Ubutukilo 1:14 - Mukanda Wa Zambi 1970

¹⁴ Mukulu Zambi yamba nawa ngwenyi: “Mapangu abwe mu che kuzazuluka cha lilu ha kuhandununa mwalwa ni ufuku, ni kulweza yinyingi ya yanga, ni matangwa, ni miaka.

MUKANDA USANDU WA ZAMBI 1975

¹⁴ Zambi yamba ngwenyi, Kupwe mapangu mwilu akahandunune mwalwa ni ufuku. Akapwe yilayi, ha tungonde, ni ha matangwa, ni ha miaka.

Ubutukilo 1:14 Iomraidhean Croise

Ubutukilo 1:13

Muze hikwacha yilibwa tangwa lia muchitatu.

Ubutukilo 1:15

Yibwe mapangu kwilu ha kupangulwisa hashi.” Yichibwa chenacho.

Ubutukilo 8:22

Matangwa eswe hashi muhanyongonoka, mwaka wa kukuwa ni mwaka wa kuhela, chishika ni chivukuminya, lwiza ni lushiho mwalwa ni ufuku, kuyichi kahwa nichimwe.”

Jobe 25:3

Kwali mutu yoze mahasa kwalula tunganda twa mwilu waze akumulingila, nyi? Kukuli kumwe kuma kuze pangu lia Zambi kulishi kuheta ko, nyi?

Jobe 25:5

Ku meso jenyi chibwe kakweji keshi kutemuka, chibwe matongonoshi kaabemene ko.

Jobe 3:9

Mutumbu kanda akasoloka, tangwa kanda likatwa mwalwa, kutemuka cha chichamene kanda chikatemuka.

Miaso (Masamu) 119:91

Yeswe yili chizechene ndoo ni musono uno mumu ha Shimbi je, yena wakuyiyula yeswe.

Miaso (Masamu) 148:3

Tangwa ni kakweji ni matongonoshi, muhalisenu.

Miaso (Masamu) 148:6

Iye waasele muma lio.

Miaso (Masamu) 150:1

Chichimiekenu Mwene Zambi! Chichimiekenu Mwene Zambi mu zuwo lienyi! Chichimiekenu ndundo jenyi mwilu!

Miaso (Masamu) 81:3

Humunenu yitavwi ya chiwanyino, muze kakweji machitetama ni muze habwa ha muchima.

Izaya 40:26

Achitalenu mwilu! Iya watangile matongonoshi waze nunamono? Yoze wakwasongwela ngwe mbunga ya tujita, yoze wanyingika kwoka cho, ni kwavuluka majina jo! Ku ndundo jenyi jahiana, niumwe wa kuli ayo keshi kuhona!

Jeremia 10:2

Ngwenyi: “Kanda nwimbulula ndako ja mavungu akwo; kanda nuvwila woma ha kumona yilayi ya kwilu, chibwe yuma yize mavungu akwo akuvwila woma.

Jeremia 31:35

Mwene Zambi kakutwaha tangwa lia kututemwina ha mwalwa, kakweji ni matongonoshi ha ufuku. Kakuvundula kalunga lwiji hanga abwe ni lundunjila; Jina lienyi Mwene Zambi Mukwa Ndundo Jeswe.

Jeremia 33:20

“Nakolesele Usendo ni mwalwa ni ufuku hanga matangwa eswe yikeze ha ola yayo; Usendo uze kuuchi kafwa nichimwe.

Jeremia 33:25

Alioze yami, Mwene Zambi, nguli ni Usendo ni mwalwa ni ufuku; hingunase Shimbi jino jakuyula hashi ni lilu.

Ezekiel 46:1

Mwene Zambi kanambe ngwenyi: “Unjililo wa ku sali lia chivumbuko wa yiize ya muchima ya zuwo lia Zambi chatamba kwajila ha matangwa asambano a milimo, alioze ha tangwa lia Kuhwima ni ha chiwanyino cha Kakweji Mwaha kuwazulula.

Ezekiel 46:6

Ha chiwanyino cha Kakweji Mwaha makalambula chimbembe wa kuji umuwika, ni ana a mapanga asambano, ni kuji a panga umuwika, eswe keeshi kapalia.

Joele 2:10

Kulutwe lio hashi haananyiki; lilu linachikima. Tangwa ni kakweji yinalaa bwii, matongonoshi haajilala.

Joele 3:15

Tangwa ni kakweji yinalaa bwii matongonoshi haajilala.

Amose 5:8

Mwene Zambi watangile matongonoshi; Kungulwila ni Muta ni Kawa. Kakwalumuna milima kubwa Pangu, Mwalwa kubwa ufuku. Kakutambika meya a mu kalunga lwiji ni kwamwangina hashi. Jina lienyi; Mwene Zambi.

Amose 8:9

Ha tangwa lize, ola ha muchima, tangwa mungukalipwisa milima, ni hashi mungukalayisa ho bwii.

Mateu 2:2

Yaahula ngwo: “Ulihi mwana yoze unakasemuka, yoze makabwa mwanangana wa Ayuda? Tunakamona lutongonoshi wenyi nikusoloka ku chivumbuko. Hitweza ni kumuwayila.”

Mateu 24:29

“Hazehene, kulutwe lia lamba lia matangwa waze, tangwa mulikalaa, kakweji kechi katwa nawa mweji, matongonoshi maakaholoka kwilu, ni ndundo ja mwilu mujikanyikumuka.

Marku 13:24

“Alioze ha matangwa waze, kulutwe lia lamba lize, tangwa mulikalaa, kakweji kechi katwa nawa mieji.

Shimbi 4:19

Kanda akanweseka ha kuwayila Chuma chize nunamono mwilu: tangwa hanji kakweji, hanji matongonoshi. Mumu Mwene Zambi, Zambi yenu, hanahana yino yuma yeswe kuli mavungu akwo ha kuyiwayila.

Usolwelo 6:12

Mba yingumona Mwana Panga kanakasulula chijikilo cha muchisambano. Hashi yihanyika kuhiana, tangwa yililaa, ngwe tuku ya hina lia kulinga ni wonawona ulaa. Kakweji yachila liakulu ngwe manyinga.

Usolwelo 8:12

Mba kanganda ka mwilu wa muchiwana yemba chitavwi. Chihanda chimuwika cha ku yihanda yitatu ya tangwa, ni ya kakweji, ni ya matongonoshi yichibwa milima. Kashika Chihanda chimuwika cha ku yihanda yitatu ya ku pangu liayo yeswe yichitoka. Pangu kuliabwile ko ku Chihanda chimuwika cha ku yihanda yitatu ya mwalwa ni ya ufuku.

Usolwelo 9:2

Lutongonoshi yoze yazulula mwe muma mwajotoka. Yimukakumuka mwishi, yiubwa ngwe mwishi uze wakutuhuka mu lutengo wa kahia. Tangwa yililaa, ni fuji yiyalumuka mwishi ha mwishi, wa muma mwajotoka.