Shimbi 1:2 - Mukanda Wa Zambi 1970

² (Ha kukatuka ku mulundu wa Sinai ni kuya ku Kadeshe Barnea kukuli wenyi wa matangwa kumi ni kashi, mu jila ya milundu ya Edome.)

MUKANDA USANDU WA ZAMBI 1975

² Katuke ku Horepe, kuchapwa wenyi wa kumi lia matangwa ni tangwa limuwika ku jila ya mulundu wa Sere kuheta ku Kandeshe-Mbania.

Shimbi 1:2 Iomraidhean Croise

Ubutukilo 32:3

Yakoba yatuma tunganda kuli yayo Esau. Mwe Esau te katwama ha mulundu wa Seire mu chifuchi cha Edome.

Kutuhuka 17:6

Mungumana kulutwe lie ha limwe liwe ha mulundu wa Sinai. Muumulamba ha liwe, mba meya maatuhuka, hanga atu anwe.” Mose yalinga Chenacho ku meso ja miata ja Aisraele.

Kutuhuka 3:1

Mose te kakufunga yimuna ya Ukwe wenyi Jetro, hako wa ku chifuchi cha Midiane. Yatwala yimuna mu puya, yaheta ku Sinai ku mulundu wa Zambi.

Alevi 2:14

Muze munukaneha kuli Mwene Zambi mulambu wa mbuto yitangu yize hinwamakuna, lambulenu mbuto ya kwocha hanji ya kutwa wunga.

Alevi 9:23

Mose ni Arone yaanjila mu zuwo lia Zambi. Muze haatuhuka yaawahisa atu. Hohene uhenya wa pangu lia Mwene Zambi yiusoloka kuli atu eswe.

Kwalula 13:26

kuli Mose ni Arone, ni ku Chikungulwila cheswe cha Aisraele, ku Kadeshe mu puya ya Parane. Yaambulula yize amwene, yaalweza mihuko yize te anambata.

Kwalula 32:8

Chenacho alingile atatenu muze twabwile ku Kadeshe Barnea muze naatumine ha kwendesa chifuchi cha Kanana.

Shimbi 1:19

“Yitulinga ngwe chize Mwene Zambi, Zambi yetu, atuhele Shimbi. Yitukatuka ku mulundu wa Sinai yituya ndusu mu puya yinene, kole ni woma, mu jila ya kuya ku milundu ya Aamore. Muze hitwaheta ku Kadeshe Barnea,

Shimbi 1:44

Chenacho Aamore waze te atwama ku milundu yeeza ni kulimika ni yenu. Yaanuhanga ndoo ni ku Horma ngwe chize puka akuhanga atu, yaanunongesa ku milundu ya Edome.

Shimbi 2:1

Mba yitutewuluka, yituya mu puya mu jila ya kuya ku kalunga lwiji Akaba, ngwe chize Mwene Zambi atwambile, yitujingujoka matangwa anji ku milundu ya Edome.

Shimbi 2:4

Yangulweza ha kunwaha Shimbi jino ngwenyi: ‘Nunambe kuya ku milundu ya Edome, chifuchi cha usoko wenu vungu lia Esau. Kumaakanuvwila woma,

Shimbi 2:8

“Chenacho twabalikile usoko wetu vungu lia Esau, waze te atwama mu chifuchi cha Edome. Yituhichika jila yize yinakatuka ku limbo lia Elate ni Eziongebere ni kuya ku chitende cha Kufwa. Yitutewuluka ku norde ni ku chivumbuko ku kanda ya Moabe.

Shimbi 9:23

Ni muze nwabwile ku Kadeshe Barnea yanwamba ngwenyi: ‘Yeenu nuzuke chifuchi chize hinanwaha,’ alioze yinukolema Shimbi ja Mwene Zambi, Zambi yenu, kunwamufulielele ko chibwe kumwononokena.

Yoshua 14:6

Limwe tangwa, amwe Ayuda yeeza kuli Yoshua ku Gilgale. Umwe wa kuli ayo, jina lienyi Kaleba, mwana wa Jefune mukwa Kenize, yamba ngwenyi: “Nunanyingika chize Mwene Zambi ahanjikile kuli Mose, mutu wa Zambi, ku Kadeshe Barnea, hakutwala kuli yenu ni yami.