Titu 1:5 - Mukanda Wa Zambi 1970

⁵ Nakuhichikile mu tungu lia Kreta ha kululika yize yahonene, ni kutongola makulwana ja Chikungulwila mu limbo heswe. Iwuluka longeso lize nakulongesele, ngwami,

MUKANDA USANDU WA ZAMBI 1975

⁵ Ha chikuma chino nakuhichikile mu Kreta, hanga ukalulike yize yuma yahonene, hanga Ukasele makulwana mu membo eswe, chizechene ngwe nakwambile;

Titu 1:5 Iomraidhean Croise

1 Sango Ja Mianangana 6:32

Yaalinga tangwa ha tangwa milimo ya kwimba ku zuwo lia Mwene Zambi lia makubu muze te mwanangana Solomone kanda achimutungila zuwo.

Longeshi 12:9

Longeshi te mukwa mana, kashika yanyongonona ni kulongesa atu yize te ananyingika. Yalilongesa yishima, yayeseka ni kutala nyi kuyili yamwenemwene.

Izaya 44:7

Kuli mukwo yoze mahasa kulinga chize yami nalingile, nyi? Iya te mahasa kwambulula shimbu kanda, yuma yeswe yize muyikabwa ko, chize ku Ubutukilo ndoo ku songo?

Alevi 14:42

Akanda mawe akwo akasalakane mawe waze achijile, ni kushinguna nawa c mambango.

Yilinga 11:30

Yaachilinga, yaatuma mbongo kuli makulwana ku moko ja Barnaba ni Saulu.

Yilinga 14:23

Mu Chikungulwila ni Chikungulwila yaatongola makulwana. Ha kulemba ni kulitwamina kulia, yaakunjika makulwana waze kuli Mwene Yesu yoze haafuliela.

Yilinga 2:11

ni Ayuda, ni akwa kufuliela a ku mavungu akwo, ni akwo tuli akwa Kreta ni akwa Arabia. Alioze yetu eswe tuneevu nikuhanjika mu maliji ja yetwene milimo yinene ya Zambi!”

Yilinga 27:12

Zuzu lize te kuliabemene ha kutwama ko ha mwaka wa chishika. Kashika anji anyongene ha kukatuka ko. Yaazanga kweseka, nyi te muchilita, kuheta ku chifuchi cha Fenisia, akatwame ko ha mwaka wa chishika. Zuzu ya Kreta yakutalikisa ku chivumbuko cha tangwa ku tunda ni ku mwanda.

Yilinga 27:13

Muze fuji ya ku mwanda yahehukile hakepe, akwa ulungu yaanyonga ngwo, hichalita ni nyonga lio, yaazundula chikungo cha kumika nacho ulungu, ni kusesesa hakamwihi ni tungu lia Kreta.

Yilinga 27:21

Shimbu lisuku liabalikile, mutu niumwe walile yakulia. Mba Paulu yamana ku meso jo nikwamba ngwenyi: “Yenu malunga, nyi nwevwile kama liji liami, kachi kutwakatukile ku Kreta, ha kubwa ni lamba lino ni kufulwa chino.

Yilinga 27:7

Amwe matangwa yituzauke hakepe hakepe, yituheta ni lamba linji hakamwihi ni limbo lia Snidu. Fuji yiilimika ni yetu, kashika kutwahashile kuya kulutwe, alioze yitubalika ku mbumbulu lia tungu lia Kreta, kuze fuji kuyabwile yinji, hehi ni chifuchi cha Salmone.

1 Korintu 11:34

Yoze Unevu zala, chamutamba kulila ku mahienyi, hanga muze munukunguluka, Zambi kechi kunumwesa lamba. Hakutwala ku yuma yikwo, mungukayilulika muze mungukanuheta.

1 Korintu 14:40

Chatamba kulinga yuma yeswe kanawa ni vumbi ngwe chinalite.

1 Korintu 4:17

Ha kunukwasa ngunanutumina Timoteu. Kali mwanami mu ufulielo, mukwa kushishika mu kuliendela ni Mwene Yesu. Maka nwiwulula Shimbi jize nakukaula mu mwono Waha mu kulinunga ni Kristu, Shimbi jize nakulongesa kweswe mu Yikungulwila yeswe.

Kolosu 2:5

Mumu, chibwe nguli kusuku ni yenu mu mujimba, hindu mu manyonga nguli hakamwihi. Ngunawahilila ni kumona chize nwakumana nguu ha kufuliela Kristu.

1 Timoteu 1:3

Ngunazange usale mu limbo lia Efesu ngwe chize nakwambile nawa hatangu muze nayile ku chifuchi cha Masedonia. Atu akwo kuze kaakulongesa longeso lia mahuza. Chakutamba kwakanjisa.

2 Timoteu 2:2

Longeso lize hiunevu kuli yami muze nalongesele ku meso ja atu anji, lilongesa kuli malunga amwenemwene waze maahasa nawa ku longesa atu akwo.

Titu 1:12

Umwe mukwa Kreta mwene, wa hakachi ka akwa munanyi jo, yamba ngwenyi: “Akwa Kreta kaali akwa mahuza matangwa eswe, tushitu abi, akwa ngwaza, kunyonga cho shina kulia lume.”