Nehemia 9:8 - Mukanda Wa Zambi 1970

⁸ Yiumumona ngwe kali mukwa mbunge yibema, yiukolesa nenyi Usendo. Yiumulakenya kumwaha chifuchi cha Akanana, ni cha Ahite, ni cha Aamore, ni cha Aperize, ni cha Ajebuse, ni cha Agirgashe, chikabwe chifuchi cha vungu lienyi akatwame mo. Hiwalinga nikulita ni chilakenyo che, mumu uli mukwa kushishika.

MUKANDA USANDU WA ZAMBI 1975

⁸ Wawanyine mbunge yenyi yingunu kumeso je; wakolesele nenyi usendo ukamwehe chifuchi cha A-Kanana, ni A-Hete, ni A-Amore, ni A-Perize, ni A-Yepushe, ni A-Ngikashe, ukachihane kuli akwa munyachi wenyi. Hiwalinga nikulita ni maliji je mumu uli mukwa ululi.

Nehemia 9:8 Iomraidhean Croise

Ubutukilo 12:7

Mwene Zambi yasolokela Abrama nikwamba ngwenyi: “Chino che chifuchi mungukahana kuli vungu lie.” Mba Abrama yatunga chilumbilo homa haze, mumu kwenako Mwene Zambi amusolokelele.

Ubutukilo 15:6

Abrama yafuliela Mwene Zambi, kashika yamwalwila cho ha ululi.

Ubutukilo 22:12

Kanganda ngwenyi: “Kanda umulemeka, kanda umulinga chibi. Haliabwila ngunanyingika ngwami, kuma wakulemesa Zambi, mumu kuwalitunyine kulambula mwane mulambu kuli Zambi, chibwe kali lume umuwika.”

2 Samuel 22:31

Yitanga ya Zambi yili lume yibema, maliji jenyi kaali amwenemwene. Zambi kali lukebwe wa eswe waze aswama muli iye.

1 Sango Ja Mianangana 16:16

Usendo uze akolesele ni Abrahama, chilakenyo chize alakenyene kuli Isake.

Ezra 9:15

Mwene Zambi, Zambi ya Aisraele, yena uli mukwa ululi, hiwatutayiza yetu kutwama ni mwono. Tunashikisa milonga yetu; te kutwalitele kuheta ku meso je.”

Nehemia 9:33

Yena walingile kanawa ha kutumwesa lamba. Yena uli mukwa ululi, chibwe yetu twavulumwine.

Miaso (Masamu) 116:5

Mwene Zambi kali ni keke, ni utu, ni zango liahiana.

Kutuhuka 3:17

Mba hinabatula ngwami, mungunutuhwisa mu chifuchi cha Egiptu, muze nwakumwena lamba, ni kunutwala mu chifuchi cha chinuno, chifuchi cha Akanana, ni Ahite, ni Aamore, ni Aperize, ni Ahive, ni Ajebuse.’

Kutuhuka 3:8

Hinahulumuka hanga ngwapulule ku moko ja akwa Egiptu, ni kwatwala mu chifuchi chinene, chibema, ni cha chinuno. Akanana, ni Ahite, ni Aamore, ni Aperize, ni Ahive, ni Ajebuse, enoo atwama mu chifuchi chize haliabwila.

Ezekiel 33:24

“Mwana mutu, atu waze atwama mu membo waze haanenyeka chifuchi cha Israele kaanambe ngwo: ‘Abrahama te kali mutu umuwika lume, ya tambula chifuchi cheswe chamuwundu. Yetu tuli anji, kashika haliabwila chifuchi chili nichetu.’

Kwalula 13:29

Aamaleke kaatwama ku sali lia sude mu chifuchi, Ahite, ni Ajebuse, ni Aamore kaatwama ku chifuchi cha milundu. Akanana kaatwama ku mbumbulu ya kalunga lwiji Mediterane ni mu chikulo cha lwiji Yordau.”

Kwalula 23:19

Zambi keshi ngwe atu waze akuhanjika mahuza; keshi ngwe mwana mutu yoze wakwalumiona mbunge yenyi. Cheswacho halakenya kumachilinga, chize mahanjika muchilingiwa.

Yilinga 13:22

Muze te Zambi hamuchiza mu wanangana, yaaha David ha kubwa mwanangana wo. Zambi yashindakenya hakutwala kuli David ngwenyi: ‘Hinamona David, mwana wa Jese, mutu yoze unalite ni manyonga jami. Mwenawo makamanununa kulinga yeswe yize ngunazange.’

Shimbi 26:3

Ukaya kuli mwata wa mahako ha matangwa waze nikwamba ngwe: ‘Haliabwila ngunashindakenya kuli Mwene Zambi, Zambi yami, hinanjila mu chifuchi chize alakenyene tushakulu twetu ha kwahacho.’

Shimbi 32:4

“Mwene Zambi kali liwe, ndako jenyi jili jingunu ni ja ululi. Zambi yenu kali mukwa kushishika ni wa umwenemwene, kakulinga yuma ya ululi ni yize yinalite.

Shimbi 7:1

“Mwene Zambi, Zambi yenu, kumakanutwala ku chifuchi chize nunayi ha kuchizuka, makahanga mo mavungu anji. Makahuma mavungu shimbiali anene ni a tachi anuhiana yenu: Ahite, ni Agirgashe, ni Aamore, ni Akanana, ni Aperize, ni Ahive, ni Ajebuse.

Shimbi 9:5

Hi mumu ha ululi wenu ko, hanji ha mbunge jenu jibema kashika Zambi wanukwasa kuzuka chifuchi cho. Makaahanga mumu kaali yingulungulu, ni mumu kanazange kumanununa chilakenyo chize alakenyene kuli tushakulu twenu Abrahama, ni Isake, ni Yakoba.

Hebreu 11:17

Ku ufulielo tata Abrahama yamba kulambula mwanenyi Isake ha chilumbilo, muze te Zambi amwesekele. Chibwe te Zambi halakenya Abrahama kubwa ni mwana, hindu Abrahama yamba kumulambula chibwe te kali ni umuwika lume.

Hebreu 6:18

Kukuli yuma yaali yize kuyahashile kwalumuka, ni hakutwala ku yize Zambi kahashile kuhanjika mahuza. Kashika yetu hitunachinyina kuli iye; tuli ni hamu lia kukakaminya ha kusa mbunge ku chize hanatulakenya.

Yoshua 11:23

Yoshua yatambula chifuchi cheswe ngwe chize Mwene Zambi ambile Mose Yoshua yachihana kuli Aisraele kubwa nicho, yaatetela cho kubwa chihinga cho, Chihanda chimuwika ku vungu ni vungu. Mba mu chifuchi yimuhola lume kuluu.

Yoshua 11:3

Yatuma nawa liji kuli Akanana ku sali ni sali lia Yordau: kuli Aamore, ni Ahite, ni Aperize, ni Ajebuse a ku milundu, ni Ahive waze atwama ku mulundu wa Hermone, mu chifuchi cha Mizpa.

Yoshua 23:14

“Haliabwila ngunayi mu jila yize akuya akwa hashi eswe. Yenu eswe nunanyingika mu mbunge jenu chize Mwene Zambi, Zambi yenu, hananwehe yuma yeswe yibema yize anulakenyene. Yilakenyo yeswe hanayimanununa; nichimwe kuchahonene.

Yoshua 9:1

Kukumba cha Aisraele yaachinyingika kuli mianangana eswe a ku sali lia chitokelo cha Yordau: ku milundu, ni ku mikandu, ni mu yana yeswe ndoo ku kalunga lwiji Mediterane, ni ku norde ndoo ku Libano. Waze achivwile abwile mianangana ja Ahite, ni Aamore, ni Akanana, ni Aperize, ni Ahive, ni Ajebuse.

1 Yoano 1:9

Alioze, nyi twakushikisa milonga yetu, iye kali mukwa kushishika ni mukwa ululi ha kutukonekena milonga yetu, ni kutubemesa ku uhenge weswe.