Titu 3:6 - Mukanda Wa Zambi 1970

⁶ Mumu Zambi, kuli Yesu Kristu Chilamwina chetu, yatuhinjila Mwiku wa Linanga wa kulumbama.

MUKANDA USANDU WA ZAMBI 1975

⁶ Yoze wamuzukwile wa kulumbama hali yetu kuli Yesu Kristu Chilamwina chetu,

Titu 3:6 Iomraidhean Croise

Yishima 1:23

Banjikenu muze mungunukanjisa; mungunwaha mana abema ni kunulweza yinyingi yami.

Izaya 32:15

Alioze ha chisuho chimuwika nawa Zambi makatutumina Mwiku wenyi. Mba chifuchi chize te kuchishi chinuno muchalumuka cha, chinuno, ni minda muyikema mihuko yinji.

Izaya 44:3

“Munguhana meya ku chifuchi cha pwila; mungusa njiji ha mavu omu. Munguhinjila Mwiku wami hali ana je; munguwahisa vungu lie.

Ezekiel 36:25

Mungukanusapwila meya abema ni kunubemesa ku mahamba jenu ni ku yuma yeswe yize nwalichishile nayo.

Joele 2:28

“Kulutwe mungukamwangina Mwiku wami wa linanga muli atu eswe: ana jenu a malunga ni a mapwo maakambujola yuma yize muyikeza ho. Tushinakaji twenu maakalota yilota, akweze jenu maakamona Usolwelo.

Yoano 1:16

Nikulita ni kulumbama cha utu wenyi, hanatuwahisa ni yiwape yeka ni yeka.

Yoano 16:7

Alioze ngunanwambulwila umwenemwene ngwami, chinalite hali yenu, yami nguye. Mumu, nyi Chayile, Chikwashi kechi keza kuli yenu. Alioze, nyi naya, mungukanutumina ye.

Yoano 4:10

Yesu ngwenyi: “Ehee! Nyi kuwanyingika chawana chize Zambi akuhana kuli atu, nawa nyi kuwanyingika yoze unakwichi meya a kunwa, kachi wamwita, neye makwaha meya a mwono.”

Yoano 7:37

Tangwa liakusula lia chiwanyino yilibwa tangwa linene. Ha tangwa lize Yesu yakatuka nikwamba ngwenyi: “Nyi umwe mevwa pwila, eze kuli yami anwe,

Yilinga 10:45

Akwa kufuliela ja Ayuda waze ejile hamwe ni Petulu yaalishimwoka, mumu Zambi hahinjila chawana chenyi cha Mwiku wa Linanga nawa muli waze hi Ayuda ko.

Yilinga 2:33

Zambi hanamuzundula, hanamuse ku kwoko lienyi lia chindume. Ni Yesu hanatambula kuli Tata, Mwiku wa Linanga uze alakenyene, hanatumwangina wo. Yuma yize nunevu ni yize nunamono yili yitanga ya Mwiku uze.

A-ROMA 2:4

Hanji unalelesa kulumbama cha utu wa Zambi, ni uhumikizo ni uhomboloji wenyi, nyi? Kuwanyingikine ngwe, utu wa Zambi unatambe kukutwala ku kwalumuka cha mbunge ye, nyi?

A-ROMA 5:5

Kusa mbunge chino kuchishi kutukolesa sonyi, mumu Zambi hanazukwila zango lienyi mu mbunge jetu ni tachi ja Mwiku wa Linanga, uze atuhele.

A-ROMA 8:2

Mumu Shimbi ya Mwiku wa Linanga, yize yakuhana mwono ha kulinunga ni Yesu Kristu, hiyinangutusula ku Shimbi ya shili ni kufwa.

Efesu 3:8

Yami nguli mukepe Wahiana akwa Kristu eswe. Chibwe chocho, Zambi hanangukunjika utu uno wa kwambujola kuli waze hi Ayuda ko Sango Jibema ja yiwape yahiana ya Kristu,

Efesu 4:2

Matangwa eswe likehesenu, bwenu yimbovu ni yihomboloji. Lihumikizenu ni zango.

1 Timoteu 6:17

Hana Shimbi kuli waze ali ni ubite wa hano hashi ngwe, kanda alengumuka. Alweze ngwe, kanda asa mbunge jo ku ubite uze hi wamwenemwene ko. Shinoho ase mbunge jo kuli Zambi, yoze wakutwaha yuma yeswe yakulumbama, hanga tukawahilile nayo.