (Masamu) 33:7

Iye yakunga meya eswe a kalunga lwiji muma mumuwika. Yatulika meya a mu njondo homa lio.

Miaso (Masamu) 95:5

Iye wakuyula meya waze atangile, ni hashi nawa, haze atangile iye mwene.

Longeshi 1:7

Njiji jeswe kujakunjila mu kalunga lwiji, alioze kalunga lwiji keshi kuzala. E meya kaakuhiluka ku misulo ya njiji, ni kupalumuka nawa.

Jeremia 5:22

Yami nguli Mwene Zambi, mba kuchi kunushi kunguvwila woma? Mumu yika kunushi kuchikima ku meso jami? Hingunase masekeseke ngwe njiza ya kalunga lwiji, njiza yize kalunga lwiji kahashile kubalika. Kalunga lwiji mahasa kubinda, alioze meya keechi kahiana. Miavu muyihasa kulifwita, alioze kuyichi kubalika.

Yona 1:9

Yona yakumbulula ngwenyi: “Nguli Kahebreu. Nakuwayila Mwene Zambi, Zambi ya mwilu, yoze watangile hashi ni kalunga lwiji.”

2 Petulu 3:5

Kaakuvulama ngwo, hasuku Zambi ahanjikilile, ni lilu ni hashi yiitangiwa. Yasolola hashi ku meya ni yihatangiwa ku meya.

Usolwelo 10:6

Mba yalishinga ni Zambi yoze watwama ku miaka yeswe ni miaka yeswe, yoze watangile lilu ni yize yeswe yilimo, ni hashi ni yize yeswe yiliho, ni kalunga lwiji ni yize yeswe yilimo. Kanganda ka mwilu yamba ngwenyi: “Kutuchi kushimbula nawa!