Shimbi 3:2 - Mukanda Wa Zambi 1970

² Alioze Mwene Zambi yangwamba ngwenyi: ‘Kanda numwivwa woma. Mungumukunjika mu moko jenu, hamwe ni tujita twenyi, ni che chifuchi chenyi cheswe. Mulingenu ngwe chize nunakalinga Sihone mwanangana wa Aamore yoze te wakuyula mu Heshbone.’

MUKANDA USANDU WA ZAMBI 1975

² Yehova wambile kuli yami ngwenyi, Kanda umuvwila woma, mumu te hinamukunjika mu kwoko lie ni atu jenyi eswe, ni chifuchi chenyi, ukamulinge ngwe walingile ni Sahone, mwanangana wa A-Amore atwamine ku Heshebone.

Shimbi 3:2 Iomraidhean Croise

2 Sango Ja Mianangana 20:17

Kunuchi kasa no jita. Alioze lilongenu nushimbwile. Munukamona chize Mwene Zambi makaakumba. Yenu Ayuda ni akwa Yerusaleme, kanda nuyambashana hanji kwivwa woma. Yeenu nutakane no, Mwene Zambi kumakabwa hamwe ni yenu!’ ”

Izaya 41:10

Kanda wivwa woma, nguli hamwe ni yena! Nguli Zambi ye, kanda wivwa mwongo wa Chuma nichimwe! Mungukutakamisa, mungukukwasa; mungukufunga ni kwoko liami lia chindume lia ululi.

Izaya 43:5

Kanda wivwa woma, mumu nguli hamwe ni yena! “Chize ku chivumbuko ndoo ku chitokelo, munguhilwisa atu je ku chifuchi che.

Kwalula 14:9

Kanda nukatukila Mwene Zambi, hanji kwivwile woma atu waze atwama ko. Mutukaakumba, chili chashi. Mwene Zambi kali hamwe ni yetu. Hakumba kulu mazambi waze akwaafunga. Kashika kanda nwivwa woma.”

Kwalula 21:34

Mwene Zambi yambila Mose ngwenyi: “Kanda numuvwila woma, mungunukwasa ha kumukumba hamwe ni atu jenyi eswe, ni kutambula che chifuchi chenyi. Mulingenu ngwe chize nunakalinga Sihone, mwanangana wa Aamore, yoze te wakuyula mu Heshbone.”

Yilinga 18:9

Ha umwe ufuku, Mwene Yesu yambila Paulu mu Usolwelo ngwenyi: “Kanda wivwa woma, hanjika lume, kanda, uhola,

Yilinga 27:24

Ngwenyi: ‘Paulu, kanda wivwa woma! Chakutamba kumana ku meso ja mwanangana wa Aroma. Ni chikwo nawa, Zambi, ku utu wenyi, hakwaha mwono wa eswe waze unazauka no.’

Shimbi 20:3

‘Yenu malunga ja Aisraele, banjikenu! Musono nunayi mu jita. Kanda nuvwila akwa kole jenu woma hanji mwongo, kanda nulekumuka.

Shimbi 3:1

“Hohene yitutewuluka, yituya ku norde ku chifuchi cha Bashane. Mba Oge, mwanangana wa ku Bashane, yatuhuka ni kutubatwiza hamwe ni tujita twenyi eswe, ha kwasa jita ni yetu ku limbo lia Edrei.

Shimbi 3:11

(Mwanangana Oge mwe wakusula wa kuli akwa Refaime. Kusuhwa cha muhela wenyi, metro jiwana, wakulinga ni utale, kutohwa chawo hehi ni metro jaali nikulita ni yeseko yize akwesekela nayo ha matangwa waze. Muhela wenyi kuuli mu Raba limbo lia Aamone, ndoo ni musono.)

Shimbi 3:3

“Chenacho nawa Mwene Zambi akunjikile Oge ni e atu jenyi mu moko jetu, yitwanongesa eswe, niumwe kasalile ko ni mwono.

Yoshua 10:8

Mwene Zambi yambila Yoshua ngwenyi: “Kanda weevwila woma. Hinakukwasa kulu, muwakumba. Kukushi yoze malimika ni yena.”

Usolwelo 2:10

Kanda wivwa woma ha lamba lize muukamona. Banjika! Sakwonga makasa amwe hakachi kenu mu zuwo lia lamba ha kunweseka. Munukamona lamba matangwa kumi. Nyongonona mu ufulielo we ndoo ku kufwa, mba mungukakwaha chipangula cha mwono.