Titu 3:3 - Mukanda Wa Zambi 1970

³ Mumu ni yetu nawa, twabwile yihepuke, yihulia, akwa kupianguka. Twabwile ndungo ku usolo ubi ni ku uwahililo weka ni weka. Twabwile akwa shili ni akwa lufwachinda, ni kulivwila kole umwe ni mukwo.

MUKANDA USANDU WA ZAMBI 1975

³ Mumu yetwene nawa ha miaka ya kunyima twapwile yihepuke, yihulia, nikupianguka, nikulingila usolo weka ni weka ni kuwaha cheka ni cheka, nikwenda mu uhuka ni lufwachinda, akwa kole, nikulivwila kole umwe ni mukwo.

Titu 3:3 Iomraidhean Croise

Ubutukilo 38:9

Alioze mwe Onane yanyingika ngwenyi, ana waze keechi kabwa ana jenyi. Kashika te lieswe tangwa akulimona ni pwo yoze, mbuto yayimwanga hashi, ngwenyi: “Nyi ka, mungusangula vungu lia yaya.”

Ubutukilo 39:16

Mwe pwo yasweka kazaku ka Josefe ndoo lunga lienyi yahiluka.

Miaso (Masamu) 36:2

Kakulichichimieka ni kuhonga ngwenyi, Zambi kechi kumona yibi yenyi, kechi kumuhisa.

Yishima 8:5

Nuli yizuzuke, nyi? Lilongesenu kubwa akwa mana. Nuli yihepuke, nyi? Lilongesenu nubwe akwa malinjekela.

Yishima 9:6

Hichikenu yizuzuke, nubwe ni mwono. Kaulenu malinjekela.”

Izaya 44:20

Chili ngwe kulia uto. Manyonga jenyi a uhepuke kaakumupiangula. Keshi kutayiza ngwenyi, hamba yoze ali nenyi mu kwoko hi zambi ko.

Obadia 1:3

Kulengumuka che hichakwonga. Limbo lie linene lili liakukoleka ni mawe akolo; zuwo lie kuliatwama ha mulundu usuku. Kashika wakwamba ngwe: ‘Iya mahasa kunguhulumuna hashi?’

Mateu 21:29

Neye yakumbulula ngwenyi: ‘Chisolo kwami.’ Mwabwamuze yalumuna manyonga jenyi, yaya.

Luka 21:8

Yesu ngwenyi: “Kanyamenu, nyi ka, maakanupiangula. Mumu anji maakeza mu jina liami nikwamba ngwo: ‘Yami mwe Chilamwina yoze Zambi alakenyene.’ Nawa ngwo: ‘Tangwa hiliaheta!’ Alioze kanda nukaakaula.

Yoano 8:34

Yesu ngwenyi: “Chamwenemwene ngunanwambulwila ngwami, mutu mweswe wakuvulumiona kali ndungo ya shili.

A-ROMA 11:30

Hatangu, yenu hi Ayuda ko, kunwononokene ko Zambi, alioze haliabwila Zambi hananuvwila keke, mumu ha uhulia wa Ayuda.

A-ROMA 6:12

Shili kuyatambile kuyula nawa mijimba yenu, yize muyikafwa, ha kunukoka ku kwononokena usolo ubi.

A-ROMA 6:17

Alioze tusakwilenu Zambi! Mumu hatangu nwabwile ndungo ja shili, alioze haliabwila nwakononokena ni mbunge jeswe longeso lize anulongesele.

A-ROMA 6:22

Alioze Zambi hananutusula ku shili, hinwabwa ndungo jenyi. Ha chino, hinwalikunjika a muundu kuli Zambi, mba ku songo munukatambula mwono wa miaka yeswe.

A-ROMA 6:6

Tunanyingika ngwetu, Zambi hanashihi uutu wetu Ukulu hamwe ni Kristu ha kulusu, hanga uutu wetu ukafwe lume, ni hanga kutuchikabwa nawa ndungo ja shili.

2 Korintu 12:20

Ngunevu woma ngwami, muze mungukanuheta, chichi kanuwana ngwe chize ngunazange, ni yenu kunuchi kangumona ngwe chize nunazange. Ngunevu woma ngwami, mungukanuwana nuli ni Vunda, ni ukwa, ni ufwatulo, ni kuzwela, ni kakowelo, ni kalundanganyishi, ni kulifuza, ni yizungozungo.

Galashia 6:3

Nyi umwe kakulinyonga ngwenyi, nguli mulemu, alioze kuma kali mutu wamokomoko, kakuhonga iye mwene.

Kolosu 1:21

Ni yenu nawa, hatangu nwabwile kusuku ni Zambi. Nwabwile akwa kole jenyi ha yibi yeswe yize te nwakulinga.

Kolosu 3:7

Ni yenu nawa, hatangu che nwabwile, muze yuma yino te yakuyula manyonga jenu.

2 Timoteu 3:13

Alioze yivulumunyi ni akwa mahuza, maakabihia kuhiana, mumu maakonga atu akwo, ni atu akwo no maakonga.

2 Timoteu 3:6

Amwe hakachi ko kaakunjila mu mazuwo ni kupiangula mapwo alelu, waze akumbata yilemu ya uhiso wa yibi yo, waze akuhungumuka ni usolo weka ni weka,

Titu 1:16

Kaakwamba ngwo, tunanyingika Zambi; alioze ku yitanga yo, kaakulikala ye. Kaali akwa kuzelwokesa, yihulia, keeshi mana ha kumanununa chimwe chitanga chibema.

Titu 2:12

Utu uze unatulongesa ha kwehuka yitanga yibi ni usolo ubi wa uutu, tuliyule, tubwe akwa ululi, ni akwa kulinanga hano hashi.

Tiangu (Jake) 1:26

Nyi mutu kakunyonga ngwenyi, kali mukwa kuwayila, alioze keshi kufunga kanwa lienyi, kakuhonga iye mwene. Kuwayila chenyi chili chamokomoko.

1 Petulu 1:14

Ononokenenu Zambi. Kanda nutayiza usolo ubi uze nwalingile hatangu muze te nwakwalajala.

Usolwelo 12:9

Ngongo yoze munene yaamumbila haze. Kali kapela mukulu, yoze alukile ngwo, Sakwonga, yoze wakwonga atu eswe. Yaamumbila hashi hamwe ni tunganda twenyi eswe.

Usolwelo 13:14

Te kakupiangula akwa hashi eswe ni yilayi yize amuhele kulinga ku meso ja ngongo yoze mutangu. Te kakwambila akwa hashi hanga alinge kaponya wa kuhalisa nenyi ngongo yoze alemekene ni mwela alioze kafwile ko.

Usolwelo 18:2

Yakololoka ni liji linene ngwenyi: “Hiliabuzuka! Hiliabuzuka! Limbo linene lia Babilone! Himwabwa muma mwa mwiku ubi wa luchisa. Tujila eka ni eka a chijila ni abi mwenamo atwama.