Nehemia 9:5 - Mukanda Wa Zambi 1970

⁵ Alevi wano yaakatwisa atu hanga awayile: Yeshua, ni Kadmiele, ni Bani, ni Hashabneya, ni Sherebia, ni Hodia, ni Shebania, ni Petahia. Yaamba ngwo: “Katukenu nufumanyise Mwene Zambi, Zambi yenu; mufumanyisenu ndoo ku miaka yeswe ni miaka yeswe! Mutu mweswe afumanyise jina lienyi ha uhenya, chibwe uhaliso wetu kuwazukile.”

MUKANDA USANDU WA ZAMBI 1975

⁵ Mba A-Levi, Yeshua, ni Kamiele, ni Mbani, ni Hashabania, ni Sherebia, ni Hodia, ni Shebania, ni Petahia yamba ngwo, Manenu nukafumanyise Yehova Zambi yenu chize ku miaka yeswe ndo ku miaka yeswe. Jina lie lia uhenya, lize liatunda helu lia ulemeso weswe ni uhaliso weswe, likafumane.

Nehemia 9:5 Iomraidhean Croise

1 Yitanga Ya Mianangana 8:14

Muze te Aisraele anamana, Solomone yatewuluka kuli ayo, yaawahisa.

1 Yitanga Ya Mianangana 8:15

Yamba ngwenyi: “Chichimiekenu Mwene Zambi, Zambi ya Aisraele! Mumu hanafungu chilakenyo chize alakenyene tata David muze amwambile ngwenyi:

1 Yitanga Ya Mianangana 8:22

Mba Solomone, ku meso ja atu jenyi, yaya, yamana kulutwe lia chilumbilo, yolola moko jenyi kwilu,

1 Yitanga Ya Mianangana 8:27

“Alioze yena Zambi, kuma muuhasa kutwama hano hashi, nyi? Chibwe lilu Heswe kuliakutelele. Mba ngwe kuchi muuhasa kutwama mu zuwo lino hinakutungila?

1 Sango Ja Mianangana 16:36

Chichimiekenu Mwene Zambi, Zambi ya Aisraele! Muchichimiekenu chize musono ndoo ku miaka yeswe! Mba atu eswe yaamba ngwo: “Chibwe kama Chenacho.” Yaahalisa Mwene Zambi.

1 Sango Ja Mianangana 29:11

Kuuli munene, mukwa ndundo, mukwa uhenya, mukwa kukumba, ni ulamba. Yuma yeswe ya mwilu ni hashi niye. Yena uli mwanangana, yena wakuyula eswe.

1 Sango Ja Mianangana 29:13

Zambi yetu, haliabwila tunakusakwilila, tunafumanyisa jina lie lilemu.

1 Sango Ja Mianangana 29:20

Mba mwanangana David yambila atu ngwenyi: “Chichimiekenu Mwene Zambi, Zambi yenu!” Ni e atu eswe yaachichimieka Mwene Zambi, Zambi ya tushakulu two, yaafulamana, yaalemesa Mwene Zambi ni mwanangana.

2 Sango Ja Mianangana 20:13

Malunga eswe ja Yuda, hamwe ni mapwo ni ana jo, te kaanamana kulutwe lia zuwo lia Zambi.

2 Sango Ja Mianangana 20:19

Alevi a ku majimo ja Kohate ni Kora yaamana kikilii, yaakololoka ni kuchichimieka Mwene Zambi, Zambi ya Aisraele.

Ezra 3:11

Yeemba miaso ya kuchichimieka nayo Mwene Zambi, ngwo: “Mwene Zambi kali mubema, kakuzanga Aisraele ndoo ku miaka yeswe.” Atu eswe yaakololoka ni liji linene, yaachichimieka Mwene Zambi, mumu te haabutuka fundamentu ya zuwo lia Zambi.

Nehemia 9:4

Kwabwile chitamba cha Alevi. Yeshua, ni Bani, ni Kadmiele, ni Shebania, ni Buni, ni Sherebia, ni Bani, ni Kenani yaamana ho, yaalemba kuli Mwene Zambi, Zambi yo, ni liji linene.

Nehemia 9:6

Mba Aisraele eswe yaalemba ngwe chino: “Yena, Mwene Zambi, uli Mwene Zambi wika; yena watangile lilu ni e matongonoshi. Yena watangile hashi ni kalunga lwiji ni yuma yeswe yilimo; yeswe yiuyipwisa ni mwono. Akwa ndundo a mwilu kaakufukama ni kukuwayila.

Jobe 1:21

yamba ngwenyi: “Uselesele nasemukine, uselesele munguhiluka nawa. Mwene Zambi iye mwene wanguhele, hayitambula nawa. Jina lienyi lifumane!”

Miaso (Masamu) 106:2

Iya mahasa kulumbununa yitanga yenyi yinene yeswe? Iya mahasa kumuchichimieka kanawa?

Miaso (Masamu) 134:1

Tweyenu, chichimiekenu Mwene Zambi, yenu tuvumbi twenyi eswe, yenu eswe waze nwakulingila mu zuwo lienyi ha ufuku.

Miaso (Masamu) 145:2

Mungukusakwilila matangwa eswe, mungukufumanyisa ndoo ku miaka yeswe.

Miaso (Masamu) 145:5

Maakambujola uhenya ni ulamba we, ni yami mungukabukuna yitanga ye ya kulishimwoka.

Miaso (Masamu) 146:2

Mungumuchichimieka matangwa eswe a mwono wami, mungwimbila Mwene Zambi ku miaka yeswe.

Miaso (Masamu) 16:2

Hinamba kuli Mwene Zambi ngwami: “Yena uli mwata wami, yiwape yeswe yize nguli nayo ya kuli yena.”

Miaso (Masamu) 66:2

Fumanyisenu jina lienyi ni miaso, mufumanyisenu kuhiana!

Miaso (Masamu) 99:3

Atu eswe maachichimieka jina lienyi lilemu ni lia ulamba. Kali munangi!

Kutuhuka 15:11

“Aa Mwene Zambi, hakachi ka mazambi, iya walifwa ni yena? Iya uli munangi ngwe yena? Iya malinga yilayi ni yikomokeso ngwe yena?

Kutuhuka 15:6

“Mwene Zambi, kwoko lie lia chindume likwete ndundo kuhiana, hilionona akwa kole.

Daniel 2:20

“Zambi kali mukwa mana kanda mukwa ndundo! Mufumanyisenu ku miaka yeswe ni miaka yeswe.

Mateu 11:25

Ha shimbu lize Yesu yamba ngwenyi: “A tata, Mwenya lilu ni hashi! Ngunakusakwila mumu hiwasolwela waze kaalilongesele yuma yize waswekelela akwa mana ni waze haanalilongesa.

2 Korintu 4:6

Zambi yoze wambile ngwenyi: “Pangu lipanguke mu milima,” mwenawo hanapanguka mu mbunge jetu hanga jitemuke, hanga jitusongwele mana a kunyingika uhenya wa Zambi, uhenya uze wakusoloka ku meso ja Kristu.

Shimbi 28:58

“Nyi kunusolo kufunga kanawa Shimbi jeswe jize Mwene Zambi asonekene mu mukanda uno, nawa nyi kunwalemesene jina lilemu lia Mwene Zambi, Zambi yenu,

1 Petulu 1:3

Tusakwilenu Zambi kanda Tato ya Mwene wetu Yesu Kristu! Ku keke yenyi yinji, yatwaha mwono walia ku uhindukilo wa Yesu Kristu ku kufwa. Kashika twakusa mbunge ku chihinga,

Akwa Kuyula 13:18

Kanganda yamukumbulula ngwenyi: “Mumu yika unazange kunyingika jina liami? Lili jina lia chikomokeso.”