Nehemia 9:6 - Mukanda Wa Zambi 1970

⁶ Mba Aisraele eswe yaalemba ngwe chino: “Yena, Mwene Zambi, uli Mwene Zambi wika; yena watangile lilu ni e matongonoshi. Yena watangile hashi ni kalunga lwiji ni yuma yeswe yilimo; yeswe yiuyipwisa ni mwono. Akwa ndundo a mwilu kaakufukama ni kukuwayila.

MUKANDA USANDU WA ZAMBI 1975

⁶ Yena uli Yehova; yena mwene ukawe. Yena watangile lilu, ni lilu lia malilu ni mbunga yamo yeswe, ni hashi ni yuma yeswe yiliho, ni tulunga-njiji ni yuma yeswe yilimo; ni yena kuwakuyifunga yeswe. Mbunga ya mwilu kakukuwayila.

Nehemia 9:6 Iomraidhean Croise

Ubutukilo 1:1

Ha Ubutukilo Mukulu Zambi yatanga lilu ni hashi.

Ubutukilo 1:9

Mba Mukulu Zambi yamba ngwenyi: “Meya waze ali kushi lia lilu aswile muma mumuwika hanga mavu asoloke.” Yichibwa chenacho.

Ubutukilo 2:1

Chenacho ha tangwa lia muchisambano Mukulu Zambi amanunwine kutanga lilu ni hashi, ni yuma yeswe yilimo. Mba ha tangwa lia muchishimbiali yanama.

Ubutukilo 32:2

Muze Yakoba haamona, yamba ngwenyi: “Uno uli musumba wa Zambi.” Mba homa haze yaluka ho jina ngwenyi, Mahanaime.

1 Yitanga Ya Mianangana 22:19

Mikaya yaweza ho ngwenyi: “Hibanjikenu chize Mwene Zambi anambe! Ngunakamona Mwene Zambi kanatwama ha chitwamo chenyi mwilu, ni mbunga yeswe ya mwilu kaanamana ku chindume chenyi ni ku chimeso chenyi.

1 Yitanga Ya Mianangana 8:27

“Alioze yena Zambi, kuma muuhasa kutwama hano hashi, nyi? Chibwe lilu Heswe kuliakutelele. Mba ngwe kuchi muuhasa kutwama mu zuwo lino hinakutungila?

1 MIANANGANA 19:15

yalemba ngwenyi: “Aa Mwene Zambi, Zambi ya Aisraele, kuwatwama ha chitwamo che helu lia akwa mwono a mwilu, yena uli mwe Zambi wika, kuwakuyula mwanangana eswe a hashi. Yena watangile hashi ni lilu.

1 MIANANGANA 19:19

Haliabwila Mwene Zambi, Zambi yetu, tulamwine kama kuli Aasuria, hanga mavungu eswe a hashi anyingike ngwo, Mwene Zambi shina yena wika mwe Zambi.”

Nehemia 9:5

Alevi wano yaakatwisa atu hanga awayile: Yeshua, ni Kadmiele, ni Bani, ni Hashabneya, ni Sherebia, ni Hodia, ni Shebania, ni Petahia. Yaamba ngwo: “Katukenu nufumanyise Mwene Zambi, Zambi yenu; mufumanyisenu ndoo ku miaka yeswe ni miaka yeswe! Mutu mweswe afumanyise jina lienyi ha uhenya, chibwe uhaliso wetu kuwazukile.”

Miaso (Masamu) 102:25

ha Ubutukilo yena watangile hashi, yena nawa watangile lilu ni moko ja yena mwene.

Miaso (Masamu) 103:21

Chichimiekenu Mwene Zambi, yenu eswe tunganda twa mwilu a ndundo, yenu tuvumbi twenyi waze nwakulinga chize anazange.

Miaso (Masamu) 115:15

Mwene Zambi yoze watangile lilu ni hashi anuwahise!

Miaso (Masamu) 124:8

Mwene Zambi, yoze watangile lilu ni hashi mwe wakutukwasa.

Miaso (Masamu) 146:6

yoze watangile lilu, ni hashi, ni kalunga lwiji, ni yuma yeswe yize yilimo. Matangwa eswe kakufunga yilakenyo yenyi;

Miaso (Masamu) 24:10

Mwe mwanangana munene iya? Mwene Zambi Mukwa Ndundo Jeswe, iye mwe Mwanangana!

Miaso (Masamu) 33:6

Mwene Zambi yamba ngwenyi: “Tangwa ni kakweji ni matongonoshi yibwe.” Neyo yiibwa.

Miaso (Masamu) 36:6

Ululi we unahiana ngwe milundu yisuku, ubatwilo we wa ululi uli ngwe yimwe jondo yinene. Mwene Zambi, yena wakufunga atu ni tushitu.

Miaso (Masamu) 86:10

Yena uli mukwa ndundo, kuwakulinga yikomokeso; yena wika uli Zambi.

Izaya 37:16

“Aa Mwene Zambi Mukwa Ndundo Jeswe, Zambi ya Israele, kuwatwama ha chitwamo che helu lia akwa mwono a mwilu, yena uli mwe Zambi wika, kuwakuyula mawanangana eswe a hashi. Yena watangile hashi ni lilu.

Izaya 37:20

Haliabwila, Mwene Zambi yetu, tulamwine kama kuli Aasuria, hanga mavungu eswe a hashi anyingike ngwo, yena wika uli Zambi.”

Izaya 43:10

“Israele, yena uli chela chami, hingunakutongola kubwa kavumbi kami, hanga ungunyingike ni kungufuliela ni kunyingika ngwe, yami wika nguli Zambi. Kukushi Zambi mukwo shina yami; kukwabwile ko mukwo, ni kechi kabwa ko.

Izaya 44:6

Mwene Zambi yoze wakuyula ni kufunga Aisraele, Zambi Mukwa Ndundo Jeswe kanambe ngwenyi: “Nguli mutangu ni kasulasongo, mwe Zambi wika; kukushi Zambi mukwo shina yami.

Izaya 44:8

Yenu atu jami, kanda nwivwa woma! Nunanyingika ngwenu, chize ku shakulu ndoo ni musono hingunaliange kwambulula shimbu kanda yuma yeswe yize muyikabwa ko; yenu nuli yela jami. Kuli Zambi mukwo, nyi? Kuli Zambi mukwo wa tachi yoze Chanyingikine, nyi?”

Izaya 45:12

Yami natangile hashi, ni atu waze atwama ho. Nazazulwile lilu ni ndundo jami; nakuyula tangwa, ni kakweji, ni matongonoshi.

Jeremia 32:17

“Mwene Zambi, yena watangile lilu ni hashi ku ndundo je jahiana; kukushi Chuma nichimwe chize muchikukalila yena.

Ezekiel 20:11

Yingwaha Shimbi jami ni yiyulo yami, yize yakupwisa ni mwono mweswawo wakuyononokena.

Yona 1:9

Yona yakumbulula ngwenyi: “Nguli Kahebreu. Nakuwayila Mwene Zambi, Zambi ya mwilu, yoze watangile hashi ni kalunga lwiji.”

Yoano 10:30

Tata ni yami tuli umuwika.”

Yilinga 4:24

Ha kwivwa liji lino, yaalemba Zambi ni mbunge yimuwika ngwo: “Mwene, yena watangile lilu, ni hashi, ni kalunga lwiji, ni yeswe yize yilimo.

Shimbi 10:14

Lilu hahiana lili lia mbala lia Mwene Zambi; ni he hashi nihenyi, ni yuma yeswe yize yiliho.

Shimbi 32:39

“ ‘Yami wika nguli Zambi. Kukushi zambi mukwo wamwenemwene. Nakushiha, nakupwisa ni mwono; nakulemeka, nakuwuka. Kukushi niumwe yoze malamwina mutu ku kwoko liami.

Shimbi 6:4

“Yenu Aisraele, ivwenu, Mwene Zambi, Zambi yetu, kali Zambi wika.

Hebreu 1:3

Mwe Mwana kanatemuka ni kubeyima cha uhenya wa Zambi. Kulifwa chenyi chili lume pundu ngwe chize abwa Zambi. Mwanenyi kakwata yuma yeswe ku tachi ja liji lienyi. Muze habemesa atu ku shili yo, yatwama ha chitwamo cha Wanangana mwilu ku chindume cha Zambi, Mukwa Ndundo Jeswe.

Hebreu 1:6

Muze te Zambi himamba kutuma Mwanenyi mutangu hano hashi, yamba nawa ngwenyi: “Tunganda a mwilu eswe amuwayile.”

Usolwelo 14:7

Yakololoka ni liji linene ngwenyi: “Mwivwilenu Zambi woma, mulemesenu! Mumu tangwa lize makabatwila atu hilieza. Wayilenu Zambi yoze watangile lilu, ni hashi, ni kalunga lwiji, ni tusulo twa ngiji!”

Usolwelo 4:11

“Yena Mwene kanda Zambi yetu, kuwatela uhaliso, ni ulemu, ni ndundo. Mumu yena watangile yuma yeswe. Yuma yeswe kuyili ni mwono shina mumu ha upale we.”