Nehemia 9:7 - Mukanda Wa Zambi 1970

⁷ Yena Mwene Zambi, watongwele Abrama Yiumutuhwisa ku Ure mu chifuchi cha Babilonia; Yiwalumuna jina lienyi, yilibwa Abrahama.

MUKANDA USANDU WA ZAMBI 1975

⁷ Yena uli Yehova, mwe Zambi. Watongwele Apalama; wamuchijile ku Ure ya A-Kaletea nikumwaha jina lia Apalahama.

Nehemia 9:7 Iomraidhean Croise

Ubutukilo 11:31

Mba Tera yanda mwanenyi Abrama ni mujikulu wenyi Lote, mwana wa Harane, yanda nawa tembwa mwanenyi Sarai, pwo lia Abrama, yaakatuka ku limbo lia Ure mu chifuchi cha Babilonia, yaaya ku chifuchi cha Kanana. Yaaya ndoo ku limbo lia Harane, yaatunga ko.

Ubutukilo 15:7

Mba Mwene Zambi yambila Abrama ngwenyi: “Nguli Mwene Zambi, nakuchijile ku limbo lia Ure mu chifuchi cha Babilonia ha kukwaha chifuchi chino cha chihinga.”

Ubutukilo 17:5

Jina lie hi Abrama nawa ko, hiliabwa Abrahama. Lino lie mulibwa jina lie mumu hinakupwisa kashakulu ka mavungu anji.

Ubutukilo 18:19

Hinatongola Abrahama hanga akalweze ana jenyi ni vungu lienyi ngwenyi, chaatamba kufunga Shimbi jami, ni kulinga yuma yibema ni ya ululi. Nyi maachilinga mungumanununa yeswe yize namwambile.”

1 Sango Ja Mianangana 1:27

ni Abrama (yaamuluka nawa ngwo, Abrahama).

Izaya 51:2

Nyongenu kashakulu kenu Abrahama, ni Sara, yoze wanusemene. Muze natambikile Abrahama, te keshi ana, alioze yingumuwahisa, yingumwaha ana; yingwokesa vungu lienyi.

Shimbi 10:15

Alioze Mwene Zambi yazanga tushakulu twenu kuhiana. Kashika yatongola yenu hi atu akwo ko. Ndoo ni musono nuli atu jenyi.