Shimbi 1:3 - Mukanda Wa Zambi 1970

³ Ha tangwa litangu lia kakweji wa kumi ni kashi lia mwaka wa makumi awana muze Aisraele atuhukile mu chifuchi cha Egiptu, Mose yalweza atu yuma yeswe yize Mwene Zambi amwambile.

MUKANDA USANDU WA ZAMBI 1975

³ Mba ha mwaka makumi awana, ha kakweji kumi ni limuwika, ha tangwa litangu lia mwe kakweji, Mose yamba kuli A-Izalele, nikulita ni yeswe amuhele Yehova ni shimbi hali ayo,

Shimbi 1:3 Iomraidhean Croise

Alevi 27:34

Jino jili Shimbi jize Mwene Zambi ahanyine kuli Mose, ha mulundu wa Sinai, mumu hali Aisraele.

Kwalula 1:1

Ha tangwa litangu lia kakweji wa muchaali ha mwaka wa muchaali chize muze Aisraele atuhukile mu chifuchi cha Egiptu, Mwene Zambi yahanjika kuli Mose mu zuwo lia Zambi lia makubu, mu puya ya Sinai. Yamba ngwenyi:

Kwalula 20:1

Ha kakweji mutangu Chikungulwila cheswe cha Aisraele yeeza ku puya ya Zine, yaasa musumba ku Kadeshe. Kwenako afwilile Miriame, yaamufunda.

Kwalula 33:38

Hako Arone yakanduka ha mulundu wa Hore nikulita ni maliji a Mwene Zambi. Kwenako afwilile, muze te habwa ni miaka 123. Te hikwabalika miaka makumi awana chize kuze Aisraele atuhukile ku Egiptu, ha tangwa litangu lia kakweji wa muchitano.

Yoshua 4:19

Aisraele yazauka Yordau ha tangwa lia muchikumi lia kakweji mutangu, yaajika musumba ku Gilgale, ku sali lia chivumbuko lia Yeriku.