Titu 3:2 - Mukanda Wa Zambi 1970

² Kanda ahanjika yibi hali mutu niumwe, alioze abwe akwa uhwimino, ni yimbovu, ni akwa kulweza uhomboloji tangwa ha tangwa kuli atu eswe.

MUKANDA USANDU WA ZAMBI 1975

² Kanda ahanjika yipi hali niumwe, kanda apwa akwa ndombo, akapwe yimbovu, nikulweza kushimbika cheswe kuli atu eswe.

Titu 3:2 Iomraidhean Croise

2 Samuel 22:36

Aa Mwene Zambi, lukebwe we kakungulamwina, Ku kukwasa che hiwangupwisa mutu munene.

Miaso (Masamu) 140:11

Atu waze akulamikiza akwo milonga, kanda akumba ni kujikiza, yibi yiholokele hali yingalwe hanga afwe kwo.

Yishima 19:19

Chifwatulo mamona lamba. Nyi ngwe wamulamwina ku Vunda, nyingika ngwe muukachilinga nawa.

Yishima 25:24

Chili chibi kutwama ha fulumba lia zuwo, alioze chili chibi kuhiana kutwama mu zuwo hamwe ni pwo wa chimbangwinya.

Izaya 40:11

Kumakafunga mapanga jenyi ngwe kafunga; makakunga ana mapanga hamuwika, maakaakangayika mu kondo; makatembula anaye hakehe hakehe.

Mateu 11:29

Zundulenu kanga yami, lilongesenu kuli yami, mumu nguli chihomboloji ni mukwa kulilelesa mu mbunge—mba munukawana uhwimino,

Yilinga 23:5

Paulu ngwenyi: “Mamaa akwetu! Te Chanyingikine ngwami, kali mwata wa mahako. Mumu hichinasonewa ngwo: ‘Kanda uhanjika chibi hali mukwa kuyula atu je.’ ”

1 Korintu 6:10

chibwe eji, chibwe akwa kwivwa chipululu, chibwe akwa kuzengewa, chibwe akwa kutukana, chibwe akwa kuhianyisa ndando—wano eswe keechi kanjila mu Wanangana wa Zambi.

1 Korintu 9:19

Nguli mukwa kutusuka, hi nguli ko ndungo ya mutu niumwe. Alioze nakulipwisa ndungo ya atu eswe ha kukoka atu anji ahiana.

2 Korintu 10:1

Atu kaakwamba ngwo, yami, Paulu, nguli chihomboloji muze nguli hamwe ni yenu, alioze nguli ni hamu muze nguli kusuku. Ngunaliumbu kuli yenu ku uhomboloji ni utu wa Kristu ngwami,

2 Korintu 12:20

Ngunevu woma ngwami, muze mungukanuheta, chichi kanuwana ngwe chize ngunazange, ni yenu kunuchi kangumona ngwe chize nunazange. Ngunevu woma ngwami, mungukanuwana nuli ni Vunda, ni ukwa, ni ufwatulo, ni kuzwela, ni kakowelo, ni kalundanganyishi, ni kulifuza, ni yizungozungo.

Galashia 5:22

Alioze mihuko ya Mwiku wa Linanga yenayo yino: zango, ni uwahililo, ni uhwimino, ni kusuula, ni utu, ni ubeme, ni kushishika,

Galashia 6:1

Akwetu, nyi umwe hatalinga mu chimwe chitela, yenu waze nuli ni tachi mu ufulielo muhilwisenu mu jila ya ululi. Alioze Chilinge ni mbunge ya kushimbika. Kanyama yena mwene, kuchina ni yena nawa Sakwonga makweseka.

Galashia 6:10

Ha chino, shimbu tuchili ni mwaka, tulingenu yibema kuli eswe, alioze kuhiana kuli akwetu akwa kufuliela.

Efesu 4:2

Matangwa eswe likehesenu, bwenu yimbovu ni yihomboloji. Lihumikizenu ni zango.

Efesu 4:31

Mbilenu usasu weswe, ni ufwatulo, ni utenu, ni zungo, ni kushililika, ni uhuka weswe.

Filipu 4:5

Lwezenu umbovu kuli atu eswe. Mwene Yesu kumeza ha shimbu likepe.

1 Tesalonika 2:7

muze te hitwahasa kubwa ni ulemu ngwe tunganda twa Kristu. Alioze muze twabwile ku mahienu, yitulinga ni mbunge ya uhomboloji ngwe mama yoze unalele ana jenyi kanawa.

1 Timoteu 3:11

Mapwo jo nawa chizechene, chaatamba kubwa akwa vumbi, hi akwa mafwefwe ko, alioze akwa kukeyela, mapwo amwenemwene ha yuma yeswe.

1 Timoteu 3:3

hi mukwa kuzengewa ko, hi mukwa chimbangunya ko, chimbovu, mukwa sambukila, hi mukwa lwahu wa mbongo ko.

Tiangu (Jake) 3:17

Alioze yoze ukwete mana a mwilu, hatangu kali mubema; nawa kali mukwa uhwimino, chimbovu, mutu mwashi, mukwa keke yinji; ni kakwima mihuko yinji ya yitanga yibema, keshi katonde, keshi ulembekese.

Tiangu (Jake) 4:11

Akwetu, kanda nwamba akwenu yibi. Yoze mambila mukwo yibi kanachambila Shimbi, ni kanajibatula. Nyi unabatula Shimbi, hi uli yoze ko wakufunga Shimbi, alioze yoze wakujibatula.

1 Petulu 2:1

Kashika mbilenu ubi weswe, ni mahuza eswe, ni ulembekese, ni ukwa, ni kushililika.

1 Petulu 3:10

Ngwe Mukanda wa Zambi unambe: “Yoze unazange kuwahilila kanawa ni kubwa ni matangwa abema mu mwono wenyi, chamutamba kwehuka kuhanjika yibi ni mahuza.

1 Petulu 3:8

Hakusula, eswe bwenu ni manyonga amuwika ni kulivwa chimuwika. Lizangenu ngwe ana ja tata umuwika ni mama umuwika. Bwenu akwa utu ni akwa kulikehesa.

1 Petulu 4:4

Alioze haliabwila waze hi akwa Kristu ko kaakulishimwoka, mumu kunushi kulichinga nawa no ha kuhungumuka ni yibi. Kashika akunushililika.

2 Petulu 2:10

Chibichibi waze akutayiza usolo ubi wa uutu ni kulelesa chiyulo cha Zambi, makaamwesa lamba. Alongeshi wano a kwonga kaali akwa hamu, akwa kulisuta, keeshi vumbi kuli akwa uhenya a mwilu, alioze kaakwachoka.

Yuda 1:10

Alioze atu waze kaakushililika yize kaayinyingikine ko. Yuma yize ayo akulinga kuyishi ni kunyonga, ngwe chize akulinga tushitu, yenayo yakwashiha.

Yuda 1:8

Atu waze aliombele mukachi ketu, kaakulinga nawa chizechene. Yilota yize akulota yakwaha manyonga ha kuvulumwisa mijimba yo ene. Kaakusaula chiyulo cha Zambi, kaakushililika tunganda a mwilu alemu.