Shimbi 4:2 - Mukanda Wa Zambi 1970

² Kanda nuweza Chuma nichimwe ku yize ngunanwambe, chibwe kuchiza ko chikwo. Ononokenu ku Shimbi ja Mwene Zambi, Zambi yenu, jize hingunanulongesa.

MUKANDA USANDU WA ZAMBI 1975

² Kanda nuweza ku liji ngunanwambelio chipwe kutepululako. Nufunge maliji a shimbi a Yehova Zambi yenu nanwamba.

Shimbi 4:2 Iomraidhean Croise

Shimbi 12:32

“Lingenu yuma yeswe yize hinanwamba. Kanda nuweza ho hanji kuchiza ho Chuma chikwo, ka.

Yishima 30:6

Kanda uwezela ku maliji jenyi. Nyi ka, iye makukanjisa ni kukwamba ngwenyi, uli mukwa mahuza.”

Yoshua 1:7

Takama lume, hamuka, funga kanawa Shimbi jeswe jize kavumbi kami Mose akulongesele. Kanda ulelesa Shimbi niyimwe, mba ukawahe kweswako muukaya.

Mateu 5:18

Chamwenemwene ngunanwambulwila ngwami, ndoo lilu ni hashi muyikahwa, chibwe lusona umwe mukepe Wahiana wa ku Shimbi kechi kahwa nichimwe ndoo yize yeswe muyiza kubwa.

Galashia 3:15

Akwetu, ngunahanjika ni chilweza cha yuma yize yakumoneka tangwa ha tangwa, ngwami, nyi amwe atu haalitesa Usendo uze unalite, mutu niumwe mahasa kuushiha hanji kuweza ho Chuma chikwo.

Longeshi 12:13

Ku songo lia yino yeswe, kuli lume Chuma chimuwika chakwamba ngwami: Lemesa Zambi, funga Shimbi yenyi; mumu ha chikuma chino Zambi atangilile mutu.

Mateu 5:43

“Hinunevu chize alongeshi akwo ambile ngwo: ‘Zanga mwenyembo we, alioze vutwokela mukwa kole ye.’

Shimbi 1:3

Ha tangwa litangu lia kakweji wa kumi ni kashi lia mwaka wa makumi awana muze Aisraele atuhukile mu chifuchi cha Egiptu, Mose yalweza atu yuma yeswe yize Mwene Zambi amwambile.

Shimbi 4:5

“Kutala! Nanulongesele Shimbi jeswe, ngwe chize Mwene Zambi, Zambi yami, angulwezele. Nujifunge mu chifuchi chize nunambe kunjila ni kuchizuka.

Shimbi 4:14

Mwene Zambi yangwamba ha kunulongesa Shimbi jeswe jize chatamba kufunga mu chifuchi chize nunambe kunjila ni ku chizuka.”

Shimbi 4:40

Fungenu Shimbi jenyi jeswe jize hingunanulongesa mba yenu ni vungu lienu munukawaha. Munukanyongonona kutwama mu chifuchi chenu chize Mwene Zambi, Zambi yenu, ananwehe ndoo ku miaka yeswe.”

Shimbi 33:4

Tufungenu Shimbi jize atuhele Mose. Jili chihinga chinene chahiana cha vungu lietu.

Miaso (Masamu) 78:7

hanga no nawa akashachile hali Zambi, nyi ka, maavulama yize Zambi hanalingi. Alioze akafunge Shimbi jenyi matangwa eswe.

Jeremia 26:2

Mwene Zambi yangwamba ngwenyi: “Mana mu yiize ya zuwo lia Zambi, wambujole yeswe yize hinakwamba kulweza atu waze aneza ku membo ja Ayuda ni kuwayila ko. Kanda uhichika liji nilimwe.

Shimbi 5:29

Nyi matangwa eswe maalinga kama ngwe chino nikufunga Shimbi jami jeswe, kachi ayo ni vungu lio, kumaakawaha ku miaka yeswe.

Shimbi 5:32

“Yenu Aisraele, fungenu kanawa yuma yeswe yize Mwene Zambi, Zambi yenu, haanwamba. Kanda nukolema Shimbi niyimwe.

Shimbi 13:1

“Nyi umwe mukwa munanyi hanji mukwa kulumbununa yilota manulakenya chimwe chilayi hanji chikomokeso,

Yoshua 8:35

Yoshua yatanga Shimbi jeswe ja Mose ku meso ja atu. Mu mbunga yimubwa mapwo, ni ana, ni njize waze te atwama mukachi ko.