Titu 1:1 - Mukanda Wa Zambi 1970

^1-4 Yami Paulu, kavumbi ka Zambi kanda kanganda ka Yesu Kristu, ngunakusonekena yena Titu, mwanami wamwenemwene mu ufulielo wetu. Zambi hanangutongola ha kukolesa ufulielo wa atu, waze iye mwene hanatongola, ni kwalongesa chinyingi cha umwenemwene cha kuwayila chetu, hanga ase mbunge ku mwono wa miaka yeswe. Zambi, yoze keshi kuhanjika mahuza, hanatulakenya mwono uno shimbu te miaka kanda yichibwa. Zambi, ha tangwa lize atongwele, yasolola longeso lienyi. Longeso lino angukunjikile, ngunaliambujola nikulita ni Shimbi jize anguhele Zambi, Chilamwina chetu. Zambi Tata ni Kristu Yesu, Chilamwina chetu, anulweze utu ni anwehe uhwimino.

MUKANDA USANDU WA ZAMBI 1975

¹ Yami Paulu, ndungo ya Zambi, kanda postolo wa Yesu Kristu, nikulita ni Ufulielo wa waze a kutongola kuli Zambi, nikulita ni yinyingi ya umwenemwene uze wakulita ni uwayilo;

Titu 1:1 Iomraidhean Croise

1 Sango Ja Mianangana 6:49

Arone ni vungu lienyi eno akulambula yuma ya vumba libema ni yimuna ya kwochela ha chilumbilo. Ayo e abwile ni milimo yeswe ya uwayilo ya muma mwa chijila ni milambu yize te Mwene Zambi akukonekena nayo milonga ya Aisraele. Yino yeswe yaayilinga nikulita ni Shimbi jize aahele kuli Mose, kavumbi ka Zambi.

Luka 18:7

Kuma Zambi kechi kakala waze atongwele iye mwene, waze akukololoka mwalwa ni ufuku, nyi? Kuma makashimbula ha kwakwasa, nyi?

Yilinga 13:48

Muze waze hi Ayuda ko haachivwa, yaawahilila, yaachichimieka Zambi; ni eswe waze Zambi hanatongola kubwa ni mwono wa miaka yeswe, yaafuliela.

A-ROMA 1:1

Yami, Paulu, ndungo ya Yesu Kristu, ngunanusonekena mukanda uno. Zambi mwe wangutambikile ngukabwe kanganda kenyi, wangutongwele ngukambujole Sango jenyi Jibema.

2 Korintu 1:1

Yami, Paulu, kanganda ka Yesu Kristu ku upale wa Zambi, ni mukwetu Timoteu, tunanumeneka yenu akwa Chikungulwila cha Zambi chize chili mu limbo lia Korintu, ni akwa Kristu eswe a mu chifuchi cheswe cha Gresia.

Efesu 2:8

Mumu Zambi, ku utu wenyi, hananulamwina, mumu ha ufulielo. Ulamwino uno hi wa kuli yenu ko, kuuli chawana cha Zambi.

Filipu 1:1

Yami Paulu ni Timoteu, tuvumbi twa Kristu Yesu, tunanusonekena yenu akwa Kristu eswe waze nwatwama mu limbo lia Filipu, waze nwafuliela Kristu Yesu hamwe ni tulayi twa Chikungulwila ni tuvumbi.

Kolosu 2:2

Nakuchilinga hanga mbunge jo jikabwe ni hamu, ni hanga alinunge mu zango, ni hanga anyingike pundu chijimbikilo cha Zambi. Che chijimbikilo, Kristu.

1 Timoteu 2:4

yoze wakuzanga ngwenyi, atu eswe alilamwine ni anyingike umwenemwene.

1 Timoteu 3:16

Niumwe kahashile kulituna unene wa chijimbikilo cha ufulielo wetu! Yasoloka mu mujimba wa uutu, Mwiku wa Linanga yiumusambisa, Tunganda a mwilu yaamumona. Yaamwambujola hakachi ka waze hi Ayuda ko, Yaamufuliela hano hashi, Yaamutambula mwilu mu uhenya.

1 Timoteu 6:3

Nyi mutu malongesa longeso lieka, ni keshi kwononoka ku liji liamwenemwene lia Mwene wetu Yesu Kristu ni longeso lia ufulielo wetu,

2 Timoteu 2:10

Kashika nakulihumikiza mu yuma yeswe mu kukwasa waze atongwele Zambi, hanga Kristu Yesu aalamwine, ni hanga ayo akabwe ni uhenya wa miaka yeswe.

2 Timoteu 2:23

Alioze litune kuhamika cha uhepuke ni chize kuchishi kulumbunuka. Unanyingika kuhamika ngwe chize chakukoka kuzwela.

2 Timoteu 2:25

Chamutamba kulongesa akwa pami ni uhomboloji. Tangwa likwo Zambi makaaha tangwa lia kwalumuka ku mbunge ni kunyingika umwenemwene.

Tiangu (Jake) 1:1

Yami, Tiangu (Jake), kavumbi ka Zambi ni ka Mwene Yesu Kristu, ngunanumeneka yenu eswe, yenu atu ja Zambi waze hinunamwangashana hashi heswe.

2 Petulu 1:3

Ndundo ja uzambi wa Yesu jinatwehe yuma yeswe yize twakuhona mu kuliendela ni Zambi. Twakutambula yuma yize mumu tunanyingika Zambi, yoze watutambikile hanga tubwe ni kamwe ka uhenya ni utu wenyi.

2 Petulu 3:11

Nyi yuma yino yeswe muyikahwa ngwe chino, ndako yika chanutamba kubwa nayo? Muze munushimbwila Tangwa lia Zambi, chanutamba kulikoleleza, hanga Tangwa lize mulikeza nikawashi. Ha Tangwa lize lilu mulikawema ni kahia ni yuma ya lilu muyikasangunuka.

1 Yoano 2:23

Mumu yoze wakulituna Mwana kakulituna nawa Tata. Yoze wakutayiza Mwana kakutayiza nawa Tata.

Usolwelo 1:1

Mukanda uno unalumbununa yuma yize Yesu Kristu angusolwelele yami Yoano. Zambi yayilweza Yesu hanga alweze tuvumbi twenyi yuma yize muyikeza kulutwe ha shimbu likepe. Kristu yatuma kanganda kenyi ha kungunyingikisa yo.