Shimbi 1:1 - Mukanda Wa Zambi 1970

¹ Mu mukanda uno muli maliji waze Mose ambilile Aisraele muze abwile mu puya ku chivumbuko cha lwiji Yordau. Te kaali mu chikulo cha Yordau hehi ni Sufe, hakachi ka limbo lia Parane sali limwe ni membo ja Tofele, ni Labane, ni Hazerote, ni Dizahabe sali likwo.

MUKANDA USANDU WA ZAMBI 1975

¹ Maliji ano ambile Mose kuli A-Izalele eswe mu sali lia Yordau, mu puya, mu Arapa chatalangana ni Kalunga-lwiji Muchila, hakachi ka Parane, ni Tofele, ni Lapane, ni Hazerote, ni Dizahabe.

Shimbi 1:1 Iomraidhean Croise

Ubutukilo 21:21

Naye yamumbachila pwo wa ku chifuchi cha Egiptu.

1 Yitanga Ya Mianangana 11:18

No yaakatuka ku chifuchi cha Midiane, yaaya ku puya ya Parane, kuze amwene amwe malunga waze alichingile no. Yaaya ku Egiptu maha mwanangana, neye yamwaha Hadade zuwo ni minda yimwe, yalakenya kumuhoka.

Habakuke 3:3

Zambi kanakatuka ku Edome, Zambi munangi kanakatuka ku milundu ya Parane. Lilu hazala ni uhenya wenyi, hashi hazala ni uhaliso wenyi.

Kwalula 10:12

Aisraele yaabutuka kwenda cho, yaatuhuka mu puya ya Sinai. Lie lelwa yihenda, yilihulumukina mu puya ya Parane.

Kwalula 11:35

Atu yaakatuka ko, yaaya ku Hazerote, kwenako ajikile musumba wo.

Kwalula 12:16

Mba yaakatuka ku Hazerote, yaajika musumba mu puya ya Parane.

Kwalula 13:26

kuli Mose ni Arone, ni ku Chikungulwila cheswe cha Aisraele, ku Kadeshe mu puya ya Parane. Yaambulula yize amwene, yaalweza mihuko yize te anambata.

Kwalula 32:19

Kutuchi katambula chihinga hamwe no musali lia Yordau, mumu hitunatambula Chihanda chetu muno musali.”

Kwalula 32:32

Mutukazauka musali lia Yordau ni kwasa jita mu chiyulo chenyi, mba hanga tufunge chihinga chetu muno musali lia Yordau.”

Kwalula 32:5

Twalemba mwane, twehenu kama chifuchi chibwe chihinga chetu, kanda nutuzawisa Yordau ni kutunga muze musali.”

Kwalula 34:15

mu sali lia Yordau ku chivumbuko, hatalanganyi ni Yeriku.”

Kwalula 35:14

ku chivumbuko cha Yordau membo atatu, mu chifuchi cha Kanana membo atatu.

Shimbi 2:8

“Chenacho twabalikile usoko wetu vungu lia Esau, waze te atwama mu chifuchi cha Edome. Yituhichika jila yize yinakatuka ku limbo lia Elate ni Eziongebere ni kuya ku chitende cha Kufwa. Yitutewuluka ku norde ni ku chivumbuko ku kanda ya Moabe.

Shimbi 27:1

Mba Mose yakungulula miata ja Aisraele, yambila atu ngwenyi: “Fungenu Shimbi jeswe jize ngunanulongesa musono.

Shimbi 29:1

Jino je Shimbi ja Usendo uze Mwene Zambi alwezele Mose ha kuukolesa ni Aisraele mu chifuchi cha Moabe. Yaweza yino yeswe ku Usendo uze Mwene Zambi akolesele hamwe no ha mulundu wa Sinai.

Shimbi 31:1

Mose yaweza ha maliji wano kuli Aisraele,

Shimbi 33:2

Mwene Zambi yakatuka ku mulundu wa Sinai, yabwa ngwe chize tangwa liakuvumbuka ha Edome nikupanguka hali Aisraele ha mulundu wa Parane. Tunganda a mwilu tununu kumi yabwa hamwe nenyi, soka lia mulengi wa kahia mu kwoko lienyi lia chindume.

Shimbi 5:1

Mose yakungulula Aisraele eswe, yaamba ngwenyi: “Yenu Aisraele, banjikenu ku Shimbi jeswe jize ngunanulongesa musono. Lilongesenu jo; kanyamenu nujifunge kanawa.

Yoshua 22:4

Haliabwila, ngwe chize hanalakenya, Mwene Zambi, Zambi yenu, hahana uhwimino kuli usoko wenu Aisraele. Kashika hilukenu ku chifuchi chize nwechile, cha musali lia Yordau ku chivumbuko, chize anuhele Mose, kavumbi ka Mwene Zambi.

Yoshua 3:16

e meya yaalihandununa, yaamana ngwe chingina kusuku ku limbo lia Samutu, lize lili hehi ni limbo lia Zaretane Meya a ku sango lia chitende cha Kufwa yaabatuka lume ngwii, ni atu yaazauka Yordau hashi homu hehi ni Yeriku.

Yoshua 9:1

Kukumba cha Aisraele yaachinyingika kuli mianangana eswe a ku sali lia chitokelo cha Yordau: ku milundu, ni ku mikandu, ni mu yana yeswe ndoo ku kalunga lwiji Mediterane, ni ku norde ndoo ku Libano. Waze achivwile abwile mianangana ja Ahite, ni Aamore, ni Akanana, ni Aperize, ni Ahive, ni Ajebuse.

Yoshua 9:10

ni chize alingile kuli mianangana aali ja Amore a ku sali lia chivumbuko lia Yordau, mwanangana Sihone wa ku limbo lia Heshbone, ni mwanangana Oge wa ku limbo lia Ashtarote mu chifuchi cha Bashane.

1 Samuel 25:1

Hako Samuel yafwa. Aisraele eswe yaalikungulula, yaamulila, yaamufunda ku mahineyi mu limbo lia Rama. Mwabwamuze David yaya ku puya ya Parane.