Shimbi 8:3 - Mukanda Wa Zambi 1970

³ Yanuhombola, yanuvwisa zala, yanwaha mana ha kulia, yakulia yize yenu chibwe tushakulu twenu haanga te kanda nuchiyilia kama. Yachilinga ha kunulongesa ngwenyi, mutu kahashile kubwa ni mwono ku mbolo wika, alioze ku maliji eswe waze akuhanjika Zambi.

MUKANDA USANDU WA ZAMBI 1975

³ Yanulelesa, yanumwesa zala, yanulisa maná enu kunwayinyingikine, chipwe akakenu kayinyingikine, hanga akanunyingikise ngwenyi, Mutu keshi kupwa ni mwono ha kulia wika, alioze ku yeswe yinatuhuka mu kanwa lia Yehova mutu matwama ni mwono.

Shimbi 8:3 Iomraidhean Croise

Miaso (Masamu) 105:40

No yaamwita yuma yakulia, neye yaaha tujila, tumbangu. Yaaha nawa mbolo yize yahulumukine mwilu; no yaalia, yaakuta.

Miaso (Masamu) 37:3

Shachila hali Mwene Zambi, ulinge yibema, twama mu uhwimino mu che chifuchi.

Mateu 4:4

Yesu ngwenyi: “Hichinasonewa mu Mukanda wa Zambi ngwo: ‘Mutu kahashile kubwa ni mwono ku mbolo wika, alioze ku maliji eswe waze akuhanjika Zambi.’ ”

Luka 4:4

Yesu ngwenyi: “Hichinasonewa mu Mukanda wa Zambi ngwo: ‘Mutu kahashile kubwa ni mwono ku mbolo wika.’ ”

1 Korintu 10:3

Eswe yaalia yakulia yimuwika ya uzambi.

Shimbi 29:5

Mwene Zambi yanutwala mu puya ha miaka makumi awana. Mahina jenu ni sapato jenu kujaatanwokene ko.

Shimbi 29:6

Kunwalile ko mbolo hanji vinyu hanji Chuma chisasu, alioze Mwene Zambi yanwaha yeswe yize nwahonene ha kunulongesa hanga nunyingike ngwenu, kali Mwene Zambi, Zambi yenu.

Shimbi 32:47

Shimbi jino hi jamokomoko ko; jili mwono wenu. Jifungenu, mba munukabwa ni mwono matangwa anji mu chifuchi cha musali lia Yordau chize nunayi ni kuzuka.”

Shimbi 9:9

Yami yingukanduka ha mulundu ni kutambula mawe haze Zambi asonekene maliji a Usendo uze akolesele ni yenu. Yingutwama ko matangwa makumi awana, chalile chibwe chanwine ko Chuma nichimwe.