Ubutukilo 1:26 - Mukanda Wa Zambi 1970

²⁶ Mukulu Zambi yamba nawa ngwenyi: “Haliabwila tutangenu atu abwe ngwe yetu ni alifwe ni yetu. Akayule yishi a mu meya, ni tujila, ni tushitu eswe a ha chihunda, ni a mu yambu, anene anene ni akepe akepe.”

MUKANDA USANDU WA ZAMBI 1975

²⁶ Zambi yamba ngwenyi, Tulingenu mutu mu chano chetu, mwe mu kulifwa chetu. Akapwe ni chiyulo helu lia yishi a mu kalunga-lwiji, ni helu lia tujila a mwilu, ni helu lia yimuna, ni helu lia hashi heswe, ni helu lia akwa kukalala eswe aze akukalala hashi.

Ubutukilo 1:26 Iomraidhean Croise

Ubutukilo 11:7

Tuhulumukenu, tubinjise liji ho, hanga keechi kulivwa hakachi ko.”

Ubutukilo 2:19

Chenacho awumbile tushitu eswe ni tujila eswe ni mavu. Yaaneha kuli mutu hanga amone chize maaluka. Kashitu ni kashitu, kajila ni kajila, yabwa ni jina lize amulukile kuli mutu.

Ubutukilo 3:22

Mba Mwene Zambi yamba ngwenyi: “Haliabwila mutu habwa ngwe yetu mumu hanyingika yibema ni yibi. Kuchamutambile kulia mihuko ya mutondo uze wakuhana mwono, kuchina makabwa ni mwono wa miaka yeswe.”

Ubutukilo 5:1

Wano e majina ja vungu lia Samutu. (Muze Zambi atangile atu, yaatanga ni kulifwa nenyi.

Ubutukilo 9:6

Yoze mashiha mukwo, neye maakamushiha kuli mukwo weka, mumu Zambi yatanga mutu ni kulifwa nenyi.

Jobe 35:10

Alioze kukushi yoze wakunyonga Zambi yoze waatangile, Zambi yoze wakutwaha miaso ha ufuku.

Jobe 39:11

Muuhasa kumusa mbunge mumu ha tachi jenyi, akulingile milimo ye yikalu, nyi?

Jobe 5:23

Minda yize muulima kuyichi kubwa ni mawe; tushitu asasu keechi kukukwata.

Miaso (Masamu) 100:3

Tayizenu ngwenu, Mwene mwe Zambi! Mwe watutangile, tuli nienyi; tuli atu jenyi, tuli mapanga jenyi.

Miaso (Masamu) 149:2

Aisraele, wahililenu, mumu kali tangi yenu; likwizenu akwa Zione, mumu kali mwanangana wenu!

Longeshi 7:29

Chize nalilongesele chili chino: Zambi yatutanga akwa ululi, alioze yetu ene yitulipwisa akwa kubinda kuhiana.

Mwaso Ubema Wahiana 1:11

Alioze yetu mutukulingila lwoji wa oru wa kulamika ni prata.

Izaya 45:18

Mwene Zambi yatanga lilu, iye mwe Zambi wika! Iye yatanga hashi, yakolesa ho, kechele ho hahululu, alioze yakolesa ho hanga hakatwame atu. Iye mwene yamba ngwenyi: “Yami nguli Mwene Zambi, kukushi Zambi mukwo.

Izaya 6:8

Mba yingwivwa Mwene Zambi nikwamba ngwenyi: “Iya mungutuma? Iya mabwa kanganda ketu?” Yingukumbulula ngwami: “Yami mwane! Ngutume!”

Izaya 64:8

Alioze Mwene Zambi, yena uli tata yetu. Yetu tuli ngwe uma, yena uli ngwe tengi. Yena watutangile,

Jeremia 27:6

Yami nasele mavungu wano eswe mu chiyulo cha kavumbi kami mwanangana Nebukanezore wa Babilonia, yingusa nawa tushitu a mu yambu amulingile.

Yoano 14:23

Yesu ngwenyi: “Yoze wakunguzanga, mononokena longeso liami. Tata mamuzanga, mba Tata ni yami mutukeza ni kutwama muli iye.

Yoano 5:17

Yesu yaamba ngwenyi: “Tata kakulinga matangwa eswe, kashika ni yami nawa nakulinga.”

Yilinga 17:20

Mumu unatwambulwila yuma yaha, ni tunazange kwivwa ulumbunwiso wayo kanawa.”

Yilinga 17:26

Mwenawo watangile mavungu eswe a hashi kuli mutu umuwika. Neye yaamwanga hashi heswe, yaalulikila shimbu kanda, miaka ya kutwama cho ni ngiza ja yifuchi muze maakatwama.

1 Korintu 11:7

Lunga kuchamutambile kufuka mutwe, mumu kali chizulie cha uhenya wa Zambi. Alioze pwo kali uhenya wa lunga,

2 Korintu 3:18

Yetu eswe kutushi Wanda ha meso; uhenya wa Mwene unasoloka muli yetu. Uhenya uze wakukatuka kuli Mwene yoze kali Mwiku. Kakutupwisa ngwe iye mwene. Chenacho twakubwa ni uhenya uze unalise tangwa ha tangwa.

2 Korintu 4:4

Keeshi kufuliela mumu Zambi ya mwakono hanaapupuchisa manyonga jo. Kakwakinda ha kumona Pangu lia Sango Jibema. Jili sango ja uhenya wa Kristu yoze unalifu pundu ni Zambi.

Efesu 4:24

Zalenu ngwe hina mutu mwaha, yoze Zambi atangile ni kulifwa chenyi, yoze unalisolola mu mwono wamwenemwene, mwono wa ululi, ni wa kulinanga.

Kolosu 1:15

Kristu, ku kumoneka chenyi, kanalifu ni Zambi yoze keshi kumoneka. Iye kanahiana yuma yeswe yize atangile Zambi.

Kolosu 3:10

Hinunazala mutu mwaha. Mutu yono, Zambi mwe Tangi, kakumupwisa mwaha nikulifwa chenyi, hanga numunyingike kanawa.

Tiangu (Jake) 3:7

Atu kaali ni mana ha kuhombola tushitu eka ni eka: tushitu a mu yambu, ni tujila, ni tushitu waze akukalala, ni yishi.

Tiangu (Jake) 3:9

Twakulemesa nalio Mwene kanda Tata, alioze twakushinga nalio nawa atu waze atangile Zambi mu kulifwa chenyi!

1 Yoano 5:7

Kukuli yela atatu: