Ubutukilo 1:1 - Mukanda Wa Zambi 1970

¹ Ha Ubutukilo Mukulu Zambi yatanga lilu ni hashi.

MUKANDA USANDU WA ZAMBI 1975

¹ Ha uputukilo Zambi watangile malilu ni hashi.

Ubutukilo 1:1 Iomraidhean Croise

1 MIANANGANA 19:15

yalemba ngwenyi: “Aa Mwene Zambi, Zambi ya Aisraele, kuwatwama ha chitwamo che helu lia akwa mwono a mwilu, yena uli mwe Zambi wika, kuwakuyula mwanangana eswe a hashi. Yena watangile hashi ni lilu.

1 Sango Ja Mianangana 16:26

Mazambi ja mavungu akwo kaali lume mahamba, alioze Mwene Zambi mwe watangile lilu.

2 Sango Ja Mianangana 2:11

Mwanangana Hirame yatumina mwanangana Solomone kumbululo. Yasoneka ngwenyi: “Mwene Zambi hakupwisa mwanangana mumu kanazange atu jenyi.

Nehemia 9:6

Mba Aisraele eswe yaalemba ngwe chino: “Yena, Mwene Zambi, uli Mwene Zambi wika; yena watangile lilu ni e matongonoshi. Yena watangile hashi ni kalunga lwiji ni yuma yeswe yilimo; yeswe yiuyipwisa ni mwono. Akwa ndundo a mwilu kaakufukama ni kukuwayila.

Jobe 26:13

Yabemesa lilu ni kufunga chenyi, yashiha lukashitu luze lwachinyine.

Jobe 38:4

Yena kulihi wabwile muze natangile hashi? Ngulweze nyi uli ni chinyingi.

Jobe 9:8

Yazazulula lilu ukawenyi, yaliata lukashitu lwa mu kalunga lwiji.

Miaso (Masamu) 102:25

ha Ubutukilo yena watangile hashi, yena nawa watangile lilu ni moko ja yena mwene.

Miaso (Masamu) 104:24

Mwene Zambi, yena watangile yuma yinji! Yeswe wayilingile ni mana! Hashi hihanazala ni yuma yize watangile.

Miaso (Masamu) 104:30

Muze wakwaaha mwiku we, kaakubwa ni mwono; mavu, wakwaha mwono Waha.

Miaso (Masamu) 115:15

Mwene Zambi yoze watangile lilu ni hashi anuwahise!

Miaso (Masamu) 121:2

Mwene Zambi, yoze watangile lilu ni hashi, mwe mangukwasa.

Miaso (Masamu) 124:8

Mwene Zambi, yoze watangile lilu ni hashi mwe wakutukwasa.

Miaso (Masamu) 134:3

Mwene Zambi mu Zione, yoze watangile lilu ni hashi, anuwahise.

Miaso (Masamu) 136:5

Yatanga lilu ni mana jenyi; zango lienyi kulishi kuhwa nichimwe.

Miaso (Masamu) 146:6

yoze watangile lilu, ni hashi, ni kalunga lwiji, ni yuma yeswe yize yilimo. Matangwa eswe kakufunga yilakenyo yenyi;

Miaso (Masamu) 33:6

Mwene Zambi yamba ngwenyi: “Tangwa ni kakweji ni matongonoshi yibwe.” Neyo yiibwa.

Miaso (Masamu) 33:9

Mwene Zambi yamba ngwenyi: “Hashi ni yuma yaho yibwe.” Neyo yiibwa.

Miaso (Masamu) 8:3

Muze nakutala lilu lize watangile, ni kakweji ni matongonoshi, yize wasele muma liayo,

Miaso (Masamu) 8:4

nakunyonga ngwami, mutu kali iya mba umunyongene, mwana mutu kali iya mba umufunge?

Miaso (Masamu) 90:2

Muze te kanda uchitanga milundu ni hashi, chize ku miaka yeswe ndoo ku miaka yeswe yena uli Zambi.

Miaso (Masamu) 96:5

Mazambi ja mavungu akwo kaali lume mahamba, alioze Mwene Zambi mwe watangile lilu.

Kutuhuka 20:11

Yami Mwene Zambi natangile lilu, ni hashi, ni kalunga lwiji, ni yeswe yize yilimo ha matangwa asambano, mba yinguhwima ha tangwa lia muchishimbiali. Kashika yami Mwene Zambi yinguwahisa tangwa lize lia kuhwima, yingulipwisa lia chijila.

Kutuhuka 31:18

Muze Mwene Zambi hamanununa kuhanjika ni Mose ha mulundu wa Sinai, yamwaha mawe aali a Shimbi waze asonekene Zambi iye mwene ni kwoko lienyi.

Yishima 16:4

Yuma yeswe yize atangile Mwene Zambi yili ni songo liayo; songo lia yingulungulu lili kufwa.

Yishima 3:19

Mwene Zambi hanatange hashi ku mana jenyi; ku malinjekela jenyi hanalulika lilu.

Longeshi 12:1

Kashika iwuluka Tangi ye muze uchili mukweze, mumu kulutwe matangwa a lamba ni miaka muyikeza muze muukamba ngwe: “Chisolo kuwahilila.”

Izaya 37:16

“Aa Mwene Zambi Mukwa Ndundo Jeswe, Zambi ya Israele, kuwatwama ha chitwamo che helu lia akwa mwono a mwilu, yena uli mwe Zambi wika, kuwakuyula mawanangana eswe a hashi. Yena watangile hashi ni lilu.

Izaya 40:21

Kunusolo kunyingika, nyi? Kaanulwezele cho ku shakulu, nyi? Kunwevwile ko chize atangile hashi, nyi?

Izaya 40:26

Achitalenu mwilu! Iya watangile matongonoshi waze nunamono? Yoze wakwasongwela ngwe mbunga ya tujita, yoze wanyingika kwoka cho, ni kwavuluka majina jo! Ku ndundo jenyi jahiana, niumwe wa kuli ayo keshi kuhona!

Izaya 40:28

Kuma kunwanyingikine, nyi? Kunwevwile, nyi? Mwene Zambi, kali Zambi wa miaka yeswe; hanatange hashi heswe. Keshi kuhona nichimwe hanji kwivwa yikatalo. Niumwe Unanyingika manyonga jenyi.

Izaya 42:5

Zambi yatanga lilu, yalizazulula; yawumba hashi ni yeswe yize yatwama ho; yahana mwiku wenyi kuli atu eswe waze atwama ho, yaapwisa akwa mwono. Haliabwila Mwene Zambi kanambila kavumbi kenyi ngwenyi:

Izaya 44:24

“Yami nguli Mwene Zambi, Mukwa Kunukula; nguli yoze wanutangile. Nguli Mwene Zambi, Tangi wa yuma yeswe. Yami mwene wika nazazulwile lilu; muze natangile hashi, niumwe wangukwashile.

Izaya 45:18

Mwene Zambi yatanga lilu, iye mwe Zambi wika! Iye yatanga hashi, yakolesa ho, kechele ho hahululu, alioze yakolesa ho hanga hakatwame atu. Iye mwene yamba ngwenyi: “Yami nguli Mwene Zambi, kukushi Zambi mukwo.

Izaya 51:13

Hinunavulama Mwene Zambi yoze wanutangile, yoze wazazulwile lilu, yoze wasele fundamentu ya hashi? Ngwe kuchi nwakuvwila woma waze akunuhungumiona, ni waze haanalulika ni kunwonona? Ufwatulo wo kuuchi kanulinga nichimwe.

Izaya 51:16

Yami nazazulwile lilu, yingusa fundamentu ya hashi; ngunambila akwa Yerusaleme ngwami: ‘Nuli atu jami! Hingunanulongesa, nakunufunga ni kwoko liami.’ ”

Izaya 65:17

Mwene Zambi kanambe ngwenyi: “Ngunatange hashi haha ni lilu haha. Atu keechi kuzanga nawa yuma yikulu, chibwe kuyivuluka.

Jeremia 10:12

Mwene Zambi watangile hashi ni ndundo jenyi; yatanga ho ni mana jenyi, yazazulula lilu.

Jeremia 32:17

“Mwene Zambi, yena watangile lilu ni hashi ku ndundo je jahiana; kukushi Chuma nichimwe chize muchikukalila yena.

Jeremia 51:15

Mwene Zambi watangile hashi ni ndundo jenyi; yatanga ho ni mana jenyi, yazazulula lilu.

Zakaria 12:1

Mwene Zambi yalongesa maliji wano hakutwala kuli Aisraele. Kali Mwene Zambi yoze wazazulwile lilu, yoze watangile hashi, yoze wapwishile mutu mukwa mwono. Kanambe ngwenyi:

Mateu 11:25

Ha shimbu lize Yesu yamba ngwenyi: “A tata, Mwenya lilu ni hashi! Ngunakusakwila mumu hiwasolwela waze kaalilongesele yuma yize waswekelela akwa mana ni waze haanalilongesa.

Marku 13:19

Mumu ha matangwa waze, lamba linji mulikabwa ko. Chize ku kutanga cha hashi ndoo musono uno, lamba ngwe lize kanda lichibwa kama, ni kulichi kabwa nawa nichimwe kulutwe.

Yilinga 14:15

“Yenu malunga, yika nunalingila Chuma chino? Tuli lume atu ngwe yenu. Tunanwambulwila Sango Jibema, ngwetu, mbilenu yuma yino yamokomoko, nutewulukile kuli Zambi ya mwono, yoze watangile lilu ni hashi, ni kalunga lwiji, ni yeswe yize yilimo.

Yilinga 17:24

Zambi yoze watangile mwilu ni hashi ni yuma yeswe yize yilimo, mwe Mwanangana wa mwilu ni hashi, keshi kutwama mu mazuwo a kuwayila a kutunga ni moko ja atu.

Yilinga 4:24

Ha kwivwa liji lino, yaalemba Zambi ni mbunge yimuwika ngwo: “Mwene, yena watangile lilu, ni hashi, ni kalunga lwiji, ni yeswe yize yilimo.

A-ROMA 11:36

Yuma yeswe yatangiwile kuli Zambi, yakukatuka kuli iye, yakumulemesa. Uhenya ukabwe kuli Zambi ku miaka yeswe! Chibwe kama Chenacho.

1 Korintu 8:6

hindu yetu Zambi umuwika lume tukwete, Tata yoze watangile yuma yeswe. Tuli ni mwono ha kumuchichimieka. Chenacho nawa Mwene umuwika uliko, Yesu Kristu. Zambi yatanga yuma yeswe ni ndundo ja Yesu; ni yetu nawa, tuli ni mwono mumu hali iye.

Efesu 3:9

ni kunyingikisa atu eswe ngwe chize mamanununa chijimbikilo chenyi. Zambi, yoze watangile yuma yeswe, wachihengekele ku shakulu,

Hebreu 1:10

Zambi hanambe nawa ngwenyi: “Mwene, ha Ubutukilo yena watangile hashi, yena nawa watangile lilu ni moko ja yena mwene.

Hebreu 1:2

Alioze, ha matangwa wano akusula, Zambi yahanjika muli Mwanenyi. Zambi hanatange yuma yeswe ni kwoko lia Mwanenyi, hanamutongola nawa mu kuhinga yuma yeswe ha tangwa liakusula.

Hebreu 11:3

Ku ufulielo tunanyingika ngwetu, Zambi yatanga lilu ni hashi ku liji lienyi. Kashika yuma yize yakumoneka ku meso, yabutukile ni yuma yize kuyishi kumoneka.

Hebreu 3:4

Kuma zuwo heswe mutu wakulitunga, ni Zambi mwe watangile yuma yeswe.

2 Petulu 3:5

Kaakuvulama ngwo, hasuku Zambi ahanjikilile, ni lilu ni hashi yiitangiwa. Yasolola hashi ku meya ni yihatangiwa ku meya.

1 Yoano 1:1

Tunanusonekena hakutwala ku liji lia mwono, lize liabwile chize ku Ubutukilo wa yuma yeswe. Yitulivwa, yitulimona ni meso jetu, yitulitala, yitulivwavwata.

Usolwelo 10:6

Mba yalishinga ni Zambi yoze watwama ku miaka yeswe ni miaka yeswe, yoze watangile lilu ni yize yeswe yilimo, ni hashi ni yize yeswe yiliho, ni kalunga lwiji ni yize yeswe yilimo. Kanganda ka mwilu yamba ngwenyi: “Kutuchi kushimbula nawa!

Usolwelo 14:7

Yakololoka ni liji linene ngwenyi: “Mwivwilenu Zambi woma, mulemesenu! Mumu tangwa lize makabatwila atu hilieza. Wayilenu Zambi yoze watangile lilu, ni hashi, ni kalunga lwiji, ni tusulo twa ngiji!”

Usolwelo 21:6

Yamba nawa ngwenyi: “Hiyamanunuka! Yami nguli Alfa ni Omega, nguli mwe kabutu ni lie songo. Yoze Unevu pwila mungumwaha meya a mu kasulo ka mwono, mungumwaha chawana.

Usolwelo 22:13

Yami nguli Alia ni Omega, mwe mutangu ni mwe kasulasongo, mwe kabutu ni lie songo.”

Usolwelo 3:14

“Sonekena kanganda ka Chikungulwila cha mu limbo lia Laodisea ngwe: “Yoze uli Chibwe Kama Chenacho, chela wa kushishika kanda wamwenemwene, Ubutukilo wa yuma yeswe yize atangile Zambi kanambe ngwenyi:

Usolwelo 4:11

“Yena Mwene kanda Zambi yetu, kuwatela uhaliso, ni ulemu, ni ndundo. Mumu yena watangile yuma yeswe. Yuma yeswe kuyili ni mwono shina mumu ha upale we.”