Titu 3:5 - Mukanda Wa Zambi 1970

⁵ yatulamwina, hi mumu ha yitanga ya ululi ko yize twalingile, alioze mumu watuvwilile keke. Yatulamwina ku kubemesa cha Mwiku wa Linanga, ku kusemuka chaha ni ku mwono Waha.

MUKANDA USANDU WA ZAMBI 1975

⁵ hi ku yitanga ya ululi ko, yize twalingile yetwene, aiioze nikulita ni keke yenyi yinene watulamwinyine, ku kusanyisa cha kusema chaha, ni kupwisa chaha cha Spiritu Musandu.

Titu 3:5 Iomraidhean Croise

Jobe 15:14

Mutu muka mahasa kubemena ku meso ja Zambi? Mutu muka mahasa kubwa mukwa ululi?

Jobe 25:4

Kuli umwe yoze mahasa kubwa mukwa ululi ku meso ja Zambi, nyi?

Jobe 9:20

Chibwe ngubwe mukwa ululi, ku maliji jami mungubwa ngwe ngunahi; chibwe ngubwe mukwa umwenemwene, hindu mulingupwisa mutu mubi.

Miaso (Masamu) 130:7

Aisraele, Senu mbunge kuli Mwene Zambi, mumu zango lienyi kulishi kuhwa nichimwe, matangwa eswe kanalulika kutulamwina.

Miaso (Masamu) 143:2

Kanda ungubatwila kama, yami kavumbi ke; ku meso je kukushi mukwa ululi niumwe.

Miaso (Masamu) 51:10

Aa Zambi, ngwehe kama mbunge yibema, mbunge yaha, yize yamwenemwene.

Miaso (Masamu) 62:12

ni zango lienyi kulishi kuhwa. Aa Mwene Zambi, yena mwene wakufweta mutu mweswe nikulita ni yitanga yenyi.

Miaso (Masamu) 86:15

Alioze yena Mwene Zambi, uli Zambi ya keke ni zango; kuushi kutenuka nikawashi, alioze wakulweza atu utu, wakumanununa yeswe yize wakwamba.

Miaso (Masamu) 86:5

Mwene Zambi, yena wakutulinga kanawa, wakutukonekena; zango lie kulishi kuhwa kuli waze akukuwayila.

Izaya 57:12

Nwakunyonga ngwenu yuma yize nwakulinga yinalite, alioze mungusolola ndako jenu, ni e mahamba jenu keechi kuhasa kunukwasa.

Ezekiel 36:25

Mungukanusapwila meya abema ni kunubemesa ku mahamba jenu ni ku yuma yeswe yize nwalichishile nayo.

Mika 7:18

Aa Mwene Zambi, kukushi zambi mukwo walifwa ngwe yena. Wakukonekena milonga ya atu je waze asalile ni mwono. Kuushi kutenuka ku miaka yeswe, alioze wakuwahilila ni kutulweza zango lie lize kulishi kuhwa.

Mateu 3:11

Yami ngunanupapachisa ni meya mu kulweza ngwo, hinwalumuka ku mbunge. Alioze yoze meza kunyima liami makanupapachisa ni Mwiku wa Linanga ni kahia. Kananguhiana yami. Chatelele nichimwe kujitula sapato jenyi.

Luka 1:50

Kakuvwila keke waze akumuvwila woma ku yisemuko yeswe.

Luka 1:54

Hakwasa kavumbi kenyi, Israele. Kavulamine ko kusolola keke yenyi

Luka 1:72

Nawa ngwenyi, makasolwela tushakulu twenu keke yenyi ni kwiwuluka Usendo wenyi wa linanga.

Luka 1:78

Zambi yetu kali mukwa ululi kanda mukwa keke. Makatutemwina pangu lia mwilu ngwe chize liakuvumbuka tangwa,

A-ROMA 11:14

Tangwa likwo munguhasa kwihia ni ukwa atu a ku vungu liami, ha kulamwina amwe hakachi ko.

A-ROMA 11:6

Zambi hanaatongola mumu ha utu wenyi, hi ha yitanga yo ko yize alingile. Nyi hanaatongola mumu ha yitanga yo, kachi utu wa Zambi kuuchi kubwa wamwenemwene.

A-ROMA 12:2

Kanda nulitesa ni ndako ya hano hashi alioze tayizenu Zambi anwalumune manyonga jenu. Mba munuhasa kunyingika upale wa Zambi, yuma yibema, ni yize yakumuwahila, ni yize yinalite.

A-ROMA 3:20

Mumu Zambi keshi kupwisa mutu niumwe mukwa ululi ha kumanununa Shimbi. Shimbi jakunyingikisa lume ngwo, mutu hanavulumuna.

A-ROMA 3:28

Mumu tunashindakenya ngwetu, Zambi kakupwisa atu akwa ululi ha ufulielo wo, hi ha kwononokena Shimbi ko.

A-ROMA 4:5

Alioze yoze keshi kulinga milimo, hindu kakufuliela Zambi yoze wakupwisa akwa shili kubwa akwa ululi, mwenawo Zambi kakumwalula mukwa ululi mumu ha ufulielo wenyi.

A-ROMA 9:11

Alioze Zambi kakutongola atu nikulita ni kunyonga chenyi. Muze akutongola atu, keshi kuchilinga mumu ha yitanga yo, alioze kakwatongola nikulita ni kunyonga chenyi. Zambi yaalweza chize chili kunyonga chenyi, yambila Rebeka ngwenyi: “Mukulwana makalingila kanuke.” Zambi maliji wano yahanjika, muze te ana kanda achisemuka, muze e ana kanda achilinga chibema hanji chibi.

A-ROMA 9:16

Kashika, hi ku kuzanga cha mutu ko, hanji ku kuhondangana chenyi ko, alioze shina lume cha kuli Zambi yoze wakuvwila keke.

A-ROMA 9:30

Mba twambe kuchi ha chikuma chino? Tunambe ngwetu, atu waze hi Ayuda ko, waze kaasele ko tachi ja kubwa akwa ululi, enoo Zambi hanaapwisa akwa ululi mumu ha ufulielo wo.

1 Korintu 6:11

Amwe hakachi kenu nwabwile chizechene, alioze hinunalibemesa ku shili. Zambi hananupwisa akwa kulinanga kanda akwa ululi, mu jina lia Mwene Yesu Kristu ni Mwiku wa iye mwene, Zambi.

Galashia 2:16

Tunanyingika ngwetu, Zambi kakupwisa mutu mukwa ululi shina ha kufuliela Yesu Kristu, hi ha kumanununa Shimbi ko. Ni yetu nawa, hitunafuliela Kristu Yesu hanga Zambi atupwise akwa ululi mumu twafuliela Kristu, hi mumu twamanununa Shimbi ko. Mumu Zambi keshi kupwisa mutu mukwa ululi ha kumanununa Shimbi.

Efesu 2:4

Alioze Zambi watuvwilile keke yinji ni zango linji.

Efesu 4:23

Mbunge ni manyonga jenu jibwe jaha lume.

Efesu 5:26

Yachilinga hanga akunjike Chikungulwila kuli Zambi; yachilinga ni liji lienyi muze hachibemesa ni meya.

Shimbi 9:5

Hi mumu ha ululi wenu ko, hanji ha mbunge jenu jibema kashika Zambi wanukwasa kuzuka chifuchi cho. Makaahanga mumu kaali yingulungulu, ni mumu kanazange kumanununa chilakenyo chize alakenyene kuli tushakulu twenu Abrahama, ni Isake, ni Yakoba.

Kolosu 3:10

Hinunazala mutu mwaha. Mutu yono, Zambi mwe Tangi, kakumupwisa mwaha nikulifwa chenyi, hanga numunyingike kanawa.

2 Timoteu 1:9

Iye hanatulamwina ni hanatutambika hanga tubwe atu jenyi, hi ha yitanga ko yize twalingile, alioze mumu ha manyonga jenyi ni utu wenyi. Hanatulweze utu uno muli Kristu Yesu shimbu te miaka kanda yibwa,

Titu 3:4

Alioze, muze utu wa Zambi Chilamwina chetu ni zango lienyi hiyasoloka,

Hebreu 10:22

Kashika tukundamenu kuli Zambi ni mbunge yamwenemwene, ni ufulielo wa tachi, ni mbunge yakubemesa, ni mujimba wakusanyisa ni meya abema.

Hebreu 4:16

Kashika tukundamenu ni hamu ku chitwamo cha wanangana wa Zambi, ku chitwamo chenyi kuze akulwezela utu wenyi. Kuze mutuwana keke ni utu yize yinalite ni kutukwasa ha tangwa lia kuhona.

Hebreu 6:6

mba yaapianguka! Keechi kuhasa kwahilwisa nawa hanga alumuke ku mbunge. Mumu yuma yize akulinga yili ngwe kuhata Mwana Zambi ha kulusu chisuho cha muchaali, ni kumukolesa sonyi ku meso ja atu.

1 Petulu 1:3

Tusakwilenu Zambi kanda Tato ya Mwene wetu Yesu Kristu! Ku keke yenyi yinji, yatwaha mwono walia ku uhindukilo wa Yesu Kristu ku kufwa. Kashika twakusa mbunge ku chihinga,

1 Petulu 2:10

Hatangu kunwabwile ko vungu lia Zambi, alioze haliabwila nuli vungu lia Zambi. Hatangu kunwanyingikine keke ya Zambi, alioze haliabwila Zambi hanulweza keke.

1 Petulu 3:21

Meya aze kaanalifu ngwe upapachiso uze unanulamwina haliabwila. Upapachiso kuushi kuchiza majilo ja mujimba, alioze kuuli chilakenyo kuli Zambi ni mbunge yibema. Kuwakunulamwina ku uhindukilo wa Yesu Kristu ku kufwa.